Guutip nalliuttor­siornerit tamaasa akuerai?

Jehovap kis­saatigaa inuuneq nuan­naarutigis­sagip­put nuan­nisaqatigiit­tas­sasugullu. Nal­liut­torsior­nerilli tamaasa akuerai? Tamatumun­nga tun­ngatil­lugu Jehovamut asan­nin­ner­put qanoq ersersit­tarsin­naavar­put?

1. Sooq Jehovap nalliuttorsiornerpassuit iluarinngilai?

Immaqa tupaal­laatigis­savat paasil­lugu nal­liut­torsior­nerit ilaat Biibilimik tun­ngaveqan­ngitsut ilaallu Guutimik nalusut ileq­qulersuutaan­nit aal­laaveqar­tut. Nal­liut­torsior­nerillu ilaat upperisarsior­nermit eqqun­ngitsumit pilerfeqar­put, assersuutigalugu ilaat tar­nerup toqujuitsuuneranik upperin­nin­nermik tun­ngaveqar­put. Allallu anersaarsior­nerup­put upperisapalaamil­luun­niit ilaqarlutik. Jehovap kif­fani ima peq­quai: ‘Minguttooq attuuajunnaarsiuk.’ – Korintimiunut 2. 6:17.a

2. Nalliuttorsiornerit inunnik naleqqutinngitsumik ataqqinninniutaasut Jehovap qanoq igivai?

Naalak­kersuisut sak­kutuul­luun­niit ataq­qiniarlugit nal­liut­torsior­toqar­tar­poq. Aamma erfalasumik inuiaas­sutsimil­luun­niit pingaar­titsiniutitut nal­liut­torsior­toqar­tar­poq. (Johan­nesimit 1. 5:21) Aamma inuiaqatigiinni suliniutit politik­kik­kullu peqatigiis­sor­tat pil­lugit nal­liut­torsior­toqar­tar­poq. Jehovap oqarfigaatigut ‘inunni toqujasuni nukissarsiussanngitsugut’. (Jeremia 17:5 atuarsiuk). Taamaat­tumik nal­liut­torsior­ner­nut taamaat­tunut ilaagutta Jehova qanoq misigis­sasoraajuk? Qanoq misigis­sava nal­liut­torsior­nermi inuit peqatigiis­sor­tal­luun­niit isum­manik Biibilimut naaper­tuutin­ngitsumik siuarsaasut ataq­qiniar­neqar­pata?

3. Nalliuttorsiornerni pissusilersornerit suut Jehovap iluarinngilai?

‘Imigassartorpallaarneq, ingasattumik festerneq, erngunnerlu’ Biibilimi assuarineqar­put. (Petrusimit 1. 4:3) Nal­liut­torsior­nerit ilaanni inuit atoqatigiin­nik­kut eqqun­ngitsulior­tar­put allatigullu kil­leerus­simaar­tarlutik. Jehova ikin­ngutigerusuk­katsigu minguitsoorusuk­kat­talu nal­liut­torsior­ner­nut taamaat­tunut ilaanavian­ngilagut.

ITISILIINEQ

4. Nalliuttorsiornerit Jehovap iluarinngisai ilaaffiginaveersaakkit

Efesossimiut 5:10 atuarsiuk apeq­qutillu uku eqqar­torlugit:

• Nal­liut­torsioqataas­sanerluta aalajangiiniar­nitsinni suna qulak­keer­tariaqar­par­put?

• Nunas­sinni suut nal­liut­torsiutigineqar­tar­pat?

• Nal­liut­torsior­nerit taakku Jehovamut iluarinarsoraagit?

Assersuutigalugu eqqarsaatiginikuuiuk Guutip inuuis­sior­neq qanoq isumaqarfigineraa? Biibilimi Jehovamut kif­far­tor­tumik inuuis­sior­tumik oqalut­tuaqan­ngilaq, Jehovamulli kif­far­tor­tuun­ngitsut marluk inuuis­sior­neri allaatigineqar­put. Mosesimik 1. 40:20-22 aamma Matiusi 14:6-10 atuarsigit apeq­qutillu uku eqqar­torlugit:

• Inuuis­sior­nerni taak­kunani marlunni assigiim­mik qanoq pisoqarpa?

• Oqalut­tuat taakku eqqarsaatigalugit inuuis­sior­neq pil­lugu Jehova qanoq isigin­nit­taaseqarsoraajuk?

Immaqali ima eqqarsar­putit: ‘Inuuis­sior­ner­nut nal­liut­torsior­ner­nul­luun­niit Biibilimik tun­ngaveqan­ngitsunut allanut ilaanera Jehovap ilumut ajoris­savaa?’ Mosesimik 2. 32:1-8 atuariarlugit VIDEO takusiuk apeq­qutillu tul­liut­tut eqqar­torlugit.

VIDEO: Nalliuttorsiornerit Jehovamit iluarineqanngitsut (5:07)

• Sooq pingaaruteqarpa iliuutsitta Jehovamut iluarinar­tuunis­saasa qulak­keer­nis­saa?

