O Jiphaxi Ji Bheka Kidielelu
‘Mu izuua isukidila-ku kua-nda kuíza jithembu ja bhonzo.’—2 TIMOTE 3:1.
O KUILA eie uevu kiá, mba ua muene kiá—maka alungu ni izulukutu íii?
● O mabhebhu ene mu jibha athu avulu.
● O nzala iene mu jibha athu avulu.
● O itungutu ia ixi, iene mu jibha athu avulu, ni ku buika ué jinzo javulu.
Mu milongi ku pholo, tua-nda di longa dingi o izulukutu íii. Ua-nda mona ué kuila, o Bibidia ia kanene kiá ukulu kuila o izulukutu íii, ieji bhita mu “izuua isukidila-ku.”a
Maji o milongi íii, ka i soneka phala ku ku xikinisa kuila tuala ku mundu muezala ni jiphaxi javulu. Mukonda eie uene mu mona kiá o jiphaxi jiji. Kienhiki, o milongi íii, a i bhange phala ku ku bhana kidielelu. Iene ia-nda londekesa o ki kumbidilu kia ikanenu isamanu íii, ilombolola kuila “o izuua isukidila-ku” iala ku dizubhilu. Mu milongi íii, tua-nda di longa ué ihi izuela o athu ia lungu ni izulukutu íii, ia-nda bhangesa kuila athu a dielela ku ima ia-nda kuíza ku hádia.
[Tanga mu luji]
a Ua-nda kuijiia ué se mukonda diahi, Nzambi uehela o ima íii ia iibha ku bhita, mu kadivulu kaka, se u tanga o mbandu iambe, “Mukonda diahi Nzambi Uehela o Kuiibha ni Hadi?” mu jimbandu ja 12-13.