Ithangana ia ku Ximana Jihova

1. Kithangana kiahi ki tuala na-kiu phala ‘ku ximana Jihova’?

¹ Mu mbeji ia Katanu, o kimbadi kia sokejeka phala o jiphange a mesena ku kala aboki a ithangana ni ithangana, n’a tene ku bhana 30 a ji ola, mu mbeji ia Katanu ni Kasamanu ni kioso o kafunga ka ilunga kia kunda o kilunga. Kioso o kafunga ka ilunga kia kunda o kilunga, o aboki a mesena ku bhana 30 a ji ola, a tena ku sola ku kala muboki ua ithangana ni ithangana, mu mbeji ia mu kunda mba mu mbeji i kaiela. O aboki a ithangana ni ithangana a tokala ku kala mu kiônge kioso, kia-nda bhanga o kafunga ni aboki a thembu ioso ni aboki a katunda. Kiki kilombolola kuila a sosola o 50 a ji ola, phala tu tene ‘ku ximana Jihova,’ mu ku kala muboki ua ithangana ni ithangana, mu ku bhana 30 a ji ola mu ithangana íii i uana!—Jisá. 109:30; 119:171.

2. Mabesá ahi a-nda tambula o aboki a ithangana ni ithangana, kioso o kafunga kia kunda o kilunga?

² Kioso o Kafunga ka Ilunga kia Kunda o Kilunga: Jiphange javulu a-nda kala aboki a ithangana ni ithangana, kioso o kafunga kia kunda o kilunga, ni ku katula mbote iavulu ia ku kalakala nê mu ukunji. (Lom. 1:11, 12) Saí jiphange nange a-nda katula kizuua kia ku nhoha, mu izuua ia semana phala ku kalakala ni kafunga ka ilunga. O aboki a ithangana ni ithangana a kalakala ku salu, a tena ku ibhuidisa ku kafunga ka ilunga se u tena ku boka n’ê kumoxi kia Sábhalu mba kia Lumingu. O aboki a ithangana ni ithangana, a-nda tambula mabesá avulu mu ku kala mu kiônge kioso, ni aboki a thembu ioso ni aboki a katunda!

3. Mukonda diahi o mbeji ia Lembalasa kithangana kiambote phala ku kalakala kála muboki ua ithangana ni ithangana?

³ Mu Mbeji ia Katanu ni Kasamanu: Oso a-nda kalakala kála aboki a ithangana ni ithangana, mu mbeji ia Lembalasa ia kufuá kua Jezú, a-nda bhana 30 a ji ola, ni ‘ku ximana’ dingi Jihova! (Jih. 13:15) O mbeji ia Katanu ni ia Kasamanu, ithangana iambote phala ku sanzumuna dingi o ukunji uetu, mu ku kalakala kála aboki a ithangana ni ithangana. Mivu joso, mu mbeji ia Katanu ni Kasamanu, tua-nda kalakala ni kisangusangu kioso, mu ku bhana o tumikanda tua lungu ni Lembalasa ia kufuá kua Jezú. Jiphange javulu a-nda sanzumuna o ukunji uâ mu kithangana kia Lembalasa ia kufuá kua Jezú, mu kiki-phe tu tena ku bhanga ioso phala ku kalakala ni aboki avulu. Kioso kia-nda zubha o Lembalasa, tua tokala ku kunda dingi o athu phala kuívua o diskursu dia katunda. O kuila ua mesena ku katula mbote mu ku kalakala kála muboki ua ithangana ni ithangana?—Luk. 6:45.