Musoso ua Kidi, ki ua Makutu
‘Eme uami nga zubha ku tokuesa kiambote o ima ioso tundé ku ia tundile.’—LUKA 1:3.
MUKONDA DIAHI O BIBIDIA IA DI TUNGULA? O misoso ni milongi ia makutu, i tanga misoso ki ia kidi, i sueka ididi, ithangana ni majina a athu. Maji o Bibidia i tanga misoso iavulu i bhana kidielelu kua ió a i tanga, kuma ‘ene o kidi.’—Jisálamu 119:160, The Psalms for Today, by R. K. Harrison.
MU KIFIKA: O Bibidia i tanga kuila ‘Nabukodonozolo sobha ia Babilonha . . . ua balakale Nzuakí [Sobha ia Judá] mu Babilonha.’ Mu ku bhita kithangana ‘Evile-Melodake, sobha ia Babilonha, ku muvu uandeka o ku tumina, kia bhetula o mútue ua Nzuakí, sobha ia Judá, a mu tele mu kangolonda.’ Anga ‘sobha uene ku mbandu iê, uia jinga ni ku mu bhana [Nzuakí] kúdia, mu izuua ioso ia muenhu uê.’—2 Jisobha 24:11, 15; 25:27-30.
IHI IENE MU SANGA O AKUA KU TOKUESA KOXI A MAVU: Mu kibhela kia Babilonha, o akua ku tokuesa a sange madukumendu alondekesa o thembu ia tumina sobha Nabukodonozolo ia kaiiadi. Ene a sange ué o kudia kua kexile mu bhana ku ji pelezu, ni ima ia mukua ia tokalele ku muiji ua sobha. O mukanda u tumbula ué “Yaukin [Nzuakí],” uexile “sobha mu ixi ia Yahud (Judá)” ni muiji uê. Ihi ia tange ia lungu ni Evile-Melodake ua bhingana Nabukodonozolo? A sange mukanda mu disanga ku Susana u zuela kiki: “O mbonge ia Amil-Marduk [Evile-Malodake] Sobha ia Babilonha, mon’a Nabukodonozolo Sobha ia Babilonha.”
IHI I U BHANZA? O kuila uejiia divulu diokulu di tanga ni kidi kioso o misoso ia bhiti? Anga o Bibidia ngó i tena ku bhanga kiki?
[Kilombuelelu ku mbandu 5]
“O izuelu ia akua ku xinda o ithangana ni ia akua kulondekesa o ididi mua bhiti o misoso, izuelu ia kidi ni ia ku dielela, o isoneku ia mikanda ia mukuá iokulu ndenge.”—A SCIENTIFIC INVESTIGATION OF THE OLD TESTAMENT, BY ROBERT D. WILSON
[Jifoto ku mbandu 5]
Dukumendu ia Babilonha di Tumbula o Sobha Nzuakí ia Judá
[Muxinda ua tokala 5]
© bpk, Berlin/Vorderasiatisches Museum, SMB/Olaf M. Tessmer/Art Resource, NY