Biibilimi Guutip naalagaaf­fia, tassa kun­ngeqarfia, pingaar­ner­tut sam­mineqar­poq. Jehovap kun­ngeqarfini atorlugu nunarsuaq paratiisin­ngor­teq­qis­savaa. Ilin­niagas­sami matumani tul­liut­tunilu marlunni apeq­qutit uku sam­mineqar­put: Guutip kun­ngeqarfia suua? Qanoq nalun­ngilar­put naalak­kersuilereersoq? Sunik naam­mas­sisaqareerpa? Siunis­samilu sunik naam­mas­sisaqas­sava?

1. Guutip kunngeqarfia suua, kinalu kunngiua?

Kun­ngeqarfik tas­saavoq qilammi naalak­kersuisut Jehovamit pilersin­neqar­tut. Tas­sanilu Jiisusi kun­ngiuvoq. (Matiusi 4:17; Johan­nesi 18:36) Jiisusi pil­lugu Biibilimi ima allas­simavoq: “Kunngisut qaqugorsuarmut naalakkersuisuussaaq.” (Luk­karsi 1:32, 33) Tassa Jiisusi inun­nut tamanut naalak­kersuis­saaq.

2. Jiisusip naalakkersueqatai kikkuuppat?

Jiisusi kisimiil­luni naalak­kersuinavian­ngilaq. Biibilimi ima allas­simavoq: ‘Inuit naggueqatigiinnit, qanorluunniit oqaasilinnit, inuiaqatigiinnit inuiannillu tamanit pisut kunngisut nunarsuarmut naalakkersuissapput.’ (Saq­qum­mersitat 5:9, 10) Jiisusip naalak­kersueqatis­sai qas­sius­sap­pat? Inuit kristumiun­ngorsimasut mil­lionilik­kuutaajugaluar­tut 144.000-in­naat qilaliarlutik naalak­kersueqataas­sap­put. (Saq­qum­mersitat 14:1-4 atuarsigit). Kristumiullu sin­neri nunarsuarmi Kun­ngeqarfimmi innut­tan­ngus­sap­put. – Tus­siaat 37:29.

3. Sooq Guutip kunngeqarfia inuit naalakkersuinerannit pitsaanerua?

Inuit naalak­kersuisut ajun­ngitsuliorusuk­kaluarlutik iliuusererusutamit­tut iliuuseqar­tuaan­narsin­naaneq ajor­put. Aamma pif­fis­sap ingerlanerani naalak­kersuisunit allanit taarser­neqar­tar­put, imaas­sin­naavorlu naalak­kersuisut nutaat taakku nam­minis­sarsiorlutik innut­taasunik naqisiman­nit­tuusut. Guutilli kun­ngeqarfiani kun­ngiusoq Jiisusi allaanerul­luin­nar­poq. Naalak­kersuisunit allanit taarser­neqar­navian­ngilaq, Biibilimimi allas­simavoq Guutip Kun­ngeqarfik ‘qaqugumulluunniit atasussaq pilersikkaa’. (Danieli 2:44) Jiisusi nunarsuarmut tamarmut naalak­kersuiumaar­poq inun­nillu tamanik naaper­tuil­luar­tumik pin­nit­tarluni. Asan­nit­tuuvoq, inus­siar­nersuuvoq naaper­tuil­luar­tuul­lunilu, inuillu taamatut allanik pin­nit­tar­nis­saan­nik ilin­niar­tis­savai. – Esaja 11:9 atuarsiuk.

4. Naalakkersuisut pissaaneqangaartut nunarsuaq tamaat naalakkersuiffigissavaat

Jiisusi Kristusi naalak­kersuisunit allanit tamanit pis­saaneqar­ner­paavoq. Matiusi 28:18 atuarsiuk apeq­qullu una eqqar­torlugu:

• Jiisusip oqar­tus­saas­susia inuillu naalak­kersuisut oqar­tus­saas­susiat qanoq assigiin­ngis­suteqar­pat?

Inuit naalak­kersuisut taarser­neqarajup­put, nunarsuullu ilaan­naan­nut naalak­kersuisuusar­put. Guutimmi kun­ngeqarfia? Danieli 7:14 atuarsiuk apeq­qutillu uku eqqar­torlugit:

• Guutip kun­ngeqarfiata ‘suujun­naas­san­ngin­nera’ qanoq iluaqutigis­savar­put?

