Jihova wa Zolo o Athu a Zele

“Sukula o maku. Komba o inzo. Texi o ixete.” Jitata javulu a longa o twana twâ se kyebhi kya tena kuzelesa o mukutu wâ. Mu kidi, o ukexilu wa kuzela wa tundu kwa Nzambi yetu wa zele. (Ma 30:18-20; Mate 23:14; 2Ko 7:1) Kyoso ki tu zelesa o mukutu wetu ni ima ya tu tokala, tu bhana kijingu kwa Jihova. (1Ph 1:14-16) Abha ihi i twamba ya lungu ni inzo yetu ni ima ya tu kondoloka? O athu ku mundu a texi o ixete mu ikoka ni mu ididi ya kunyoha, maji o Jikidistá ene mu bhanga nguzu phala ka xidise o ixi. (Jis 115:16; Dij 11:18) Né mwene mu ima yofele, kala kyoso ki tu xibha o xupa-xupa, o jirebusadu, o jixuwinga (pastilha), mba kyoso ki tu dyá o dihonjo, o manga ni kyoso ki tu xibha o jelado, o bhwoso bhu tu texi o ixete ya ima yiyi, i tena kulondekesa se twala ni ukexilu wa kuzela mba kana. Mu mawukexilu oso a mwenyu wetu twa mesena kulondekesa “mu ima yoso kwila twala tu jingunza ja Nzambi.”—2Ko 6:3, 4.

TALA O VIDYU, NZAMBI WA ZOLO O ATHU A ZELE, MU KUSULUKA TAMBWIJILA O IBHWIDISU YA KAYELA:

• Sayi yá ene mu tatela ihi, ya a bhangesa kukamba kuzelesa o ima ya a tokala?

• Kyebhi o Kikutu kya Mozé kilondekesa se ihi i banza Jihova ya lungu ni kuzela?

• Kyebhi ki tu tena kubhana umbangi u jingisa Jihova sé kuzwela kima?