Lelu Loloka Akuenu

KITUMU KIA BIBIDIA: ‘Mu di loloka se bhuala muthu ua di kuata ni mukuá. Kala muthu a loloke mukuá kala kioso Jihova kia mi loloka enu, kiene ué ki mu bhanga jinga.’—Kolose 3:13.

Kulombolola ihi? Mu Bibidia o kituxi a ki sokesa ni dikongo, o kuloloka kua sokela ni ku jimba o dikongo. (Luka 11:4) Saí divulu di zuela kuila o Bibidia i londekesa kuila mu Ngeleku o kizuelu “kuloloka” kulombolola “kuehela kuia” mba ku kamba ku kobhala.” Kienhiki se tua loloka muthu ua tu te kituxi, ki tu jijila kima ku muthu. O kuloloka ki kulombolola kuila tua uabhela o kima kia iibha kia tu bhange mba ki tua mu kuívua ndolo kana, ki kiene. Tu sola kueha o njinda, né muene se ‘etu a tu té o kituxi.’

O kuila ku tena ku tu kuatekesa lelu? Mukonda tu akua ituxi, etu enioso tuene mu lueza. (Loma 3:23) Mu kiki, kima kiambote se tu kala ni ukexilu ua ku loloka, mukonda etu tua-nda bhindamena ué kuila akuetu a tu loloka. Kioso ki tu sola kuloloka, tu katula mbote. Mbote iahi?

Se tu kala ni njinda iavulu—ni ku dituna kuloloka—tu dibhekela ndolo. O kudivua kia iibha kutena ku tu fidisa kusanguluka, mba ku tu luualesa. Ku tena ué ku tu bhekela mauhaxi. O dotolo Yoichi Chida ni mulongexi Andrew Steptoe ambe mu Jurnale American College of Cardiology, kuila: “O njinda ni ibanzelu ia iibha i bheka uhaxi ua muxima.”

Ku mbandu ia mukua o kuloloka ku bheka mbote. Kioso ki tu loloka akuetu, tu kala ni ku tululuka bhu kaxi k’etu, tu dibhana kiambote ni akuetu, o kia beta-kota tu kala ni ukamba ni Jihova. Kia mukua tu tena kulondekesa kuila tua mu kaiela o phangu ia Nzambi, mukua kuloloka oso a diela o ituxi, muéne ua mesena kuila tu bhanga kála muéne.—Marku 11:25; Efezo 4:32; 5:1.