Jehovap Jiisusillu illit pillutit iliuuserisimasaat qujamasuutigikkit

Tunisik­kaangavit qanoq misigisar­pit? Nuan­naar­tarunar­putit qujamasun­nerillu ersersik­kusut­tarlugu. Jehovap Jiisusillu naleqar­ner­paamik tunivaatigut, tassa uter­titsis­sum­mik. Tamanna qujamasuutigalugu qanoq ersersis­sin­naavar­put?

1. Guutip Jiisusillu uagut pilluta iliuuserisimasaat qujamasuutigalugit ilaatigut qanoq ersersissinnaavarput?

Biibilimi allas­simavoq Jiisusimut “uppertoq” naas­saan­ngitsumik inuus­sasoq. (Johan­nesi 3:16) Upper­tuuner­put qanoq ersersis­sin­naavar­put? Iliuutsitsigut, oqaatsitsigut aalajangeeriaatsitsigullu. (Jaaku 2:17) Taamaalior­tarutta Jehovamut Jiisusimullu attaveqarluar­nerulis­saagut. – Johan­nesi 14:21 atuarsiuk.

2. Jehovap Jiisusillu iliuuserisimasaat qujamasuutigalugit pisumi immikkut ittumi sorlermi ersersissinnaavarput?

Jiisusip aqagumut toqusus­saal­luni apustilini oqalut­tuup­pai pil­liutaa qujamasuutigalugu aamma allatut qanoq ersersitsisin­naasut. Pisumut immik­kut ittumut, ‘Naalak­kap unnuk­korsior­titsineranik’ taaneqar­tar­tumut, qaaq­quai. (Korintimiunut 1. 11:20) Ima oqarfigai: “Taamaaliortuaritsi eqqaaniarlunga.” (Luk­karsi 22:19) Tassa taamatut peq­qusivoq apustilit, kristumiullu ilumoor­tut tamarmik, Jiisusip inuit pil­lugit toqunera eqqaaniar­tar­nias­sam­mas­suk. Taamaat­tumik Jiisusip toquneranik eqqaaniaal­luni nal­liut­torsior­nermik aamma taaneqar­tar­poq. Illit eqqaaniaanermut najuuk­kaangavit Jehovap Jiisusillu asan­nit­tuliungaar­nerat qujamasuutigalugu ersersit­tar­pat.

ITISILIINEQ

3. Qujamasunneq iliuuseqarnissamut kajumississutigaarput

Takorlooruk imaani ipilersutit annaan­neqar­tutit. Ilin­nik annaas­sisoq soqutigin­ngitsuusaagin­nas­saviuk? Imaluun­niit iliuuserisimasaanut qujamasun­nerit ersersik­kusul­lugu periarfis­sarsior­tas­savit?

Jehovap asan­nit­tulior­nera pis­sutigalugu naas­saan­ngitsumik inuusin­naavugut. Johannesimit 1. 4:8-10 atuarsigit apeq­qutillu uku eqqar­torlugit:

• Jiisusip pil­liutaa sooq tunis­sutaava immik­kut ittoq?

• Jehovap Jiisusillu illit pil­lutit iliuuserisimasaat pil­lugit qanoq misigivit?

Jehovap Jiisusillu uagut pil­luta iliuuserisimasaat qujamasuutigalugit qanoq ersersis­sin­naavar­put? Korintimiunut 2. 5:15 aamma Johannesimit 1. 4:11; 5:3 atuarsigit. Allas­simaf­fiit ataasiak­kaarlugit atuariarlugit apeq­qut una eqqar­torsiuk:

• Allas­simaf­fik una naaper­torlugu qujamasun­ner­put qanoq ersersis­sin­naavar­put?

4. Jiisusi ilaaruk

Ilaatigut Jiisusip ilaar­neratigut qujamasun­ner­put ersersis­sin­naavar­put. Petrusimit 1. 2:21 atuarsiuk apeq­qullu una eqqar­torlugu:

• Jiisusip tumai qanoq atuaq­qis­saarsin­naavigit?

5. Jiisusip toquneranik eqqaaniaaqataagit

Jiisusip Naalak­kap unnuk­korsior­titsinera pilersim­magu qanoq pisoqar­toq paasiumal­lugu Lukkarsi 22:14, 19, 20 atuarsigit apeq­qutillu uku eqqar­torlugit:

• Naalak­kap unnuk­korsior­titsinerani qanoq pisoqarpa?

• Iffiaq-qaqor­toq viin­nilu sumut assersuutaap­pat? – Versit 19 aamma 20 takuk­kit.

Jiisusip piumasaraa ilin­niar­titami Naalak­kap unnuk­korsior­titsinera ullormi toquf­fim­mini ukiumut ataasiarlutik nal­liut­torsiutigisas­sagaat. Taamaat­tumik Jiisusip maligas­siaa malil­lugu Jehovap Nalunaajaasui Kristusip toqunera eqqaaniarlugu ukiut tamaasa katersuut­tar­put. Eqqaaniaasar­neq pingaarutilik tamanna pil­lugu paasisaqar­nerujumal­lusi VIDEO takusiuk apeq­qullu tul­liut­toq eqqar­torlugu.

VIDEO: Jiisusip toquneranik eqqaaniaaqataagit (1:41)

• Eqqaaniaanermi susoqar­tarpa?

Iffiaq-qaqor­toq viin­nilu eqqaaniaanermi ator­neqar­tar­put. Iffiaq-qaqor­toq Jiisusip timaanut naam­mal­luin­nar­tumut pil­liutigineqar­tumut assersuutaavoq. Viin­nilu aavanut assersuutaavoq

EQIKKAANEQ

Jiisusip uagut pil­luta pil­liutaa qujamasuutigalugu ersersit­tar­par­put upper­ner­put takutik­kaangatsigu eqqaaniaanermullu najuuk­kaangatta.

Uteqqiineq

• Jiisusimut upper­ner­put qanoq ersersis­sin­naavar­put?

• Jehovap Jiisusillu illit pil­lutit iliuuserisimasaat qujamasuutigalugit qanoq ersersik­kusup­piuk?

• Sooq Jiisusip toquneranik eqqaaniaaqataanis­saq taama pingaaruteqar­tigiva?

NAMMINEQ MISISSUGASSATIT

Kristusip toqunera sunis­samut kajumis­sis­sutigaar­put?

Timini atorlugu Jehova ataqqinarsisippaa (9:28)

Upper­neq pil­lugu misis­suigit taman­nalu qanoq ersersis­sin­naagip­put paasiniarlugu.

“Jehovap neriorsuutai upperalugit ersersiguk” (Napasuliaq Alapernaarsuiffik, oktobari 2016)

Kristusip pil­liutaa pil­lugu ilin­niar­neq arnamut qanoq sun­niuteqarsimasoq oqalut­tuami “Minguitsutut, uum­maaris­sutut amigaateqan­ngitsutullu misigivunga”-mi atuaruk.

“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)

Sooq ilaan­naat eqqaaniaanermi assersuutinik neril­lutillu imer­tar­nersut misis­soruk.

“Sooq Jehovap Nalunaajaasuisa Naalakkap unnukkorsiortitsinera upperisarsioqatigiinnit allanit allaanerusumik nalliussisarpaat?” (Nit­tar­tak­katsinni allaaserisaq)