Ku Bandekesa o Uhete Uetu mu Ukunji—Ku Bhana Umbangi Bhu Kaxi ka Mutelembe u Kala Bhu Mbandu a Dibhitu

Mukonda Diahi Kiambote Kiambote ku Bhanga Kiki: Ku bhana umbangi bhu kaxi ka mutelembe u kala bhu mbandu a dibhitu, ku bhekesa uôma. Kiebhi ki tu tena o ku bhua uôma ni ku suína mu ku bhanga ima iambote? Xinganeka kuila, o ku bhana umbangi bhu kaxi ka mutelembe u kala bhu mbandu a dibhitu, nange uene o ukexilu uambote ua ku bhana umbangi ku athu ni njimbu iambote. (Lom. 10:14) O misoso ilondekesa kuila, o ukexilu iú u tena ku kuatekesa ku bhana umbangi uambote. (Tala o Anuário de 2011, pp. 65-66 e o Anuário de 2000, p. 54 par. 3.) Tala o itendelesu íii.

Kiebhi ki tu Tena ku Bhanga Kiki:

Soneka o izuelu i ua-nda tangela o mukua dibhata ni u tange bhu kaxi ka mutelembe u kala bhu mbandu a dibhitu. Kiki, ki tena ku u kuatekesa. Ku dimatekenu, zuela mukonda diahi ua mu mu kunda. Tumbula o dijina dia mukua dibhata, se ua dijiia. Ku disukilu mu bhane kamukanda mba Mulangidi (mba mu xile-ko kox’a dibhitu) ua-nda ku kuatekesa ku mu kunda dingi.
Kala ni kibanzelu kiambote. Se ki bhana, uelela bhofele, londekesa ukexilu uambote kala ua mu zuela né pholo ni pholo.
Mu ku zuela, tululuka. Lombolola kiambote o maka ni dizui dia suína. Mu ku zuela kana ku babajala, maji kana ué ku zuela ni lusolo.
Xinganeka kiambote. Mu jisabhalalu j’onene, mu tena ku kala mitelembe iavulu. Nange u tena ku zuela ni athu a tolo ni ku soneka oso u ua zuela nau ni bhebhi bhu ua suku. O akua dibhata, sumbala a kala ni uôma se tu kala ithangana iavulu bhu muelu mba bhu dibhitu phala ku xika o mitelembe ioso.

Fikisa o Ndunge Íii ku Mbeji Íii:

Kioso ki u kala ni ubhezulu ku muiji, di iudikenu mu ku bhanga kiki, maji o mukuá u kala dikanga.