9-15 YA KANAKE
JISABHU 17
Mwimbu wa 157 ni Musambu | Izwelu Phala Kumateka (Kithan. 1)
Dikaza akwa Izalayele ala mu kididi kyakondama amudya
1. Kala ni Kutululuka mu Ukaza Wê
(10 ithan.)
Kubhonza kukala ni kutululuka, maji se ubhanga nguzu o ukaza wê wanda zediwa (Ji 17:1; tala o yakapa)
Kanenu kudikwata mukonda dya tu ima twofele (Ji 17:9; g 9/14 11 §2)
Langa o ixinganeku yé (Ji 17:14; w08 5/1 10 §6-11 §1)
2. Tokwesa Omilongi ya Bibidya
(10 ithan.)
Ji 17:24—Mu ukexilu webhi “o mesu a kyowa atakujuka ngo makanga kala wandala kutala kwa suku o ixi”? (it- 1 790 §2)
Ihi iwadilongo mukitangelu kya Bibidya kyasemana yiyi i wamesena kuzwela ku akwenu?
3. Kitangelu Kya Bibidya
(Ithan. 4) Ji 17:1-17 (th milongi ya 10)
4. Kumateka Kuzwela ni Muthu
(Ithan. 3) KUBHANA UMBANGI KYOSO KIKUMONEKA KITHANGANA. (lmd disá 3 pondo 5)
5. Kumateka Kuzwela ni Muthu
(Ithan. 4) KUBOKA MU KIKOKA. Dibhakule phala kulonga o Bibidya ku muthu. (lmd disá 6 pondo 4)
6. Diskulusu
(Ithan. 5) ijwbv-T milongi ya 60—Dyambu: Ihi ilombolola o izwelu yala mu divulu dya Jisabhu 17:17? (th milongi ya 13)
Mwimbu wa 113
7. Kalenu ni Idifwa Itena Kukwatekesa o Mwiji Kukala ni Ukexilu Wambote Wakudizwelesa
(15 ithan.) Mbandu ni jingivwidi.
Phala kuzediwa ku mwiji, kima kyambote kukala ni ukexilu wakudizwelesa. Kyoso kala muthu ku mwiji udivwa kyambote phala kudizwelesa, adizwelesa se hele, ene atena kukalakala kumoxi ni kudikwatekesa mudya kyoso kya dibhana ni ibhidi. (Ji 15:22) Ihi i utena kubhanga phala muthu woso ku mwiji uzwele se hele yoso yamukala kumuxima?
Bhitenu kithangana kumoxi. (Mate 6:6, 7) Kyoso o mwiji abhanga o ima ya kizuwa ni kizuwa kumoxi, abhanga o ikakalakalu mu nzumbi kumoxi, atonoka kumoxi, adizola dingi, adidyelela. Kiki kya abhana we kithangana phala kudizwelesa se hele. Sayi bhabha eye wandabhinga kuxisa kubhanga ima yakuwabhela phala kukala ni mwji wé! Maji ejiya kwila se ubhanga kiki wanda katula mbote yavulu! (Fi 2:3, 4) Kyoso kimukala kumoxi, kyebhi kimutena kukatula mbote mukithangana kimwala kumoxi?—Ef 5:15, 16
Xika o VIDYU Kayela o Njila Ibhekela Kutululuka ku Mwiji—Kalenu ni Ukexilu Wambote Wakudizwelesa. Mukusuluka ebhwidisa o jingivwidi:
Kyebhi o kubhita ithangana yavulu mu mutelembe, kitena kubhangesa o mwiji kukamba kudizwelesa kyambote?
Mukutala o vidyu, ima yahi dingi iwadilongo yalungu ni kudizwelesa kyambote?
Ivwa kyambote. (Tiy 1:19) O twana adivwa dingi kyambote phala kuzwela kyebhi kyamudivwa kyoso ene kyamona kwila o jitata anda kwabhana matwi muveji dya kwatatamesa. Kyenyiki kana kufutuluka kyoso o mona kyanda zwela kima kikuthandanganyesa. (Ji 17:27) Muveji dya kwafundisa, ivwa ni mwanyu woso. Sota kutendela kyebhi kyamudivwa ni kyebhi kya mu xinganeka moné phala utene kumukwatekesa ni kumulondekesa kwila wamuzolo.
8. Milongi ya Bibidya mu Kilunga
(30 ithan.) bt kib. 27 §19-22, kaxa mu difwe 242