Aalajangiigaangama Jehovap piumasaa salliuttuaannarpara

Maajip 19-ian­ni 1940-mi Amiounimi Libanonimiit­tumi inun­ngor­punga. Ukiualuit qaangium­mata ilaqut­tak­kalu Tripolimut nuup­pugut. Ilaqut­tak­ka toq­qis­sisimanar­tumik inuuneqar­put Jehovamil­lu asan­ningaarlutik. Pingasunik aleqaqar­punga ataatsimil­lu angajoqarlunga. Angajoq­qaat­ta aningaasarsior­nis­saq pingaar­ner­paatin­ngilaat. Biibilimil­li atuaq­qis­saar­tar­neq, ataatsimiigiar­tar­neq Guutilu pil­lugu ilin­niar­titsisar­neq ilaqutariit­tut pingaar­ner­paatip­pagut.

Tanitat ilagiitsin­niit­tut arlaqar­put, ilaal­lu tas­saavoq Michel Aboud, ilagiit atuak­kamik atuaq­qis­saaqatigiin­neran­ni aqutsisuusar­toq. Taas­suma sal­lusuis­sut New Yorkimi ilik­karsimavaa 1921-milu Libanonimi siul­lersaal­luni oqaluus­sis­sutigisalersimal­lugu. Eq­qaamavara Ilin­niarfim­mi Gileadimi naam­mas­sisut, An­ne aam­ma Gwen Beavor, qanoq ataq­qin­nitsigisumik pisarlugil­lu ikior­tarai. Ar­nat inuusut­tut taak­ku ikin­ngutigil­lualer­pagut. Ukior­pas­suit qaangiut­tut An­ne USA-mi naapik­kak­ku nuan­naangaar­punga. Kingor­nalu Gwen, uitaarisimasaalu Wilfred Gooch, Londonimi Englandimiit­tumi Betelimi kif­far­tor­tut naapip­pak­ka.

LIBANONIMI OQALUUSSINERPUT

Meeraanin­ni Libanonimi Nalunaajaasut ikit­tuin­naap­put. Up­perisarsior­nik­kut siut­tut ilaan­nit akerlilersor­neqar­taraluarluta Biibilimik ilin­niar­titsineq aal­lut­tar­par­put. Misigisat­ta ilaat eq­qaamal­luar­pak­ka.

Ul­lut ilaan­ni aleqaralu Sana inis­siarsuarmi oqaluus­sitil­luta palasi ineqar­tut ilaan­nit aggersar­neqarsimagunarluni tak­kup­poq. Palasip aleqara il­laruaatigiler­paa kingor­nalu peq­qar­niisaarfigilerlugu. Tum­meq­qak­kul­lu am­mut ajap­paa til­luser­til­lugu. Politiit sianerfigineqarsimagamik tak­kup­put Sanal­lu ikior­neqar­nis­sa isumagalugu. Aam­ma palasi politeeqarfiliaap­paat paasil­lugulu aal­laam­mik nas­sataqar­toq. Taava politiit pisor­taata ima aperisimavaa: “Suleqaanuna? Up­perisarsior­neq ilin­niar­titsis­sutiginiar­piuk? Imaluun­niit nakuuser­neq?”

Eq­qaamal­luagara al­la tas­saavoq ilagiit­tut il­loqarfim­mut avin­ngarusimasumut oqaluus­siar­tor­ner­put. At­tar­tuk­katsin­nik bus­serluta tikiuk­kat­ta nuan­neqisumik oqaluus­siler­pugut. Taava il­loqarfim­mi palasip oqaluus­siner­put tusaamalerlugu inup­pas­suit katersor­tip­pai. Taak­kua akor­nusersuler­paatigut al­laal­lu ujaq­qanik mil­luulerluta. Ataataga milor­tip­poq. Eq­qaamavara kiinaa takul­lugu aagin­naasoq. Anaanagalu bus­sinut utermata uagut er­numaqaluta malin­naavugut. Ataataga pas­sutsil­lugu anaanama oqaasii puiun­ngisaan­nas­savak­ka, imami oqar­poq: “Jehova, isumak­keerfigik­kit, qanormi ilior­ner­tik naluaat.”