• Nunarsuarmut tamarmut naalak­kersuisus­saanera qanoq iluaqutigis­savar­put?

5. Inuit naalakkersuinerat taarserneqartariaqarpoq

Inuit naalak­kersuinerat sooq Guutip kun­ngeqarfianik taarser­neqar­tariaqarpa? VIDEO takusiuk apeq­qullu tul­liut­toq eqqar­torlugu.

VIDEO: Guutip kunngeqarfia suua? – Naalisagaq (1:41)

• Inuit naalak­kersuinerisa suut kingunerisimavaat?

Oqaluussisartup oqaasii 8:9 atuarsiuk apeq­qutillu uku eqqar­torlugit:

• Inuit naalak­kersuinerat Guutip kun­ngeqarfianik taarser­neqar­tariaqarsoraajuk? Sooq?

6. Guutip kunngeqarfia uagutsinnik paasinnittunik naalakkersuisoqarpoq

Kun­nger­put Jiisusi nunarsuarmi inuunikuugami ‘san­ngiis­sutitsin­nik paasin­nis­sin­naavoq’. (Hebræerit 4:15) Inuillu aalajaatsut 144.000-t Jiisusimut naalak­kersueqataasus­sat “naggueqatigiin­nit, qanorluun­niit oqaasilin­nit, inuiaqatigiin­nit inuian­nillu tamanit” toq­qagaap­put. – Saq­qum­mersitat 5:9.

• Jiisusip naalak­kersueqataasalu tamarmik inun­nik paasin­nil­luarsin­naanerat tup­pal­ler­naraajuk? Sooq?

7. Guutip kunngeqarfiata inatsisai pitsaanerpaapput

Naalak­kersuisut innut­taasunut iluaqutis­saasorisamin­nik illersuutis­saasorisamin­nillu inatsisilior­tar­put. Guutip kun­ngeqarfia aamma inatsiseqar­poq innut­taasunit malin­neqar­tariaqar­tunik. Korintimiunut 1. 6:9-11 atuarsigit apeq­qutillu uku eqqar­torlugit:

• Guutip inatsisai kik­kun­nit tamanit maleruar­neqar­tuup­pata nunarsuarmi pis­sutsit qanoq issasoraagit?a

• Jehova kun­ngeqarfim­mini innut­taasunut inatsisiliorsin­naatitaasoraajuk? Sooq?

• Qanoq nalun­ngilar­put inuit inatsisinik tamak­kunin­nga maleruaan­ngitsut allan­ngorsin­naasut? – Versi 11 takuuk.

EQIKKAANEQ

Guutip kun­ngeqarfia tas­saavoq naalak­kersuisut qilam­miit­tut nunarsuarmut tamarmut naalak­kersuisus­sat.

Uteqqiineq

• Kik­kut Guutip kun­ngeqarfiani naalak­kersuisuup­pat?

• Guutip kun­ngeqarfia inuit naalak­kersuineran­nit sooq pitsaanerua?

• Jehovap kun­ngeqarfim­mini innut­taasut ilaatigut qanoq piumasaqarfigai?

NAMMINEQ MISISSUGASSATIT

Kun­ngeqarfiup sumiin­nera pil­lugu Jiisusi qanoq oqar­toq misis­soruk.

“Guutip kunngeqarfia uummatinniippa?” (Nit­tar­tak­katsinni allaaserisaq)

Jehovap Nalunaajaasuisa Guutip kun­ngeqarfianik ilumoorfigin­nin­ner­tik sooq pingaar­ner­paatip­paat?

Guutip kunngeqarfianik ilumoorfiginnilluinnartut (1:43)

Jiisusip naalak­kersueqatis­sai 144.000-t Jehovamit toq­qar­neqar­tut pil­lugit Biibilimi qanoq allas­simasoqar­toq misis­soruk.

“Kikkut qilaliassappat?” (Nit­tar­tak­katsinni allaaserisaq)

Guutip kisimi nunarsuarmi naaper­tuil­luas­suseqalersitsisin­naanera sooq arnap par­naarus­saaq­qasup upperiler­paa?

