Mukonda Diahi ua Tokala ku di Longa o Bibidia?

O Bibidia, divulu a beta ku d’ijiia ku athu ku mundu uoso. Mukonda diahi? Mukonda di zuela maka ene mu dibhana na-iu o athu. Diala ni misoso ia kidi ia athu akexile kiá ku muenhu ni kiebhi ene kia dibhana ni akuâ ni Nzambi. O misoso íii ia Bibidia, i tu longa madisá a kidi ki i bhonzo ku a lungulula mu hâma ja madimi ni ku a tendela ku athu oso mu ngongo. O milongi ia Bibidia i tena ku tu kuatekesa.

O Bibidia ki i zuela ngó maka alungu ni Nzambi, iene divulu dia tokala ué kua Nzambi. Iene i tu tangela o dijina dia Nzambi, o ídifua iê, ni vondadi iê ia lungu ni ixi ni athu. O Bibidia i zuela ué o maka a mateka m’ukulu alungu ni mbote ni kuiibha: O Bibidia i tu londekesa kuila o maka enhá a-nda ku bhua kiambote. O ku tanga o Bibidia ni muxima uoso, ku tu kuatekesa ku kala ni kixikanu kia kolo ni kidielelu.

Mu Bibidia tu sanga-mu milongi ki tu i sanga mu madivulu engi. Mu kifika, o Bibidia i tu tangela o kidi kia maka enhá:

• Nanhi ua tu bhange ni mukonda diahi tua mu tala hadi

• Ihi ia Bhange Nzambi phala ku bhulula o mundu

• Ihi ia bhange Jezú ko kuetu

• Ihi ia-nda bhita ni athu ku hádia

Mukonda diahi ki u suluka ni ku tanga o mbandu jala ku pholo ni kuijiia o njimbu ia Bibidia?