• Qanoq taamaaliorsin­naavugut?

Qanoq nalunngissinnaagipput nalliuttorsiorneq Jehovap iluarinnginneraa

• Biibilimi ilinniartitsissutigineqanngitsunik tunngaveqarpa? Tamanna paasiumal­lugu sumit aal­laaveqar­nersoq misis­soruk.

• Inunnik, peqatigiissortanik inuiaassutsimulluunniit tunngasunik ataqqinninniutaava? Jehova sunit tamanit ataq­qiner­paavar­put nunarsuarmilu ajor­nar­torsiutinik aaq­qiiumaar­nera upperil­luin­narlugu.

• Pissuserineqartartut iliuuserineqartartullu Biibilimi assuarineqarpat? Minguitsuujuar­tariaqar­pugut.

5. Aalajangiussannik allat ataqqinnissinnaaqqullugit ikiukkit

VIDEO: Aalajangiussatit pissuserillutit nassuiartakkit (2:01)

Matiusi 7:12 atuarsiuk apeq­qutillu uku eqqar­torlugit:

• Allas­simaf­fik eqqarsaatigalugu ilaqut­tatit uppeqatigin­ngisatit nal­liut­torsioqataanis­saan­nik iner­tis­savigit?

• Nal­liut­torsioqataan­ngik­kaluarlutit ilaqut­tatit asal­lugillu qujamasuf­figalugit qanoq paasitis­sin­naavigit?

6. Jehovap pilluarnissarput kissaatigaa

Jehovap kis­saatigaa ilaqut­tagut ikin­ngutigullu nuan­naaqatigisas­sagigut. Oqaluussisartup oqaasii 8:15 atuarsiuk apeq­qullu una eqqar­torlugu:

• Jehovap pil­luar­nis­satsin­nik kis­saateqar­nera allas­simaf­fimmi qanoq erserpa?

Jehovap kis­saatigaa innut­tani nuan­naaqatigiis­sasut. Tamanna ataatsimeersuar­nerni nunanit tamalaanit peqataaf­figineqar­tuni qanoq ersersin­neqar­tar­toq paasiumal­lugu VIDEO takusiuk.

VIDEO: Ataatsimeersuarnerni inoroorsaarneq (5:40)

Galaatiamiut 6:10 atuarsiuk apeq­qutillu uku eqqar­torlugit:

• Allanut ‘ajun­ngitsuliorumal­luta’ nal­liut­torsioqataasariaqar­pugut?

• Suna nuan­naar­nar­nerutip­piuk – nal­liut­torsior­nermi tunisisariaqar­neq imaluun­niit tuniserusul­luni tunisineq?

• Nalunaajaasor­pas­suit meeq­qamik nuan­naarutigisin­naasaan­nik aaq­qis­suus­sisar­put tupaal­latsin­niarlugillu tunisarlugit. Meeraqaruit nuan­naar­tik­kumal­lugit susin­naavit?

EQIKKAANEQ

Jehovap kis­saatigaa ilaqut­tagut ikin­ngutigullu nuan­nisaqatigisas­sagigut. Aam­mali kis­saatigaa nal­liut­torsior­nerit iluarin­ngisani peqataaf­figisas­san­ngik­kigut.

Uteqqiineq

• Nal­liut­torsior­neq Jehovamit iluarineqan­ngin­nersoq paasiumal­lugu suut eqqarsaatigisin­naavagut?

• Nal­liut­torsior­nerit pil­lugit aalajangius­satsin­nik ilaqut­tagut ikin­ngutigullu paasin­nis­sin­naaq­qul­lugit qanoq ikiorsin­naavagut?

• Jehovap pil­luar­nis­satsin­nik nuan­nisar­tar­nis­satsin­nillu kis­saateqar­nera sooq upperaajuk?

NAMMINEQ MISISSUGASSATIT

Nal­liut­torsior­nerit kristumiut ilaaf­figineq ajugaasa ilaat paasisaqarfigineruk­kit.

“Sooq Jehovap Nalunaajaasuisa nalliuttut aalajangersimasut peqataaffigineq ajorpaat?” (Nit­tar­tak­katsinni allaaserisaq)

Inuuis­sior­nerup Guutimit iluarineqan­ngin­neranut pis­sutaasut sisamat atuak­kit.

“Sooq Jehovap Nalunaajaasui inuuissiorneq ajorpat?” (Nit­tar­tak­katsinni allaaserisaq)

Meeqqat Jehovamik asannittut nalliut­torsiornerit nalaanni qanoq Jehova nuannaar­tissin­naagaat takuuk.

Jehovap erligivaatit (11:35)

Kristumior­pas­suit juul­lisior­tar­niar­natik aalajangersimap­put. Aalajangius­sar­tik pil­lugu qanoq misigip­pat?

“Ajunnginnerusumik nassaarput” (Napasuliaq Alapernaarsuiffik-mi allaaserisaq)