Biibilimik ilinniartitatit ataatsimiinnernut najuuttalernis­saannut ikiukkit

Ilagiit ataatsimiin­neri ilumoor­tumik guutisior­nermi pingaaruteqarluin­nar­put. (Tuss 22:23) Jehova pal­lorfiginiarlugu katersuut­tut tamarmik nuan­naarutis­sarsisar­put pil­luaq­qusaasarlutil­lu. (Tuss 65:5) Biibilimik ilin­niar­titat siumukapal­lan­nerusar­put ataatsimiin­ner­nut najuut­tuaraangamik.

Biibilimik ilin­niar­titatit ataatsimiin­ner­nut najuut­taler­nis­saan­nut qanoq ikiorsin­naavigit? Najuut­taq­qul­lugit kajumis­saar­tuak­kit. Isigin­naagas­siaq Naalagaaffilersaarfimmi susoqartarpa? takutiguk. Ataatsimiigiar­tar­nerup iluaqutis­sar­tai nas­suiar­tak­kit. (lff ilin­niagas­saq 10) Ataatsimiin­nermi ilik­kak­katit aalajangersimasut eq­qar­torsin­naavatit tul­lis­saaniluun­niit ataatsimiin­nis­sami sam­mineqar­tus­sat takutil­lugit. Ilin­niar­titatit atuak­kanik ator­neqar­tus­sanik tunik­kit. Imaas­sin­naavoq ataatsimiigiar­nis­samut ikior­neqar­tariaqar­tut ilaaf­fis­sarsiuun­neqar­tariaqar­tul­luun­niit. Ilin­niar­titat ataatsimiin­nermut najuuteq­qaar­pat iliuuserisatit tamarmik iluaqutaal­luarsimas­sap­put. – 1 Kor 14:24, 25.

ISIGINNAAGASSIAQ BIIBILIMIK ATUAQQISSAAQATIGISARTAKKATIT ATAATSIMIINNERNI NAJUUTTALERNISSAANNUT IKIUKKIT ISIGINNAARIARLUGU APEQQUTIT UKU AKIKKIT:

• 

  Lærke ataatsimiin­nermut najuuteq­qul­lugu kajumis­saar­niarlugu Nel­liep periarfis­saq suna atorluar­paa?

• 

  Biibilimik ilin­niar­titap ataatsimiin­ner­nut najuut­tar­nera sooq nuan­naarutigisar­par­put?

• 

  Lærke ataatsimiin­nermut najuuteq­qaarami sunik misigisaqar­pa?