Kubhandekesa o Uhete Uetu mu Ukunji—Kuatekesa o Dixibulu Kudibhakula ni Ku Di Batizala

MUKONDA DIAHI KIMA KIAMBOTE KUBHANGA KIKI: Phala kua xikina kua Jihova, o adilongi a Bibidia a tokala kubhakula o mienhu iâ kua Nzambi ni kua batizala. (1Ph 3:21) Nzambi u langa ió a kumbidila o ima ia kanena o kubhanga mu kudibhakula kuâ. (Jis 91:1, 2) O kidistá u dibhakula kua Jihova—kana ku athu, sidivisu, mba kibuka kioso-kioso. Mu kiki, o adilongi a Bibidia a tokala kukolesa o henda iâ kua Nzambi.—Lo 14:7, 8.

KIEBHI KI TU BHANGA KIKI:

• Mu kudilonga o Bibidia, Jimbulula kiebhi o milongi izuela ia lungu ni Jihova. Mu suínise kutanga o Bibidia izuua ioso ni kusamba kua Jihova “sé kufula.—1Te 5:17; Tii 4:8

• Suínisa o dixibulu dié, kukala ni mbambe ia kudibhakula ni ku di batizala. Lua mukuá, mu kuatekese kusuua jimbambe, kala o kubhana ithambuijilu mu iônge, kubhana umbhangi ku jivizinhu jê ni ku jikoleka jê. Lembala kuila, Jihova ka jijidika muthu ku mu sidivila. O muthu, muéne muene ua tokala kudibhakula mudiê.—Mate 30:19, 20

• Kuatekesa o dixibulu dié, kulungulula o ukexilu ua muenhu uê na sangulukise Jihova, ni ku mu batizala. (Ji 27:11) Saí maukexilu ni ifua, nange ibhonza phala kuieha, mu kiki, eie ua tokala kukolokota kukuatekesa o dixibulu dié kuxisa o ukexilu uokulu na kale ni ukexilu uobhe. (Ef 4:22-24) Tanga n’ê misoso ia Mulangidi, mu mbandu “O Bibidia i Lungulula o Ukexilu ua Athu”

• Mu tangele o kisangu-sangu ni mabesá u uene mu tambula, tundé ki ua mateka kusidivila Jihova.—Iz 48:17, 18