Mulangidi KIDIDI KYA KUBHAKA MADIVULU MU INTERNETE
Mulangidi
KIDIDI KYA KUBHAKA MADIVULU MU INTERNETE
Kimbundu
  • BIBIDYA
  • MADIVULU
  • YÔNGE
  • Zakadiya 8
  • Bibidya Ikôla ya Mundu wa Ubhe

O vidyu iwasolo seku luwa.

Tuloloke, kwamoneka kibhidi mu kujikula o vidyu.

O Milongi Yala mu Divulu Dya Zakadiya

      • Jihova wanda bheka kutululuka ni kuyuka (1-23)

        • Jeluzaleme, “mbanza yakidi” (3)

        • ‘Ditangelyenu o kidi mudyenu’ (16)

        • Tunde mu kithangana kya kujejuwala ndu mu kithangana kya fesa (18, 19)

        • ‘Tuyenu musota Jihova’ (21)

        • Dikwinyi dya mayala akwata ku divunga dya Judé imoxi (23)

Zakadiya 8:8

Kulwiji

  • *

    Mba, “kidi.”

Zakadiya 8:12

Kulwiji

  • *

    Mu Heba.: ene anda kuna o jimbutu ja kutululuka.

Zakadiya 8:16

Índices

  • Kadivulu phala Kutokwesa

    Sanguluka Katé Kuhádya ni Hádya!, disá 36

Zakadiya 8:23

Kulwiji

  • *

    Mu Heba.: “diyala mukwa Judá.”

Índices

  • Kadivulu phala Kutokwesa

    O Mulangidi (Phala Kudilonga),

    1/2022, mba. 22

    O Mulangidi (Phala Kudilonga),

    1/2020, mba. 26

    O Mulangidi (Phala Kudilonga),

    1/2016, jimb. 20-21

    O Mulangidi,

    11/15/2014, mba. 31

  • Bibidya Ikôla ya Mundu wa Ubhe
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
Bibidya Ikôla ya Mundu wa Ubhe
Zakadiya 8:1-23

Zakadiya

8 Jihova dya ifuxi wa ngambela dingi wixi: 2 “Jihova dya ifuxi wambe: ‘Nganda zokela Ziyone ni nguzu yami yoso. Nganda izokela ni njinda yavulu.’”

3 “Jihova wambe kiki: ‘Nganda vutuka mu Ziyone. Nganda tunga mu Jeluzaleme. Jeluzaleme anda ixana mbanza yakidi. O mulundu wa Jihova dya ifuxi, anda wixana mulundu ukôla.’”

4 “Jihova dya ifuxi wambe: ‘O mala ni ahatu akuka kya, anda xikama dingi mu ididi mu bhongolokela athu avulu mu Jeluzaleme, kala muthu mudyâ, wanda kala ni mbangala yê bhu maku, mukonda dya kukuka kyavulu. 5 O ididi mu bhongolokela athu avulu, yanda kwizala ni twana twa mala ni twana twa ahatu, ene anda tonokena mwenyomo.’”

6 “Jihova dya ifuxi wambe: ‘Sumbala o athu anda subhuka ku kifuxi mu izuwa yenyoyo, anda fika kwila, o ima yiyi kiyanda bhita, o kwila eme kingitena kubhangesa o ima yiyi kubhita?’ Jihova dya ifuxi mwéne wa kyambe.”

7 “Jihova dya ifuxi wambe kiki: ‘Nganda bhulula o mundu wami, mu ku ukatula mu jixi jala ku mbandu ku tundila o dikumbi ni ku mbandu ku fwila o dikumbi. 8 Nganda kwabheka dingi mu Jeluzaleme, ene anda tunga mwenyomo. Anda kala mundu wami, eme nganda kala ngi Nzambi yâ. Nganda ku atalatala ni ufiyele* ni kuyuka.’”

