Kana Kukala ni Woma

Ihi Yabhange Jezú

VIDYU: Jezú Wabazela o Munzangala, Nguvulu, Wexile Nvwama

1. Tala o VIDYU, mba tanga Máluku 10:​17-22. Mukusuluka xinganeka ku ibhwidisu yiyi:

1. Nange idifwa yebhi yambote yamono Jezú ku munzangala, wexile nguvulu?

2. Mukonda dyahi Jezú wabhingi kukala ni henda maji sé kukala ni woma wa kubazela o diyala?

Kima Kyahi Kitulonga o Phangu ya Jezú?

2. Kidi, twatokala kuzwela ni henda yoso, maji kitutokala kukala ni woma wakuzwela yoso yabhingi kubhanga o dixibulu phala kukala ni ukamba wambote ni Jihova.

Kayela Jezú

3. Kwatekesa dixibulu dyé kuxinda ni kukumbidila jimbambe.

1. Kalakala ni mbandu “Jimbambe” yala mu madisá oso a divulu Sanguluka Katé Kuhádya ni Hádya!

2. Kwatekesa dixibulu dyé kwijiya o ima yatokala o kubhanga phala kubhixila bhu jimbambe jê ja ithangana ni ithangana.

3. Ximana jinga dixibulu dyé mu yoso yamubhanga phala kukula mu nzumbi.

4. Eye wabhingi kwijiya ihi yamufidisa dixibulu dyé kuya kupholo, hé umukwatekesa kukatula o ifidisu yenyiyi.

1. Dibhwidise kiki:

   • ‘Se dixibulu dyami kamudisunga phala kudibatizala, ihi yamumufidisa?’

   • ‘Ihi ingatokala o kubhanga phala kumukwatekesa?’

2. Bhinga kwa Nzambi phala utene kuzwela ku dixibulu yoso yatokala o kubhanga. Bhinga phala utene kuzwela sé woma maji ni henda.

5. Se dixibulu kamukula mu nzumbi, mwehe.

1. Phala kwijiya se dixibulu dyé wamukula mu nzumbi, dibhwidise kiki:

   • ‘O kwila dixibulu dyami wamukumbidila yoso yamudilonga?’

   • ‘O kwila wamuya mu yônge, wamutangela we akwâ yoso yamudilonga?’

   • ‘Se mwene wamudilonga kya thembu yavulu, o kwila wandala kukala Mbanji ya Jihova?’

2. Se dixibulu dya Bibidya, kamesena kukula mu nzumbi:

   • Mubhinge phala kuxinganeka se ihi yamumufidisa kusuluka.

   • Ni henda yoso, mutangele se mukonda dyahi kwandasuluka dingi ni kumulongesa.

   • Mutangele ihi yatokala o kubhanga se hádya wamesena kuvutuka kudilonga dingi o Bibidya.