“Naapertuilluanngis­susermut aaqqiissutaasoq paasivara” (Iteritsi!, novembarimi 2011)

Guutip kun­ngeqarfia qilammi 1914-imi naalak­kersuiler­poq. Aamma ukiumi tamatumani inuit naalak­kersuif­fiisa ullui kingul­liit aal­lar­tip­put. Tamakku qanoq nalun­ngilagut? Siulit­tuut Biibilimeersoq kiisalu 1914-imiilli nunarsuarmi pis­sutsit qanoq issimanersut sam­meriar­tigit.

1. Biibilimi qanoq siulittuuteqarpa?

Siulit­tuummi Biibilimeersumi ‘piffissarititaasut arfineq-marluk’ eqqar­tor­neqar­put. (Danieli 4:13, 14) Paasivar­put taakku naap­pata Guutip kun­ngeqarfia naalak­kersuilis­sasoq. Ukior­pas­suit tamatuma kingorna Jiisusip pif­fis­sarititaasut taakku ataatsimut ima taavai: ‘Inuiaqatigiinnut piffissarititaasoq.’ Aamma oqar­poq pif­fis­sarititaasoq tamanna suli naan­ngitsoq. (Luk­karsi 21:24) Pif­fis­sarititaasut arfineq-marluk 1914-imi naap­put, taman­nalu sam­minerujumaar­par­put.

2. 1914-imiilli nunarsuarmi pissutsit qanoq issimappat, inuillu qanoq pissuseqarsimappat?

Jiisusi ilin­niar­titaminit ima aperineqar­poq: “Najuun­nis­san­nut naggatis­sallu nalaanut suna ilisar­naataas­sava?” (Matiusi 24:3) Jiisusip oqalut­tuup­pai Guutip kun­ngeqarfiani kun­ngin­ngoreeruni qanoq pisoqas­sasoq – ilaatigut sorsut­toqar­tas­sasoq, nerisas­saaleqisoqar­tas­sasoq nunalu sajut­tas­sal­luni. (Matiusi 24:7 atuarsiuk). Aamma allas­simaf­fimmi allami siulit­tuutigineqar­poq inuit pis­susipalaaqar­nerat pis­sutigalugu “ulluni kingullerni pissutsit anigoruminaallutillu erloqinassasut”. (Timuutiusimut 2. 3:1-5) Tamakku tamarmik 1914-imiilli takus­saaler­put.

3. Guutip kunngeqarfiata naalakkersuilernerata kingorna sooq pissutsit taama ajorsitigisimappat?

Jiisusi Guutip kun­ngeqarfiani kun­ngin­ngorami Saatanimut anersaapilun­nullu qilammi sorsup­poq. Saatanilu ajorsarami “nunarsuarmut iginneqarpoq. Aamma inngilii ilanngullugit iginneqarput”. (Saq­qum­mersitat 12:9, 10, 12) Saatanip nalun­ngin­namiuk suujun­naarsitaasus­saal­luni kamat­torsuuvoq. Taamaat­tumillu tupin­nan­ngitsumik nunarsuarmi naal­liuuter­pas­suaqar­poq. Guutilli kun­ngeqarfiata ajor­nar­torsiutit tamakku tamaasa aaq­qis­savai.

ITISILIINEQ

4. Biibilimi siulittuutigineqarpoq Guutip kunngeqarfia 1914-imi naalakkersuilissasoq

VIDEO: Guutip kunngeqarfia 1914-imi naalakkersuilerpoq (5:02)

Guutip itsaq Babylon­nimi kun­ngi Nebukadnesari siulit­tuutaasumik sin­nat­tor­tip­paa. Sin­nat­tumit Daanialillu nas­suiaataanit paasivar­put Nebukadnesarip naalak­kersuinera aamma Guutip kun­ngeqarfiata naalak­kersuinera siulit­tuutigineqar­tut. – Danieli 4:14 atuarsiuk.a

Danieli 4:17-23 atuarsigit titar­tak­kallu atorlugit apeq­qutit uku eqqar­torlugit:

• (A) Nebukadnesarip suna sin­nat­toraa? – Versit 17 aamma 18 takuk­kit.

• (B) Orpik suneqas­sava? – Versi 20 takuuk.

• (C) ‘Pif­fis­sarititaasut arfineq-marluk’ naap­pata qanoq pisoqas­sava? – Versi 23 takuuk.

