Milongi Phala ku di Longa

Ikanenu ikuxi i ua bhange kua Jihova? O kuila u divua muene kuma ua mu kumbidila o kikanenu ki ua bhange? Ihi i u zuela ia lungu ni kudibhakula kué, mba o kikanenu kia ukaza? Mu milongi iii, tua-nda mona o phangu iambote ia Jefete ni Hana, athu a kumbidila o ikanenu ia bhangele. O phangu ia ene, i tu kuatekesa ue kukumbidila o kikanenu ki tua bhange kua Nzambi.

Etu tuene mu banza ithangana ioso mu ima ia-nda tu bhana Jihova mu Palaízu. Maji mu milongi iii, tua-nda zuela ia lungu ni ima i uana, ia-nda buikisa Jihova phala ku tu bhekela o kutululuka ni kuzediua mu ngongo. Kuijiia o ima iii, kua-nda kolesa o kixikanu kietu, ni ku tu suinisa phala tu kolokote.

Kioso ki tu mona mba a tu bhanga kima kia iibha sé kikuma, o kixikanu, ni kulenduka kuetu a tena ku i lola. Mu milongi iii, tu sanga-mu izulukutu itatu ia Bibidia, ia-nda tu kuatekesa kulondekesa o kuiuka kala ki bhanga Jihova.

Sumbala Jihova ka bhindamena kima kioso-kioso, muene u sanguluka mu kumona o nguzu i tu bhanga, phala kuzokela o utuminu uê. Tua-nda dilonga mu divulu dia Afundixi kibatulu 4 ni 5, kuila Jihova ua uabhela o vondadi ietu, ia ku mu sidivila ni kukaiela o itendelesu iê.