Aam­ma Amiounimi ilaqut­tagut tikeraar­til­lugit al­lamik pisoqar­poq. Taamaal­luta aatak­kutsin­nut iser­pugut biskop­pi isersimasoq. Biskop­pip nalun­ngin­namiuk angajoq­qaak­ka Jehovamik Nalunaajaasuusut kan­ngusutsik­kumal­lunga toq­qarlunga ima aperaanga: “Sooruna il­lit imermut morsutsin­neqar­nikuun­ngitsutit?” Akivara arfiniliin­nar­nik ukioqar­tunga, aam­ma imermut morsutsin­neqas­saguma Biibili ilin­niar­nerusariaqariga up­perluar­neruler­tariaqarlungalu. Akis­sutiga nuan­narinagu aataga oqarfigaa ataq­qin­nin­ngitsuliorsimasunga.

Misigisal­li nuan­niitsut ikit­tuin­naap­put. Libanonimiut ataatsimut isigalugit inus­siar­nersuul­lutil­lu inoroorsaar­tuup­put. Amerlasuut Biibilimik eq­qar­tueqatigisar­pagut atuaq­qis­saaqatigisarlugil­lu.

NUNAMUT ALLAMUT NUUNNERPUT

Suli atuar­tuusunga qatan­ngut angut inuusut­toq Venezuelameersoq Libanonimut tikeraar­til­luni ilagiitsin­ni ataatsimeeqataasar­poq. Taava aleqaralu, Wafa, im­min­nut ilin­nialer­put. Kingor­na katip­put Venezuelamul­lu nuul­lutik. Wafap maqaasisangaaramitigut ataataga al­lak­kamini kimigiiserfigalugu tamat­ta Venezuelamut nooq­qusar­paatigut. Naggataatigut nuun­niarluta aalajanger­pugut.

1953-imi Caracasimut Venezuelamiit­tumut tikip­pugut. Præsidentip il­lorsuata qanit­tuani najugas­sip­pugut. Suli meeraagama præsidenti kusanar­torsuar­nik biilerluni saneq­quk­kaangat alutorisaqaara. Angajoq­qaamali pis­sutsit nutaat sungiuk­kuminaatsip­paat, soorlu oqaatsit, kulturi, nerisas­sat silal­lu pis­susaa. Kiisami sungius­sinialer­tul­lu ajorluin­nar­tumik pisoqar­poq.

PISOQ ALIANARLUINNARTOQ

Ataataga nap­parsimaler­poq. Nukit­tul­lunilu peq­qis­suujuaan­nar­nikuum­mat nap­parsimaler­nera tamat­ta ip­pigeqaar­put. Nap­parsimanikuunersorluun­niim­mi eq­qaaman­ngilar­put. Paasineqar­poq kræfteqalersimasoq, kingor­nalu pilatsip­poq. Alianaqisumil­lu sapaatip-akun­nera ataaseq qaangium­mat toquvoq.

Qanoq aliasutsiginer­put nas­suiarsin­naan­ngilara. Taamanik­kut 13-iin­nar­nik ukioqar­punga. Tupaq­qaqaagut, ataatamami toqoriataar­nis­saa ilimagin­ngil­luin­narsimavar­put. Anaanama uimi toqunera sivisuumik akueriuminaatsip­paa. Taamaat­torli paasivar­put inuuneq ingerlaq­qit­tariaqar­toq, Jehoval­lu ikiuineratigut pisoq naam­magalugu ator­par­put. 16-inik ukioqarlunga Caracasimi meeq­qat atuarfian­ni atuar­nera naam­mas­sivara, ilaqut­tan­nil­lu pilersueqataaler­nis­sara kis­saatigisorujus­suuara.

Tamatuma nalaani aleqama Sanap Rubén Araujo, Ilin­niarfik Gilead naam­mas­sereerlugu Venezuelamut utersimasoq, katip­paa. Taak­ku kingusin­nerusuk­kut New Yorkimut nuup­put. Ilaqut­tama universitetimi ilin­niar­nis­sara kis­saatigim­mas­suk New Yorkimut aleqak­kun­nut nuup­punga. Aleqama ningaamalu Jehovamut qanit­tumik at­taveqaler­nis­san­nut ikior­paan­nga. Tamatuma saniatigut Brooklynimi ilagiitsin­ni Spaniamiutut oqaasilin­ni qatan­ngutit angutit anersaak­kut inersimal­luar­tut arlaqar­put. Taak­kunan­nga marluk, Milton Henschel aam­ma Frederick Franz, nuan­naarutigeqisan­nik ilisarisimaler­pak­ka. Taamanik­kut marluul­lutik Brooklynimi Betelimi kif­far­tor­put.