Orpimmik sinnattoq Guutip kunngeqarfianut qanoq attuumassuteqartoq

SIULITTUUT (Danieli 4:17-33)

Naalakkersuineq

(A) Orpis­suaq

Naalakkersuiunnaarneq

(B) “Orpik kipil­lugu uppitis­siuk … pif­fis­sarititat arfineq-marluk qaangiutserlugit”

Naalakkersueqqilerneq

(C) ‘Naalagaaf­fik kingumut pigilis­savat’

Siulittuutip eqquunnerani siullermi …

• (D) Orpik kimut assersuutaava? – Versi 19 takuuk.

• (E) Sooq naalak­kersuiun­naarpa? – Danieli 4:26-30 atuarsigit.

• (F) ‘Pif­fis­sarititaasut arfineq-marluk’ naam­mata Nebukadnesari sua? – Danieli 4:31-33 atuarsigit.

SIULITTUUTIP EQQUUNNERA SIULLEQ

Naalakkersuineq

(D) Nebukadnesari, Babylon­nimi kun­ngi

Naalakkersuiunnaarneq

(E) Kr.in.si. 606-ip kingorna Nebukadnesari silaarup­poq ukiunilu arfineq-marlunni naalak­kersuisin­naanani

Naalakkersueqqilerneq

(F) Nebukadnesari silat­toq­qip­poq naalak­kersueq­qilerlunilu

Siulittuutip eqquunnerata aappaani …

• (G) Orpik kik­kun­nut assersuutaava? – Nalunaarsuutit 1. 29:23 atuarsiuk.

• (H) Sooq naalak­kersuiun­naar­pat? Qanoq nalun­ngilar­put Jiisusip nunarsuarmiin­nerata nalaani suli naalak­kersueq­qilersiman­ngitsut? – Lukkarsi 21:24 atuarsiuk.

• (I) Qanga sumilu naalak­kersuisoqaq­qilerpa?

SIULITTUUTIP EQQUUNNERATA AAPPAA

Naalakkersuineq

(G) Israalimi kun­ngit, Guutip naalak­kersuineranut sin­niisuusut

Naalakkersuiunnaarneq

(H) Jerusalem­mip suujun­naarsin­neqar­nerata kingorna ukiuni 2.520-ni Israalimi Jehovap sin­niisuutitaanik kun­ngeqan­ngilaq

Naalakkersueqqilerneq

(I) Jiisusi qilammi Guutip kun­ngeqarfiani kun­ngin­ngor­poq

5. 1914-imiilli nunarsuarmi pissutsit allanngorsimapput

VIDEO takusiuk.

VIDEO: 1914-imiilli nunarsuarmi pissutsit allanngorsimapput (1:10)

Jiisusi kun­ngin­ngoreeruni nunarsuarmi pis­sutsit qanoq innis­saan­nik siulit­tuivoq. Lukkarsi 21:9-11 atuarsigit apeq­qullu una eqqar­torlugu:

• Pis­sutsit taak­kua ilaan­nik takun­nis­simavit tusagaqarlutil­luun­niit?

Apustilip Paulusip allaatigaa inuit naalak­kersuinerisa ulluini kingul­lerni qanoq pis­suseqar­toqar­tas­sasoq. Timuutiusimut 2. 3:1-5 atuarsigit apeq­qullu una eqqar­torlugu:

• Pis­susilersor­nerit taamaat­tut ilisar­nar­pat?

6. Guutip kunngeqarfia naalakkersuimmat iliuuseqartariaqarpugut

Matiusi 24:3, 14 atuarsigit apeq­qutillu uku eqqar­torlugit:

• Suliaq pingaarutilik suna Guutip kun­ngeqarfiata naalak­kersuineranut ersiutaava?

• Suliaq tamanna qanoq peqataaf­figisin­naaviuk?

Guutip kun­ngeqarfia maanna naalak­kersuivoq, qanit­tuk­kullu nunarsuarmut tamarmut naalak­kersuilis­saaq. Hebræerit 10:24, 25 atuarsigit apeq­qullu una eqqar­torlugu:

• “Ulloq nal­liutilermat” tamatta susariaqar­pugut?

