DISÁ 23

Mbote Ijila mu Nguzu Itubhanga Phala Kudibatizala!

Edição Impressa

Jezú wambe kwila o Jikidistá abhingi kwa batizala. (Tanga Matesu 28:19, 20.) Kyebhi kya tokala kubatizala o athu? Ihi ya tokala kubhanga o muthu phala kumubatizala?

1. Kyebhi kya tokala kubatizala o athu?

Kyoso Nzwá kya batizala Jezú, mwene wamubondo o mukutu woso mu ngiji ya njolodá, mu kusuluka mwene wa “Zawuka ku menya.” (Máluku 1:9, 10) Kala Jezú, kyoso o Jikidistá jakidi kya a abatizala o mukutu wa woso a ubonda we mu menya.

2. Ihi ilondekesa o muthu kyoso kya mu batizala?

O muthu mu kumubatizala, ulondekesa kwila wabhakula o mwenyu we kwa Jihova Nzambi. O muthu andamubatizala udibhakula kyebhi? O muthu usamba kwa Jihova ande dya kumubatizala, umukanena kwila wandamusidivila ngó mwene kumwenyu we woso. Mwene ukanena kubheza ngó Jihova. Ukanena we kwila o kubhanga o vondadi yê kyene o kima kya beta kota kumwenyu wê. Mwene ufula ‘kudibanza mwène-mwene . . . anga ukayela’ o ilongesu ni phangu ya Jezú. (Matesu 16:24) Mukonda dya ku dibhakula ni kudibatizala o muthu utena kukala ni ukamba wakolo ni Jihova ni athu yó amubheza ngó mwene.

3. Ihi ya tokala kubhanga o muthu phala kudibatizala?

Ande dya kukubatizala kima kyambote kudilonga ya lungu ni Jihova ni kukala ni kixikanu kya kolo kwa mwene. (Tanga Jihebelewu 11:6.) Kyoso ki uya ni kubandekesa o kwijiya ni kukolesa o kixikanu kyé, o henda yé kwa Jihova yandakola dingi. Mu kiki wandamesena kuboka ya lungu ni mwene ni kusota kukala ni wendelu wambote. (2 Timote 4:2; 1 Nzwá 5:3) Kyoso muthu kya sota ‘kwenda kala kyandala Jihova ni kubhanga jinga yoso ya mu wabhela kyambote,’ mwene usola kudibhakula ni kudibatizala.—Kolose 1:9, 10.a

DILONGE DINGI

Tala ihi itutena kudilonga mu ima izwela o Bibidya ya lungu ni Batizu ya Jezú ni kyebhi o muthu kya tena kudipelepalala phala kumubatizala.

4. Ihi itutena kudilonga mu ima izwela o Bibidya ya lungu ni batizu ya Jezú?

Tanga Matesu 3:13-17 phala kwijiya dingi ya lungu ni batizu ya Jezú. Mukusuluka bhanga o ibhwidisu ya kayela:

O kwila Jezú wexile kabwetele kyoso kya mu batizala?
Kyebhi mwene kya mu batizala? O kwila amumbombo ngó tumenya ku mútwe?

Kyoso kya mu batizala, mwene wamateka kubhanga o kikalakalu kya katunda kya mu tumu Nzambi. Tanga Luka 3:21-23 ni Nzwá 6:38, mukusuluka bhanga o kibhwidisu kya kayela:

Kyoso Jezú kya mu batizala, kyebhi o kikalakalu kya betele kota kumwenyu wê?

5. Eye utena kukumbidila o mbambe ya kudibatizala

O kixinganeku kya kudibhakula ni kudibatizala nange kitena ku kuthandanganyesa. Kyoso ki uya ni kudilonga dingi ya lungu ni Jihova ni kubelesela o itumu yê, wandakala polondo phala kudibhakula ni kudibatizala. Phala kutala o misoso ya athu abhange kiki, tala OVIDYU.

VIDYU: Kala Udikamba Dya Jihova (1:11)

Tanga Nzwá 17:3 ni Tiyaku 1:5, mukusuluka bhanga o kibhwidisu kya kayela:

Ihi itena kukwatekesa o muthu kudipelepalala phala kumubatizala?

