‘Bhana Umbangi’
1. Phangu iebhi ia bhana Phaulu ia lungu ni ukunji?
1 ‘Kumbidila o ukunji uê.’ (2 Tim. 4:5) O poxolo Phaulu ua zuela ni kidi kioso mu ku bhana o kitendelesu kiki kua Timote. Mu muvu ua 47, ni 56 A.K, Phaulu ua zubhile kiá o ukunji uê. O divulu dia Ikalakalu di zuela kuila Phaulu ua “bhana umbangi.” (Ika. 23:11; 28:23) Kiebhi ki tu tena ku kaiela o phangu iê lelu?
2. Kiebhi ki tu tena ku bhana umbangi mu nzo ni nzo?
2 Ku Boka Nzo ni Nzo: Tu tena ku sota o athu kévu luua o njimbu iambote, mu ithangana ia tokala phala ene. O maiala, tua sanga dingi ku mabhata mâ mu usuku, mba mu sukilu dia semana. Tua tokala ku bhanga ioso phala ku sanga o athu ku mabhata mâ, mu ku a kunda mu ithangana ioso, bhenge-bhenge ió ki tuene mu a sanga m’onzo. Abha se ku tena ku sanga muthu? Nange u tena ku mu xisa mukanda mba ku bhinga o muxinda ua mutelembe uê ua kafuetele ku muthu uéngi, phala ku mu xinda.
3. Ithangana iahi i tuala na-iu ia ku boka mu ididi ioso-ioso ni mu ikoka?
3 Ku Boka mu Ididi Ioso-Ioso ni mu Ikoka: O jiselevende ja Jihova a boka ‘o mak’a Nzambi,’ ku muthu uoso-uoso ua mesena o kuívua. Saí iâ a boka mu ‘ikoka’ ni mu ‘jiphambu.’ (Jisa. 1:20, 21) O kuila kioso ki tuia mu bhanga ima ioso-ioso, tuene mu boka? O kuila tuene mu ‘tula o njimbu mu ithangana ioso’? (Ika. 18:5) Se kiene, tua mu londekesa kuila tua mu kumbidila o kikalakalu kia ‘ku bhana umbangi.’—Ika. 10:42; 17:17; 20:20, 21, 24.
4. Kiebhi o musambu ni ku xinganeka mu mak’a Nzambi ku tu kuatekesa ku bhana umbangi?
4 Mukonda dia ku lundula o kituxi mba o uôma, nange ki tu fidisa ku bhana umbangi. Maji tua tokala kuijiia kuila Jihova uejiia ioso i tu tena o ku bhanga. (Jisá. 103:14) Se tu divua kiki, tu samba kua Jihova ni tu tene ku boka ni ku suína. (Ika. 4:29, 31) Kioso ki tu di longa ubheka uetu, ni ku xinganeka mu Mak’a Nzambi, tua tokala ku xinganeka mu ujitu ua ku boka o njimbu iambote. (Fil. 3:8) O ku bhanga kiki, ki tu kuatekesa ku boka o njimbu ni ku suína!
5. Kiebhi ki tu tena ku kumbidila o kikanenu kia Jihova kia bhanene kua Jouele?
5 Nzambi ua kanena bhu kaxi ka Jouele kuma, ande dia kuíza o kizuua kia Jihova, o mundu ua Nzambi eji ‘kolokota’ keji kuehela kima kioso-kioso ki a fidisa o ku boka. (Joue. 2:2, 7-9) Mu kiki, tu bhange ioso i tu tena, ni tu kolokote mu ku boka!