Universitetimi ukioq ataasingajak atuareerlunga inuunera sumut ator­niar­nerlugu eq­qarsaatigisaler­para. Kristumiut Jehovamut kif­far­tor­nermin­ni anguniagal­lit pil­lugit al­laaserisat Napasuliaq Alapernaarsuiffik-mi atuarsimasak­ka eq­qarsaatigisorujus­suuak­ka. Ilagiitsin­ni pionerit Betelimilu kif­far­tor­tut qanoq nuan­naar­tiginerat takul­lugu uangat­taaq taak­kunatut inuuneqarusuler­punga. Sulili imermut morsutsin­neqar­nikuun­ngilanga. Paasivara Jehovamut tun­niul­luin­nar­tariaqarlunga, taamaalior­pungalumi. 1957-imi marsip 30-an­ni imermut morsutsin­neqar­punga.

AALAJANGIINERIT PINGAARUTILLIT

Imermut morsutsin­neqareerama pif­fis­saq tamaat kif­far­tuler­nis­sara eq­qarsaatigisaler­para. Taman­na kis­saatigineruleralut­tuin­nar­para, nalun­ngilarali oqitsuin­naanavian­ngitsoq. Qanormi ilil­lunga universitetimi atuaatigalunga pioneriusin­naavunga? Universitetimi ilin­niar­nera unitsil­lugu Venezuelamut uterlunga pionerin­ngor­niar­nin­nik aalajangiinera pil­lugu ilaqut­tak­kalu al­laqatigiingaatsiar­pugut.

1957-imi juunimi Caracasimut uter­punga. Takusin­naavara ilaqut­tak­ka imaan­naan­ngitsunik atugaqar­tut. Aningaasatigut tapersersor­neqar­nis­sar­tik pisariaqar­tip­paat. Qanoq ikiorsin­naanerlugit eq­qarsaatigiler­para. Taava aningaaserivim­mi suliler­nis­san­nik neqeroorfigineqar­punga, pioneriorusoqaangali. Taman­nami pil­lugu Venezuelamut uter­punga, taamaam­mat suliutigalunga pioneriunis­sara aalajangiusimavara. Ukiualun­ni pioneritut kif­far­tuutigalunga aningaaserivim­mi ul­loq naal­lugu sulisar­punga. Inuuleramali aatsaat taama ulapitsigalungalu nuan­naar­tigaanga!

Sylvia, tyskeq pin­nersoq Jehovamil­lu asan­ningaar­toq, naapik­kak­ku kingor­nalu katik­kak­ku suli nuan­naar­neruler­punga. Taas­suma angajoq­qaani Venezuelamut nooqatigisimavai. Sylvialu marlun­nik meerar­taar­pugut, Michel (Mike) aam­ma Samira. Aam­ma anaanaga paaq­qutarileratsigu uagutsin­nut nuup­poq. Ilaqut­tan­nik isumas­suisus­saanera pis­sutigalugu pioneritut kif­far­torun­naar­tariaqaraluarlunga suli aal­lus­sil­luarlunga oqaluus­sisar­punga. Sylvialu sulin­ngif­feqaraangat­ta ajor­nan­ngik­kaangat ikior­ti-pioneriusar­pugut.

AALAJANGIINEQ PINGAARUTILIK ALLA

Meeq­qagut suli atuar­tuusut al­laaserisap aal­laq­qaataani oqalut­tuarisat­tut eq­qarsaasersor­punga. Pigis­saar­tuuvugut, aam­ma aningaaserivim­mi sulisunit tusaamaneqarluar­punga. Jehoval­li kif­faatut ilisarisimaneqarusun­neruvunga. Ul­loq taan­na eq­qarsaatigisak­ka niaq­qun­ni kaavit­tuar­put. Taamaat­tumik aningaasaqar­niar­ner­put nuliaralu eq­qar­tor­par­put. Aningaaserivim­mi suliun­naas­saguma soraar­nin­nut atatil­lugu aningaasar­paalun­nik tunineqas­saanga. Akiitsoqan­ngeriarat­ta eq­qarsar­pugut pilimanian­ngitsumik inooriaaseqar­nitsigut aningaasaatitsin­nik sivisuumik naam­mat­tusaarisin­naas­sal­luta.

