Suluka ni Kubhana o Mulangidi ni Despertai!

Tunde kumuvu wa 2018, o Mulangidi phala o athu ni Despertai, a alungulula. Kala Mulangidi wamuzwelakyangó maka amoxi. O Despertai! we kyene. O madivulu oso yá, abhanga mbandu mu Jifalamenda Jetu ja Kulonga. Mukonda dya kiki, tutena kwa abhana ku athu mu ukunji. Tutena we kwambata o Mulangidi ni Despertai! kyoso kituya mukitanda mba kyoso kitwenda njila yadikanga. Etu kitwene mulonga o Bibidya ku athu bhuka ka Mulangidi mba Despertai! maji omadivulu yá atena kukwatekesa o athu kwijiya dingi yalungu ni Nzambi.

Mukuzwela ni muthu tanganê velusu mu Bibidya, zwela maka ala mu Mulangidi mba Despertai! andamuwabhela. Mukifika, nange mwene wala ni twana, waluwala mukonda dya kufunda ndandu mba wathandanganya kyavulu mukudibhana ni ibhidi. Mukiki, eye utena kuzwela: “Izuwa yiyi ngatange maka ambote alungu ni kibhidi kiwamudibhana nakyu. Ngamesena kukulondekesawu.” Se muthu ulondekesa kwila, wamesena kwijiya dingi, utena kumubhana o Mulangidi mba Despertai! mba kumutumikisadyu bhukaxi kamutelembe né mwene muveji yadyanga imwazwela. Mukidi, kubhana o Mulangidi mba Despertai! kikyene okima kyadyanga kitubhanga mu ukunji, maji ene atukwatekesa kusanga athu abelesela o ima yamu dilonga.—Ik 13:48.

2018

2019

2020