Kyebhi ki Wa-nda Dipelepalala Phala o Lembalasa?

Tundé ku dimatekenu dya muvu yú, twa-nda kala dingi ni kithangana kya ku dipelepalala phala o Lembalasa ya kufwa kwa Jezú Kidistu. Se o Lembalasa ya-nda bhita mu kaxi ka semana, o kyônge Ukexilu ni Ukunji, ka-nda ku i bhanga mu semana yenyóyo. Se o Lembalasa ya-nda bhita mu sukilu dya semana, o diskulusu ni Milongi ya Mulangidi, ka-nda ku i bhanga we mu semana yenyóyo. O kwila wa-nda katula mbote mu ithangana yiyi i wa-nda kala na-yu? Kala kya bhiti ku hama ya dyanga, kwa bhingi kusokejeka o ima phala o kithangana kiki kya katunda. (Lu 22:7-13; Kikalakalu Kyetu Kya Utuminu wa 03/15 difwe 1) Maji etu enyoso twa bhingi kupelepalala o muxima wetu. Kyebhi ki tu tena kubhanga kiki?

• Xinganeka o valolo ya kuya mu Lembalasa.—1Ko 11:23-26

• Samba ni u xinganeke mu ukamba wé ni Jihova.—1Ko 11:27-29; 2Ko 13:5

• Tanga ni u xinganeke mu milongi yala mu madivulu metu, i zwela ya lungu ni Lembalasa.—Nz 3:16; 15:13

Sayi aboki, a tanga, a xinganeka mu kitangelu kya Bibidya kya Lembalasa ki tu sanga mu kadivulu Tanga o Mikanda Ikola Izuwa Yoso. A mukwâ a tanga o jivelusu ja Bibidya jala mu jifikula jala mu mbandu yenyiyi. A mukwa hanji a bhitulula o milongi yoso ya Mulangidi, i zwela ya lungu ni Lembalasa ni henda yene mu tu londekesa Jihova ni Jezú. Kikale se u sola ndunge yoso-yoso, maji ya tokala ku ku zukamesa dingi kwa Jihova ni kwa Mon’ê.