Kikanenu 6. Kikalakalu Kia Ku Boka Ku Mundu Uoso
“O Njimbu íii Iambote ia Utuminu ua Nzambi, ia bhingi ku i tula mu ngongo ioso.”—MATESU 24:14, NW.
● Vaiatea ua tungu ku ilhas remotas do Pacífico, ku Arquipélago ia Tuamotu. Ku Tuamotu, kuala 80 a ididi, iala mu 802.900 km, a tunga-mu 16.000 dia athu. Né kiki, Vaiatea ni jivizinhu jê, ene mu a sota ku Jimbangi ja Jihova. Mukonda diahi? Mukonda o Jimbangi ja Jihova a mesena ku tangela athu oso o maka alungu ni Utuminu ua Nzambi—kabasa kididi mua tunga.
IHI ILONDEKESA O IZULUKUTU ÍII? O njimbu ia Utuminu ene mu i tula ku mundu uoso. Ku muvu ua 2010, o Jimbangi ja Jihova a bhange 1.6 ka jimidi ja ola ndenge, mu ku tula o njimbu iambote ku 236 a jixi. Kiki kilondekesa kuila, a bhange 30 a ithangana mu kikalakalu kia ku boka kizuua ni kizuua. Tundé mu ukulu a bhana kiá ku athu 20 a jimidi a madivulu ndenge.
IHI IZUELA O ATHU? O njimbu ia Bibidia ene mu i tula kiá tundé ukulu.
O KUILA O ATHU A MU ZUELA O KIDI? Sumbala kuene athu ene mu boka ia lungu ni njimbu ia Bibidia. Maji athu enhá, a bhanga o kikalakalu kiki, mu kithangana kófele, kene mu i bhanga mu ididi ioso. Maji o Jimbangi ja Jihova, ene mu bhanga o kikalakalu kia ku boka ku mundu uoso, o kikalakalu kiki kiene mu tula ku jimidi ja athu ku mundu. O Jimbangi ene mu kolokota mu kikalakalu kiki, sumbala ni izukutisu iavulu ijila ku isangela ia iibha ia mundu iú.a (Marku 13:13) O Jimbangi ja Jihova kene mu a futa kioso kia bhanga o kikalakalu kia ku boka. Mu veji dia kiki, ene a bhana o kithangana kiâ, ni madivulu mâ, sé ku bhinga kitadi. O kikalakalu kiá, a ki bhanga ni kitadi kia bhana athu mu vondadi iâ.
IHI I U BANZA? O kuila “o njimbu iambote ia utuminu ua Nzambi,” ene mu i tula muene mu ngongo ioso? O kuila o ki kumbidilu kia kikanenu kiki, ki tena kulombolola kuila tua kingila kima ku hádia?
[Tanga mu luji]
a Phala kuijiia dingi, tala o misoso mu ji video jitatu: “Fiéis Sob Prova,” Triângulos Roxos,” ni “As Testemunhas de Jeová Resistem ao Ataque Nazista,” a ji bhange ku Jimbangi ja Jihova.
[Kilombuelelu ku bandu 9]
“Se Jihova u tu ehela hanji, tua-nda kolokota o ku boka o njimbu iambote ia Utuminu ni nguzu ioso, phala ku i tu dila ku athu oso ku mundu.”ANUÁRIO DAS TESTEMUNHAS DE JEOVÁ—2010.