Taamatut aalajangiinis­saq imaan­naan­ngilaq, nulian­nguamali anaanamalu tapersersorluar­paan­nga. Taamaat­tumik pioneritut kif­far­toq­qit­tus­san­ngor­punga. Ila nuan’! Pionerin­ngor­nis­san­nul­li piareerut­torlunga ilimagin­ngisatsin­nik pisoqar­poq.

PISOQ ILIMAGINNGISAQ NUANNERSOQ!

Nakorsap ul­lut ilaan­ni paasitip­paatigut Sylvia naar­tusoq. Sylvialu tupaal­laq­qaaraluarluta meerar­taaq­qin­nis­sar­put qilanaariler­par­put. Pionerin­ngor­nis­san­nil­li pilersaarutitsin­nut qanoq sun­niuteqas­sava?

Eq­qar­tueqatigeereerluta aalajanger­pugut pilersaarutigut al­lan­ngor­tin­niar­nagit. Er­ner­put Gabriel apriilimi 1985-imi inun­ngor­poq, ukiorlu taan­na juunimi aningaaserivim­miit soraarlunga pionerin­ngoq­qip­punga. Kingor­na Im­mik­koor­tor­taqarfiup Ataatsimiititaliaanut ilaasor­tan­ngor­punga. Sapaatip-akun­neranut ul­lut marluk pingasul­luun­niit im­mik­koor­tor­taqarfim­mi kif­far­tor­tar­punga, im­mik­koor­tor­taqarfil­li Caracasimiit kilometerinik 80-inik ungasitsigisumiim­mat uteqat­taar­tariaqar­tar­punga.

NOOQQIPPUGUT

Im­mik­koor­tor­taqarfik qanil­lat­tor­niarlugu il­loqarfim­mut La Victoriamut nuun­niarluta ilaqutariit­tut aalajanger­pugut. Taman­na sungiun­niar­tariaqarsimavar­put. Ilaqut­tak­kali nersor­tariaqar­put! Isumal­luar­tuunerat qujamasuutigeqaara. Aleqama, Bahap, anaanar­put isumas­sorusup­paa. Taamanik­kut Mike katereer­nikuuvoq, Samirali Gabrielilu suli najugaqatigaagut. Taamaat­tumik La Victoriamut nuuk­kat­ta taak­kua ikin­ngutitik Caracasimiit­tut qimat­tariaqarsimavaat. Aam­ma Sylvian­nguup il­loqarfis­suaq qimal­lugu il­loqarfeeq­qami najugaqar­nis­sani sungiut­tariaqarsimavaa. Tamat­talu il­lumi mikinerusumi najugaqar­ner­put sungiun­niar­tariaqarsimavar­put. Ilumum­mi, Caracasimiit La Victoriamut nuun­ner­put sor­pas­suar­nik nas­sataqarsimavoq.

Pis­sutsil­li al­lan­ngoq­qip­put. Gabriel katip­poq Samiralu nuul­luni. Taava 2007-imi Sylvialu Betelimut kif­far­toriar­toq­quneqar­pugut, maan­namul­lu suli tas­sani kif­far­tor­pugut. Angajul­lequter­put, Mike, utoq­qaaner­taavoq nulianilu Monica pionerioqatigalugu. Aam­ma Gabriel utoq­qaaner­taavoq nulianilu Ambra Italiami kif­far­toqatigalugu. Samira, pioneritut kif­far­tor­nermi saniatigut, Betelimi ikiuul­luni angerlarsimaf­fim­miniit sulisar­poq.

PEQQISSIMISSUTIS­SAQANNGILANGA

Inuunin­ni pingaarutilin­nik aalajangigas­sar­pas­suaqarsimavunga, peq­qis­simis­sutis­saqan­ngilangali. Jehovamut kif­far­tor­nin­ni misigisimasar­pas­suak­ka nuan­nersut qujamasuutigeqaak­ka. Ukiut ingerlanerini paasilersimavara Jehovamut ikin­ngutaal­luar­tuujuar­neq qanoq pingaaruteqar­tigisoq. Aalajangigas­sagut an­nikik­kaluar­pata an­ner­tugaluar­pataluun­niit Jehovap eq­qis­sinermik ‘siuneqas­suser­nit tamanit an­nerungaar­tumik’ tunisin­naavatigut. (Fil 4:6, 7) Sylvialu Betelimi kif­far­tor­ner­put nuan­nareqaar­put, misigivugul­lu Jehovap aalajangiinigut pil­luaq­qusarai. Taan­nami inuunitsin­ni sal­liut­tuarsimavar­put.