Sidivila Jihova ku Muenhu ué Uoso!

O muenhu, ujitu ua dikota. O ukexilu u tu langa o ujitu iú ku kizuua ni kizuua, u londekesa se tu u bhana muene valolo mba kana. Kuma tu Jimbangi ja Jihova, tu bhanga ioso phala kubhana o uhete u tuala nau, phala kufumanesa ni kujingisa Jihova, o Mubhangi ua Muenhu. (Jis 36:9; Dij 4:11) Maji o ku thandanganha kiavulu ni ima ia xitu ku mundu ua Diabhu, ku tena ku tu bhangesa kuta o jimbambe mu nzumbi kudima. (Mar 4:18, 19) Kala muthu mudietu, ua tokala ku dibhuidisa: ‘O kuila nga mu bhana o kima kia beta-o-kota kua Jihova? (Ho 14:2) O kuila o salu iami ia mu ngi fidisa kusidivila Jihova? Jebhi o jimbambe jami mu nzumbi? Kiebhi ki ngi tena kusanzumuna o ukunji uami?’ Se u mona kuila kua bhingi kulungulula o ima ku muenhu ué, samba kua Jihova, mu kubhinga kikuatekesu. Mu kusuluka, lungulula o ima, u disokejeke. Sé phata, o kuximana Jihova izuua ioso, ku tu bhekela kisangusangu ni kuzediua!​—Jis 61:8.

TALA O VIDIU, BHANA O UHETE UÉ KUA JIHOVA; MU KUSULUKA TAMBUIJILA O IBHUIDISU IA KAIELA:

• Mukonda diahi o kuzanga o mauhete metu ku mundu ua Satanaji, kiluezu kia di kota? (1Nz 2:17)

• Mabesá ebhi a tambula ió a bhana o ima ia beta-o-kota kua Jihova?

• Mbambe iebhi i u tena kusuua, phala kubhana o mauhete u uala nau?