WENDELU WA UKIDISTÁ

Ihi i u Tena Kudilonga ni Jikidistá Ala ni Uhete?

Mu ilunga yetu twene mu sanga-mu jiphange a mu sidivila kyá Jihova mu mivu yavulu. Tu tena kukatula phangu mu kudyelela kwâ kwa Jihova. Tu tena kwa ebhwidisa ya lungu ni misoso ya kilunga kya Jihova, ibhidi yebhi ya bhiti na-yu ni kyebhi Jihova kya a kwatekesa ku i tolola. Tu tena kwixana o jiphange jiji ja kazola, mu Ubhezelu ku Mwiji phala ku tu tangela o misoso yâ.

Se eye u mwadyakime Kidistá wa kulu mu nzumbi, u tena kuzwela ku minzangala kyebhi Jihova kya ku kwatekesa mu mawukexilu avulu. Jakobo ni Zuze a longo o phangu yâ ku mbutu yâ. (Di 48:21, 22; 50:24, 25) Mu kusuluka, Jihova wa tumina o atwameni a miji, kulonga o twana twâ ya lungu ni ibhangelu yê ya katunda. (Mate 4:9, 10; Jis 78:4-7) Mu izuwa ya lelu, o jitata ni jiphange ja mukwa mu kilunga a tena kutangela o minzangala ya lungu ni ima ya mu bhanga Jihova bhu kaxi ka kilunga kyê.

TALA O VIDYU, ENE A DIBUNDU KUMOXI NÉ MWENE NI KIFIDISU KYA JINGUVULU, MU KUSULUKA TAMBWIJILA O IBHWIDISU YA KAYELA:

Kyebhi o filiyale ya Austria kya kwatekesa o jiphange mu jixi mwa fidisile o kikalakalu kyetu?
Kyebhi o jiphange mu jixi jiji kya suluka mu kukala ni kixikanu kya kolo?
Mukonda dyahi aboki avulu ku Romênia a disandulwile mu kilunga kya Jihova ni kyebhi kya vutuka-mu?
Kyebhi o misoso yiyi ya kolesa o kixikanu kyé?

Foto: Jimbandu ja vidyu ‘Ene a Dibundu Kumoxi né Mwene ni Kifidisu Kya Jinguvulu.’ 1. Mapa ya mu londekesa o jixi ja mbandu ya kutundila kumbi ya Europa, ja fudisile o kikalakalu kyetu. 2. Makina ya kubhanga jikopya. 3. Jiphange ku ixi ya Romênia a mu dibhabha mudya. — Dilonge ni adyakime o ima yavulu yambote ya-nda ku kwatekesa kukolesa o kixikanu kyé kwa Jihova!