EQIKKAANEQ

Biibilimi siulit­tuutit nunarsuarmilu pis­sutsit ersersip­paat Guutip kun­ngeqarfia maanna naalak­kersuisoq. Tamanna upperalugu ersersit­tar­par­put oqaluus­sisar­nitsigut ataatsimiigiar­tar­nitsigullu.

Uteqqiineq

• Pif­fis­sarititaasut arfineq-marluk Danielimik allak­kani siulit­tuutigineqar­tut naaneranni qanoq pisoqarpa?

• Guutip kun­ngeqarfiata 1914-imi naalak­kersuilersimanera sooq upperaajuk?

• Kun­ngeqarfiup maanna naalak­kersuinera upperalugu qanoq ersersis­sin­naaviuk?

NAMMINEQ MISISSUGASSATIT

Oqalut­tuarisaanermik ilisimatuut allallu 1914-imi pis­sutsit allan­ngor­nerat pil­lugu allaatigisaat atuak­kit.

“Ileqqorluttoqangaalermat” (Iteritsi!, apriili 2007)

Angutip siulit­tuut Matiusi 24:14-imiit­toq qanoq sun­ner­neqaatigigaa atuaruk.

“Baseballi nuannarinerpaavara!” (Napasuliaq Alapernaarsuiffik-mi allaaserisaq)

Qanoq nalun­ngilar­put Danieli kapitali 4-mi allas­simasut Guutip kun­ngeqarfia pil­lugu siulit­tuutaasut?

“Guutip naalagaaffia qanga naalakkersuilerpa? (Immikkoortoq 1)” (Napasuliaq Alapernaarsuiffik, novembarip aallaqqaataat 2014)

‘Pif­fis­sarititaasut arfineq-marluk’ Danieli kapitali 4-mi eqqaaneqar­tut 1914-imi naasimaneran­nut suna upper­narsaataava?

“Guutip naalagaaffia qanga naalakkersuilerpa? (Immikkoortoq 2)” (Napasuliaq Alapernaarsuiffik, januaarip aallaqqaataat 2015)

Guuti kun­ngeqarfia maanna naalak­kersuivoq, qanit­tuk­kullu nunarsuarmi pis­sutsit pitsaanerungaalersis­savai. Qilanaarisin­naasatta ilaat sam­meriar­tigit.

1. Guutip kunngeqarfiata nunarsuarmi naapertuilluassuseq eqqissinerlu qanoq atuutilerseqqissavai?

Jiisusip sorsun­nermi Harmagedon­nimi inuit ajor­tut naalak­kersuisullu nunarsuarmiittut suujun­naarsis­savai. (Saq­qum­mersitat 16:14, 16) Taamanik­kus­samut neriorsuut una eqquutis­saaq: “Iluanngitsoq erniinnaq peeruttussaavoq.” (Tus­siaat 37:10) Jiisusip Kun­ngeqarfik atorlugu nunarsuarmi naaper­tuil­luas­suseq eqqis­sinerlu atuutilersis­savai. – Esaja 11:4 atuarsiuk.

2. Guutip piumasaa nunarsuarmi pippat inuuneq qanoq issava?

Guutip kun­ngeqarfiata naalak­kersuinerani “iluartut nuna kingornutissavaat najugaqassallutillu tassani naassaanngitsumik”. (Tus­siaat 37:29) Inuit tamarmik ajun­ngitsuup­pata aamma Jehovamik inoqatimin­nillu asan­nit­tuup­pata inuuneq qanoq issasoq takorlooruk! Nap­parsimasoqas­san­ngilaq, naas­saan­ngitsumillu inuusin­naalis­saagut.

3. Inuit ajortut peerpata Guutip kunngeqarfia sunik naammassisaqassava?

Inuit ajor­tut peer­pata Jiisusi ukiuni 1.000-ni kun­ngius­saaq. 144.000-nik naalak­kersuisoqateqarluni inuit nunarsuarmiit­tut naam­mal­luin­nar­tun­ngor­nis­saan­nut ikius­savai. Nunarsuaq paratiisin­ngus­saaq inun­nillu nuan­naar­tunik Jehovallu inatsisaanik maleruaasunik ulik­kaas­sal­luni. Ukiut 1.000-t naap­pata Jiisusip kun­ngius­suseq Jehovamut uter­tis­savaa. Taamanik­kus­samut Jehovap ‘aqqa illernartinneqareersimassaaq’. (Matiusi 6:9, 10) Aamma Jehovap naalak­kersuisuul­luar­ner­paanera inun­nillu isumas­suingaar­nera upper­narsineqareersimas­sap­put. Taava Jehovap Saatani, anersaapiluit pikitsitsisullu allat suujun­naarsis­savai, pis­sutsillu nuan­nersut naas­saan­ngitsumik atuutis­sap­put. – Saq­qum­mersitat 20:7-10.

