Guutip naalagaaffia sunik naammassisaqassava?

GUUTIP NAALAGAAFFIATA NAAMMASSERIIGAI

Al­laaserisap matuma siuliani nalunaaqut Jiisusip eq­qar­tugaa sam­mivar­put. Nalunaaqut taman­na Jiisusi Kristusi kun­ngigalugu Guutip naalagaaf­fiata qilam­mi pilersin­neqar­neranut up­per­narsaataavoq takus­saasoq.

Biibilimi al­las­simavoq Jiisusi pis­saaneqalerami Saatani anersaapiluilu qilam­mit igik­kai. Nunarsuarmilu igitaaf­fim­min­ni pisut kisiisa sun­niuteqarfigisin­naaler­paat, taman­nalu 1914-imiil­li pis­sutsit taama ajor­tigilersimaneran­nut pis­sutaaqataavoq. – Saq­qum­mersitat 12:7, 9.

Naak silarsuarmi pis­sutsit ajorsigalut­tuin­naraluar­tut Jiisusi, Guutip naalagaaf­fiani kun­ngiusoq, nunarsuarmi inuit ikior­niarlugit iliuuseqarsimavoq. Jiisusip siulit­tuutigisaatut nunarsuaq tamak­kerlugu Biibilimik ilin­niar­titsineq pis­sutigalugu inup­pas­suit Biibilimi najoq­qutas­siat iluaqutigisimavaat. (Esaja 2:2-4) Inuit mil­lionilik­kuutaat sulif­fim­min­nik pigisamin­nil­lu nuan­naarutigin­nin­ner­tik ajoqutaatin­nagu ilaqutariit­tut qanoq pil­luar­nerusin­naanerlutik paasisimavaat. Inuit taak­ku maan­na iluaqutigisamin­nik ilin­niar­tin­neqar­put, Guutil­lu naalagaaf­fiani in­nut­taasin­naajumal­lutik Guutip kis­saatigisaatut inooriaaseqar­niar­put.

GUUTIP NAALAGAAFFIATA AAMMA SUUT NAAMMASSISSAVAI?

Jiisusi qilam­mi naalak­kersuilereeraluar­toq inuit suli nunarsuarmi naalak­kersuip­put. Guutil­li Jiisusi ima peq­quaa: “Naalagaagit akeq­qavit akor­nan­ni.” (Tus­siaat 110:2) Ungasin­ngitsuk­kut Jiisusip akerlilersuisut tamaasa suujun­naarsil­luin­nas­savai Guutimul­lu naalak­kumasut ajor­tunit aniguisil­lugit.

Pif­fis­sami tamatumani Guutip naalagaaf­fiata ...

• upperisar­sior­nerit eqqun­ngit­sut suujun­naar­sis­savai. Up­perisarsior­nerit Guuti pil­lugu sal­lunik ilin­niar­titsisimasut inun­nil­lu ajor­nar­torsior­titsisimasut piujun­naas­sap­put. Up­perisarsior­nerit eq­qun­ngitsut Biibilimi ar­natut ator­tit­tar­tutut al­laatigineqar­put. Suujun­naarsin­neqar­nerat inup­pas­suit tupaal­laatigis­savaat. – Saq­qum­mersitat 17:15, 16.

• inuit naalak­ker­suiun­naar­sis­savai. Guutip naalagaaf­fia inuit naalak­kersuineran­nik tamanik suujun­naarsitsis­saaq. – Saq­qum­mersitat 19:15, 17, 18.

• inuit ajortut piiassavai. Inuit ajor­tulior­niaan­nar­tut Guutimul­lu naalak­kuman­ngitsut qanoq pineqas­sap­pat? “Iluan­ngitsut nunamit piiagaas­sap­put.” – Us­satit 2:22.

• Saatani aner­saapiluillu suujun­naar­sis­savai. Saatani anersaapiluil­lu ‘inuiaqatigiin­nik tam­mar­titsis­saas­sap­put’. – Saq­qum­mersitat 20:3, 10.

Guutip naalagaaf­fiani in­nut­taanis­samut akuerin­nit­tunut qanoq kinguneqas­sava?

GUUTIP NAALAGAAFFIA INUNNUT QANOQ NAAMMAS­SISAQARUMAARTOQ

Inuit naalak­kersuisuusut iliuuserisin­naan­ngisaat Jiisusip qilam­mi kun­ngiul­luni naam­mas­sis­savai. Inuit akor­nan­nit toq­qak­kanik 144.000-nik naalak­kersueqateqas­saaq. (Saq­qum­mersitat 5:9, 10; 14:1, 3) Jiisusip qulak­kiis­savaa Guutip piumasaata aam­ma nunarsuarmi pinis­saa. Guutip naalagaaf­fiata nunarsuarmi in­nut­tani pil­lugit naam­mas­sisai qanoq kinguneqas­sap­pat?

• Nappaataarul­lunilu toqusoqar­tarun­naas­saaq. “In­nut­taasoq kinaluun­niit oqas­san­ngilaq: ‘Nap­parsimavunga’”, “toqulu peeruk­kumaar­poq”. – Esaja 33:24; Saq­qum­mersitat 21:4.

• Eqqis­sineqarluin­nas­saaq. “Er­nitit iluanaangaarumaar­put”, aam­ma “tamarmik eq­qis­sil­lutik inuus­sap­put viin­nequtaatimik figenequtaatimil­lu ataan­ni kimil­luun­niit peersin­neqar­natik”. – Esaja 54:13; Mika 4:4.

• Siuner­taqarluar­tumik sulias­saqas­saaq. ‘Qinik­kama neris­savaat nam­min­neq suliamik inerititaat. Sulilus­sin­nas­san­ngil­lat.’ – Esaja 65:22, 23.

• Pinngor­titar­suar­mi ajor­nar­tor­siutit aaq­qis­sap­put. “Inoqajuitsoq nunalu paner­toq tipaatsus­sap­put. Inuilaaq qiim­mat­tas­saaq naasunil­lunilu.” – Esaja 35:1.

• Inuit naas­saan­ngitsumik inuusin­naaq­qul­lugit ilin­niar­tin­neqas­sap­put. “Inuunerlu naas­saan­ngitsoq tas­saavoq ilin­nik, ilumut kisimi Guutiusumik aal­lar­titan­nil­lu Jiisusi-Kristusimik, ilisiman­nin­neq.” – Johan­nesi 17:3.

Guutip kis­saatigaa pil­luaq­qus­sutit tamak­ku misigis­sagitit. (Esaja 48:18) Taamatut nuan­ningaar­tumik siunis­saqarsin­naaq­qul­lutit maan­na iliuuserisin­naasatit al­laaserisami tul­liut­tumi sam­mineqar­put.