Nutaarsiassanik nuannersunik qanoq oqaluussisin­naavit?

Ilumoor­tut Biibilimeersut ilin­niar­neranni immaqa ima eqqarsar­putit: ‘Kik­kut tamarmik paasisariaqar­paat!’ Ilumoor­putit! Ilik­kak­katilli pil­lugit allanut oqalut­tuar­nis­sat annilaangagisin­naavat. Qanoq annilaangajun­naarsin­naasutit nutaarsias­sallu nuan­nersut qanoq nuan­naarlutit oqalut­tuarisalersin­naagitit sam­meriar­tigu.

1. Ilisarisimasatit ilikkakkannik qanoq oqaluttuussinnaavigit?

Jiisusip ilin­niar­titai ilumoor­tumik Biibilimeersumik nuan­narin­ningaaramik ima oqar­put: “Takusagut tusakkagullu eqqartorunnaarsinnaanngilagut.” (Apustilit Suliaat 4:20) Illit aamma taamatut misigivit? Taamaap­pat ilik­kak­kan­nik ilaqut­tavit ikin­ngutivillu ataq­qin­nit­tumik oqalut­tuun­nis­saan­nut periarfis­sarsior­tarit. – Kolos­simiut 4:6 atuarsiuk.

2. Sooq ilagiit peqatigalugit oqaluussinissaq anguniagassaqqissuua?

Jiisusip ilin­niar­titai ilisarisimasamin­nut oqaluus­siin­naratik aamma allanut oqaluus­sisar­put. Biibilimi allas­simavoq Jiisusip ilin­niar­titani “illoqarfinnut sumiiffinnullu orninniakkaminut tamanut marlukkuutaartillugit” oqaluus­siar­tor­tik­kai. (Luk­karsi 10:1) Taamatut aaq­qis­suus­saasumik oqaluus­sisarmata inuit amerlasuut nutaarsias­sat nuan­nersut tusarsin­naaler­paat. Aamma ilin­niar­titat oqaluus­seqatigiin­ner­tik nuan­naarutigisar­paat. (Luk­karsi 10:17) Illimmi, ilagiit peqatigalugit oqaluus­sisalerusus­sin­naavit?

ITISILIINEQ

3. Jehovap ikiussavaatit

Oqaluus­sisalerusut­tut ilaasa qanoq qisuariarfigineqar­nis­sar­tik annilaangas­sutigisar­paat.

• Illit ilik­kak­katit pil­lugit oqalut­tuar­nis­sat annilaangas­sutigaajuk? Sooq?

VIDEO takusiuk apeq­qullu tul­liut­toq eqqar­torlugu.

VIDEO: Sapiissuseqarumallunga Jehovamut qinuvunga (4:05)

• Nalunaajaasut inuusut­tut qanoq annilaangasarun­naarsimap­pat?

Esaja 41:10 atuarsiuk apeq­qullu una eqqar­torlugu:

• Oqaluus­sinis­sat annilaangagigaangakku sooq qinusas­savit?

Nalunngiliuk?

Jehovamik Nalunaajaasor­pas­suit Biibilimik misis­sueqateqar­taleq­qaaramik oqaluus­sisaler­nis­sar­tik takorloorsin­naasiman­ngilaat. Assersuutigalugu Sergey imminut tatigin­ngilaq allanillu oqaloqateqar­nis­sani saper­nar­tit­tarsimal­lugu. Biibilimilli misis­sueqateqar­taler­poq, annilaangasaraluarlunilu ilik­kak­kani allanut oqalut­tuarisaler­pai. Ima oqar­poq: “Tupaal­laatigisan­nik taamaalior­nera imminut tatiginerulis­sutigaara upper­nerulis­sutigalugulu.”

4. Ataqqinnittuugit

Oqaluus­sileraangavit oqaasis­satit eqqarsaatigiin­nar­nagit aam­mat­taaq ataq­qin­nit­tumik qanoq oqaloriaaseqarsin­naanerlutit eqqarsaatigisas­savat. Timuutiusimut 2. 2:24 aamma Petrusimit 1. 3:15 atuarsigit apeq­qutillu uku eqqar­torlugit:

• Biibili pil­lugu oqaloqateqar­ninni versit atuak­kagut qanoq maleruarsin­naavigit?

• Ilaqut­tavit ikin­ngutivil­luun­niit ilaasa immaqa isumaqatigin­ngilaatsit. Qanoq pis­savit? Sunaveersaar­tariaqar­pit?

• Sooq inus­siar­nerluni aperisar­neq pin­ngitsaaleer­palut­tumik upperin­nilersitsiniaanermit pitsaanerua?

5. Nutaarsiassanik nuannersunik oqaluussisarneq nuannaarutaasarpoq

Jehovap Jiisusi nutaarsias­sanik nuan­nersunik oqaluus­seq­quaa. Jiisusip sulias­siis­sut tamanna qanoq igivaa? Johannesi 4:34 atuarsiuk apeq­qutillu uku eqqar­torlugit:

• Peq­qin­nar­tunik nerineq inuuin­nas­sutigisar­par­put nuan­naalis­sutigisarlugulu. Sooq Guutip piumasaatut ilior­neq, ilaatigut oqaluus­sineq, nerinermut Jiisusip assersuup­paa?

• Oqaluus­sinermi suut nuan­naarutaasin­naasoraagit?

EQIKKAANEQ

Nutaarsias­sanik nuan­nersunik oqaluus­sineq nuan­naarutaasar­poq, immaqalu ilimagisan­niit saper­nan­ngin­neruvoq.

Uteqqiineq

• Sooq nutaarsias­sanik nuan­nersunik allanut oqaluus­sisariaqar­pugut?

• Ataq­qin­nit­tumik qanoq taamaaliorsin­naavit?

• Oqaluus­sinis­sat annilaangagigukku susin­naavit?

NAMMINEQ MISISSUGASSATIT

JW.ORG pil­lugu korti atorlugu nutaarsias­sanik nuan­nersunik sisamatigut qanoq oqaluus­sisin­naasutit takuuk.

JW.ORG pillugu korti atorlugu oqaloqatigiinnissamut siunnersuut (1:43)

Nutaarsias­sanik nuan­nersunik oqaluus­sininni pis­suserineqar­tus­sat sisamat iluaqutigisin­naasatit misis­suk­kit.

“Inunnik aalisartunngornissamut piareersimavit?” (Napasuliaq Alapernaarsuiffik, septembari 2020)

Oqalut­tuaq Biibilimeersoq iluaqutigalugu meeraagaluarut­taluun­niit qanoq sapiis­suseqalersin­naasugut takuuk.

Jehovap sapiillisissavaatit (11:59)

Ilaqut­tatit Jehovamik ilisimasaqan­ngitsut Biibili pil­lugu qanoq oqaloqatigisin­naanerlugit paasiniaruk.

“Ilaquttavit uppinngitsut uummataat killikkit” (Napasuliaq Alapernaarsuiffik, marsip 15-iat, 2014)