ITISILIINEQ

4. Guutip kunngeqarfiata inuit naalakkersuisut suujunnaarsissavai

“Inuit ilaat ataaseq inoqatiminut ajoqutaasumik pis­saaneqar­pal­laar­tar­poq.” (Oqaluus­sisar­tup oqaasii 8:9) Jehovap kun­ngeqarfini atorlugu ajoqusiinerit taamaat­tut aaq­qis­savai.

Danieli 2:44 aamma Tessaluunikamiunut 2. 1:6-8 atuarsigit apeq­qutillu uku eqqar­torlugit:

• Jehovap Jiisusillu inuit naalak­kersuisut taak­kunin­ngalu tapersersuisut qanoq pis­savaat?

• Jehova Jiisusilu pil­lugit ilik­kak­katit taak­kua iliuusiisa naaper­tuil­luar­tuuneran­nut sooq qularun­naas­sutigaagit?

5. Jiisusi kunngiulluarnerpaavoq

Jiisusi Guutip kun­ngeqarfiani kun­ngisut inuit nunarsuarmiit­tut iluaqutis­saan­nik iliuuseqangaas­saaq. VIDEO takusiuk paasiumal­lugu Jiisusip inun­nik ikiuinis­saminut kis­saateqarlunilu pis­saaneqar­nini qanoq ersersis­simagaa.

VIDEO: Jiisusip takutippaa Kunngeqarfik sunik naammassisaqassasoq (1:13)

Jiisusip nunarsuarmiik­kal­larami takutip­paa Kun­ngeqarfik siunis­sami sunik naam­mas­sisaqas­sasoq. Ataani allas­simasut sorliit qilanaariner­paavigit? Taak­kunun­nga atatil­lugu allassimaffiit atuarsigit.

6. Guutip kunngeqarfiata nunarsuaq paratiisinngor­tissavaa

VIDEO: Siunissamut nuanningaartumut qilanaartuut (4:38)

Tussiaat 145:16 atuarsiuk apeq­qullu una eqqar­torlugu:

• Jehovap ‘pin­ngor­titat tamaasa kis­saatigisaan­nik qaarsil­lar­tis­sagai’ nalunagu qanoq misigivit?

EQIKKAANEQ

Guutip kun­ngeqarfiata nunarsuaq paratiisin­ngor­tis­savaa, inuillu ajun­ngitsut naas­saan­ngitsumik Jehova guutisiorfigis­savaat.

Uteqqiineq

• Guutip kun­ngeqarfiata Jehovap atia qanoq iller­nar­tis­savaa?

• Sooq upperisin­naavar­put Guutip kun­ngeqarfiata Biibilimi neriorsuutigineqar­tut eqquutitis­sagai?

• Guutip kun­ngeqarfiata naam­mas­sisas­saa sorleq qilanaariner­paaviuk?

NAMMINEQ MISISSUGASSATIT

Harmagedonni suunersoq paasiniaruk.

“Harmagedonimi sorsunneq suua?” (Nit­tar­tak­katsinni allaaserisaq)

Annikilliornar­tussarsuarmi Jiisusip eqqaasaani pisussat suunersut misissukkit. – Matiusi 24:21.

“Annikilliornartussarsuaq suua?” (Nittartakkatsinni allaaserisaq)

Ilaqutariit paratiisimik qanoq takorluueqatigiis­sin­naasut takuuk.

Paratiisimiillutit takorlooruk (1:50)

Oqalut­tuaq “Apeq­quter­pas­suit eqqarsaatigisar­pak­ka” atuarlugu paasiniaruk naalak­kersuisunut pikitsitsisarsimasup apeq­qutigisar­tak­kani qanoq akis­sutis­sarsigai.

“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)