IBHUIDISU IA BIBIDIA IO TAMBUIJILE
Mukonda diahi a soneka o ikanenu mu Bibidia?
Mukonda diahi o Bibidia i tanga o izulukutu ia mu bhita mu izuua ietu?—Luka 21:10, 11.
Mu Bibidia muala ikanenu iavulu ia kidi. Se-ku muthu u tena ku tanga o ima ia-nda bhita ku hádia ni kidi kioso. Kienhiki, o dikumbidilu dia ikanenu ia Bibidia, di tu londekesa kuila o Bibidia, Mak’â Nzambi.—Tanga Josuué 23:14; 2 Phetele 1:20, 21.
O ikanenu ia Bibidia ia dikumbidila kiá, i tu suinisa ku kala ni kixikanu kua Nzambi. (Jihebeleu 11:1) O ikanenu i tu bhana ué kidielelu kuila, o kikanenu kia Nzambi kia kuila ku hádia o athu a-nda zediua mu ixi, kia-nda dikumbidila. Kienhiki o ikanenu ia Bibidia i tu bhana kidielelu kia kidi.—Tanga Jisálamu 37:29; Loma 15:4.
Kiebhi o ikanenu ia Bibidia i tu kuatekesa?
Saí ikanenu, i suínisa o jiselevende ja Nzambi ku bhanga kima. Mu kifika, kioso o Jikidistá ja dianga kia mono o dikumbidilu dia ikanenu, ene a xisa o mbanza ia Jeluzaleme. Mu kubhita kithangana, kioso kia buika o mbanza mukonda mundu uavulu ua ditunine Jezú, o Jikidistá akexile kiá dikanga mu kididi kia kondama.—Tanga Luka 21:20-22.
O ikanenu ioso ia mu dikumbidila lelu, ilondekesa kuila kua kambe ngó, o Utuminu ua Nzambi, ua-nda buika o jinguvulu joso mu ixi. (Daniiele 2:44; Luka 21:31) Mukonda dia kiki, kima kiambote se o athu lelu a bhanga kima, phala ku a xikina kua Sobha Jezú Kristu, a mu bhana o Utuminu kuala Nzambi.—Tanga Luka 21:34-36.