Tundé ku Ubhika mu Babilonha Katé mu ku Tunga Kua Ilumbu ia Jeluzaleme

Kioso kia kexile hanji mu ubhika mu Babilonha, o kixikinu kia akua Izalaiele kio polovale. Sadalake ni Mizake ni Abede-neko a a takula mu kijiku kia túbhia, maji Nzambi ua a bhulula. Anga, kioso akua Midiia ni Pélesa kia tambula Babilonha, Daniiele a mu takula mu dikungu dia jihoji, maji Nzambi ua mu lange ué, mu ku jika o makanu a jihoji.

Mu disukilu, o sobha ia Pélesa, Silu, ua bhulula akua Izalaiele. Ene a vutuka ngó ku ixi iâ kia bhitile 70 a mivu, tundé kia ambatele kála abhika mu Babilonha. Kioso kia vutuka mu Jeluzaleme o kima kia dianga ku bhanga, o ku tunga o tembulu ia Jihova. Maji o jinguma a palalesa o kikalakalu kiâ. Ene a zubha ngó ku tunga o tembulu, kioso kia bhitile 22 a mivu, tundé kia vutukile mu Jeluzaleme.

Tua-nda kuijiia maka alungu ni Ejidala, kioso kia vutuka mu Jeluzaleme, phala ku iudika dingi o tembulu. Kua bhitile 47 a mivu kioso kia zubha ku tunga o tembulu. Mu ku bhita 13 kia mivu, ia njila ia Ejidala, Nehemiia ua kuatekesa mu tunga dingi o ilumbu io bule ia Jeluzaleme. O Kibatu kia KATANU kiasoko 152 ia mivu, ia musoso katé mu thembu íii.