9 “Jihova dya ifuxi wambe kiki: ‘Swinenu, enu mwa mu kwivwa o izwelu ya jipolofeta kindala, o izwelu yiyi yene we yazwelele kyoso kyate o kaboko ka inzo ya Jihova dya ifuxi, phala kutunga o tembulu. 10 Kuma ande dya izuwa yenyoyo, o athu kakexile mu afuta mu ikalakalu yakexile mubhanga, mba ku afuta mukonda dya ikalakalu yexile mubhanga o ibhaku yâ. Mukonda dya jinguma, o athu kexile mukwenda ni kutululuka, kuma ngabhangesele o athu kudikwatela unguma mudyâ.’

11 “‘Jihova dya ifuxi wambe: Maji kindala, o mundu yú wasubhuka-ku kinganda ku ubhanga dingi kala ki ngabhangele mukulu. 12 Mukonda anda kuna* o jimbutu ni kutululuka, o mixi ya mividi yanda kwima o ibundu yê, o mavu anda bhana idima, ku dyulu kwanda tunda dimume. Eme-phe nganda bhangesa kwila, o mundu wasubhuka-ku utambule o ima yoso yiyi. 13 Enu mu mundu wa Judá ni mundu wa Izalayele, o athu exile mutumbula o majina menu phala kubhubhidila akwa. Maji kindala nganda mibhulula, o athu anda tumbula o majina menu phala kubesowala akwa. Kanenu kukala ni wôma. Swinenu.’

14 “Jihova dya ifuxi wambe kiki: ‘“Kyoso o jikuku jenu kya ngikwatesa njinda eme nga akastikala. Eme kingidyela.” Kyene kyambe Jihova dya ifuxi. 15 Maji kindala ngamesena kubhanga mbote ku akwa Jeluzaleme ni ku dibhata dya Judá. Kimukale ni wôma!”’

16 “‘Yiyi yene o ima i mwatokala o kubhanga: Mu kuzwela ni akwenu, ditangelyenu o kidi. Kyoso ki mufundisa bhu myelu ya jimbanza jenu, fundisenu ni kidi ni mu ukexilu ubheka kutululuka. 17 Kimuxinganeke ku mixima yenu kubhanga phulu ku akwenu, kimuwabhele kuloka mu makutu. Mukonda ngazembe o ima yoso yiyi.’ Jihova mwene wakyambe.”

18 Jihova dya ifuxi wa ngambela dingi, wixi: 19 “Jihova dya ifuxi wambe kiki: ‘O kithangana kya kujejuwala mu mbeji ya kawana ni mu mbeji ya katanu ni mu mbeji ya kasambwadi ni mu mbeji ya dikwinyi, yanda kala ithangana ya kusanguluka phala o mundu wa Judá, kifwa, jifesa ja kusanguluka. Mukyenyiki, zolenu o kidi, zolenu o kutululuka.’

20 “Jihova dya ifuxi wambe kiki: ‘Kwanda bhixila o kizuwa, athu a ifuxi ni yó atungu mu jimbanza javulu anda kwiza, 21 o athu a mbanza imoxi andaya muzwela ni athu a mbanza yamukwa ni kwamba: “Tuyenu! Tuyenu musota o dibesá dya Jihova, ni kusidivila Jihova dya ifuxi. Eme wami ngandaya.” 22 Mundu wavulu ni ifuxi yala ni kutena anda kwiza musidivila Jihova dya ifuxi mu Jeluzaleme ni kubhinga o dibesá dya Jihova.’

23 Jihova dya ifuxi wambe kiki: ‘Mu izuwa yenyoyo, dikwinyi dya mayala atokala ku madimi moso a ifuxi, anda kwata, anda kwata mwene ku divunga dya Judé* imoxi ni nguzu yoso ni kwamba, exi: “Twamesena kuya n’enu, mukonda twevu kwila Nzambi wala n’enu.”’”

Madivulu Muoso Kimbundu (2008-2025)
Kutunda
Kubokona
  • Kimbundu
  • Kuwanena akwenu
  • Yakuwabhela
  • Copyright © 2025 Watch Tower Bible and Tract Society of Pennsylvania
  • Ijila
  • Kikutu Kyetu
  • Definições de privacidade
  • JW.ORG
  • Kubokona
Kuwanena akwenu