A. Muhatu wamudibhakula kwa Nzambi bhu kaxi ka musambu.

B. O muhatu mwenyu, amumubatizala kala Mbangi ya Jihova o mukutu wê woso a mu ubonda mu menya.

Etu tudibhakula kwa Jihova kyoso kitumukanena kwila, twamesena kumubheza ngó mwene kumwenyu wetu woso
Kubatizu tulondekesa ku athu kwila, twabhakula o mwenyu wetu kwa Nzambi

6. Kyoso kya tubatizala tubhanga mbandu kumwiji wa Jihova

Kyoso kya tubatizala, tumateka kubhanga mbandu kumwiji wadizolo kumundu woso. Kabasa ixi mba ijila, etu tuxikina mu kima kimoxi, tubelesela o itumu ya Nzambi. Tanga Jisálamu 25:14 ni 1 Phetele 2:17, mukusuluka bhanga o kibhwidisu kya kayela:

Kala kitwatange mu jivelusu jiji, mbote yahi ikatula o muthu kyoso kya mu batizala?

Jifoto:Ni kusanguluka, phange amubatizala uxinganeka mu makamba ambote alanawu mu kilunga. 1. Mwene wamujimbulula ku phange ya mukwa ya muhatu mwadyakime kyebhi kya mu divwa. 2. Mwene wamukwatekesa phange wakuka kya kwenda. 3. Mwene walambe o kudya phala kudya kumoxi ni makambe mê a itala ki idifu. 4. Mwene ni phange ya mukwa amubokela diyala. 5. Mwene wamudixabula jifoto ni jiphange ja jixi jengi mu kyônge kya dikota.

ATHU AVULU AMBA: “Kingala polondo phala kungibatizala.”

Eye wamesena kubhanga nguzu phala kukubatizala?

IHI IWADILONGO

Jezú walongo kwila o Jikidistá abhingi kwabatizala. Phala kiki ni kibhite, o muthu watokala kukala ni kixikanu kya kolo kwa Jihova, kubelesela o itumu Yê, ni kubhakula o mwenyu wê kwa Mwene.

Kubhitulula

Kyebhi kya tokala kubatizala o athu?
Mukonda dyahi o muthu wabhingi mwene kudibatizala?
Ihi ilondekesa o batizu? Ima yahi ya tokala kubhanga o muthu phala kudibhakula kwa Jihova ni kumubatizala?

Ngazubha o disá didi mu kizuwa kya:

Mbambe

Tala o jimbandu, “O Kwila Nga Bhange Kya Yoso Phala Kuboka ni Kilunga?” ni “O kwila Nga Bhange Yoso Phala Kudibatizala?,” kudisukilu dya mbandu ya kawana. Mu jimbandu jiji eye wandamona ihi iwatokala o kubhanga phala kuboka ni kilunga ni kukubatizala.

Mbambe yengi:

Your other goal

TOKWESA DINGI

Dilonge se batizu ihi, tala we se batizu ki ihi.

“O Batizu Ihi?” (Milongi ya jw.org)

Tanga ni umone se ihi ya tokala kubhanga o muthu phala kumubatizala.

“O Henda ni Kisakidilu Kwa Jihova Yanda Kubhangesa Kudibatizala” (O Mulangidi, wa Katanu wa 2020)

Sayi diyala amubatizala. Tanga ni umone se ihi ya mu bhangesa kudibatizala.

“Ene Amesenene Kwila, Ngi Tungununa mu Dyami o Kidi Kya Bibidya” (O Mulangidi, 1 wa Kawana wa 2013)

Dilonge se mukonda dyahi kima kyambote kubhanga nguzu phala kudibatizala.

“O Kwila Ngatokala Kudibatizala?” (Ibhwidisu Yene mu Bhanga o Minzangala—Itambwijilu Ikwatekesa ku Mwenyu, Divulu dya 2, kibatulu 37 mu Phutu)

a Se o muthu amubatizala kya mu ngeleja yengi, kwandabhinga kumubatizala dingi lwamukwa. Mukonda dyahi? Mukonda o ngeleja yoyó ki yexile mulonga o kidi kya Bibidya.—Tala Ikalakalu 19:1-5 ni Disá 13.