5-11 YA KATATU

IZAYA 17–20

Mwimbu wa 153 ni Musambu | Izwelu Phala Kumateka (Kithan. 1)

O VALOLO YA MAK’Â NZAMBI

1. “O Dikânda Dya Futu Yatokala yó Ene Kutubhûnda”

(10 ithan.)

O Bibidya isokesa o athu mu ngongo ni musanza wa kalunga ulunguluka mu ithangana yoso (Iz 17:12; w18.06 8 §16)

Twejiya kwila athu avulu mu ngongo mumu anda tubhanga ima yayibha mukonda twakambe kudita mu maka a ngongo (Nz 15:18, 19; w16.04 22 §4)

Maji hádya Jihova wanda tubhuluka bhu maku a yó ‘atubhûnda’ (Iz 17:13, 14); ip-1-T 198 §20)

Phange ya diyala wala mu kaleya, wamusamba ni kufulujuka kwoso. Ku mbandu yakanga ya kaleya kwala mulangidi ni uta bhu maku.

2. Tokwesa Omilongi ya Bibidya

(10 ithan.)

Iz 20:2—O kwila Izaya wende mwene tuxi-elele mu mivu itatu? (w06-T 1/12 11 §1)

Kitambwijilu kyé
Ihi iwadilongo mukitangelu kya Bibidya kyasemana yiyi i wamesena kuzwela ku akwenu?

Kitambwijilu kyé

3. Kitangelu Kya Bibidya

(Ithan. 4) Iz 19:1-12 (th milongi ya 11)

KUMBIDILA O MILONGI YIYI MU UKUNJI WÉ

4. Kumateka Kuzwela ni Muthu

(Ithan. 3) NZO NI INZO. Zwela ni muthu wakazala kyá, zwela-nê yalungu ni kidi kya Bibidya kitusanga mu kibandekesu A mu kadivulu Zol’o Athu. (lmd disá 2 pondo 3)

5. Kukunda Dingi o Muthu

(Ithan. 4) NZO NI INZO. Dibhakule phala kulonga o Bibidya ku muthu. (lmd disá 8 pondo 4)

6. Diskulusu

(Ithan. 5) lmd kibandekesu A pondo 14—Dyambu: Nzambi Wamesena Kwila Tusambela Kwa Mwene. (th milongi ya 8)

WENDELU WA UKIDISTÁ

Mwimbu wa 148

7. “Lembalala o Ditadi Dyé Dyene Kukuxitila”

(10 ithan.) Mbandu ni Jingivwidi.

Jihova mwéne o Ditadi dyene kutuxitila phala katubhange kyayibha. (Iz 17:10) Mwene ubhulula yó alengela kwa mwene. (Jis 144:1, 2) Sumbala sayi Bhabha, Jihova kene mutukatula o izukutisu, maji mwene ubhana jinga ku makamba mê yoso yabhindamena phala kukolokota.—1Ko 10:13.

Jifoto jatundu mu vidyu: “Dilonge ni Phangu ya Makamba ma Jihova—⁠Ananiya, Mizayele, ni Azadiya.” Ananiya, Mizayele, ni Azadiya, adituna kufukamena o kiteka kyabhange Sobha Nabokodonozolo. Ni njinda yoso o Sobha Nabokodonozolo watumu o masoladi me phala ku akuta.

Ukexilu umoxi wakulondekesa kwila twalembalala Jihova ó kumubelesela. Xika o VIDYU Dilonge ni Phangu ya Makamba ma Jihova—Ananiya, Mizayele, ni Azadiya. Exana kuditala tumbonga wazwela-nawu kya, wa exana anga u abhanga o ibhwidisu yiyi mba-phe ibhwidisa o jingivwidi:

Kyebhi Jihova kyabhulula o makamba mê?—Da 3:24-28

Kitambwijilu kyé
Kyebhi Ananiya, Mizayele ni Azadiya kyalondekesa kwila exile makamba a Jihova?

Kitambwijilu kyé
Mu kithangana kyebhi mubhonza kubelesela Jihova?

Kitambwijilu kyé
Ihi i utena o kubhanga phala kubelesela Jihova?

Kitambwijilu kyé

8. Izuwa Yoso Ukala ni Kithangana Phala Kudilonga ni Phangu ya Makamba ma Jihova

(Ithan. 5) Mbandu ni jingivwidi.

Jifoto: Jifoto ja athu otumbule mu Bibidya ja tundu ku vidyu “Dilonge ni Phangu ya Makamba ma Jihova.” O mukwa musoso wa vidyu wala kupholo ya Bibidya yadikota yojikule.

O mbandu Dilonge ni Phangu ya Makamba ma Jihova, aibhange phala o ana amudilonga o kutanga. O mbandu yiyi i alonga yalungu ni athu azolele Jihova. Jividyu joso jiswinisa o tuminzangala “izuwa yoso kukala ni kithangana phala kudilonga ni phangu ya makamba ma Jihova.”

Kyebhi ki utena kukala ni kithangana phala kudilonga yalungu ni Jihova ni makamba mê?

Kitambwijilu kyé
Athu ebhi a atange mu Bibidya u wamesena kwa ejiya kyambote ni mukonda dyahi wamesena kwa ejiya?

Kitambwijilu kyé

9. Milongi ya Bibidya mu Kilunga

(30 ithan.) lfb disá 50, dimatekenu dya mbandu 9, ni disá 51