O Kidi Kya Lungu ni Utuminu wa Nzambi
Jezú wa longo o maxibulu mê kusamba: “Tata yetu wene mu dyulu, dijina dyé a dixile. Utuminu wé wize. Vondadi yé a i bhange bhoxi, kala kyala ku i bhanga ku dyulu.” (Matesu 6:9, 10) O Utuminu wa Nzambi ihi? Wa-nda bhanga ihi? Mukonda dya-hi twa tokala kusamba phala o utuminu wize?
Jezú mwene o Sobha ya Utuminu wa Nzambi.
Luka 1:31-33: “U mu luka dijina dya Jezú. Mwène wa-ndu kala kota dya muthu, a kà mu ixana Mon’a Nzambi ya Dyulu. O Ngana Nzambi wa kà mu bhanga Sobha, kala kya kexile tat’â Davidi mu xahulu. Mwène wa ka tumina o dibhata dya Jakobo katé ni ku hádya. O Ungana wê ki wa kà-bhwa dingi.”
O Utuminu wa Nzambi wexile o dyambu dya ulongelu wa Jezú.
Matesu 9:35: “Jezú anga u nyunga mu jimbonge joso ni mu jisanzala, ni kulonga mu malombe, ni kuta Maka ma Utuminu wê, ni kusaka o jihaxi joso ku makukata mâ ni ku mawuhaxi mâ moso.”
Jezú wa bhana kijimbwete ku maxibulu mê kyeji ku a kwatekesa kwijiya kwila o Utuminu wa bhixila.
Matesu 24:7: “Mbata akwa’xi imoxi a kà di kwata ni akwa’xi yamukwá; kilômbo kya kà balukila kilômbo kya mukwá; kwa kà kala nzala, ni oxi kutunguta mu ididi yavulu.”
Lelu o maxibulu a Jezú ene mu boka ya lungu ni Utuminu wa Nzambi mu ixi.
Matesu 24:14: “O Njimbu yiyi Yambote ya Utuminu wa Nzambi, ya bhingi ku i tula mu ngongo yoso, mu kubhana umbangi ku akwa jixi joso; kyene kiwa kya kèza dizubhilu.”