Kana Kumwanga Misoso Yamakutu

Lelu o minangu itena kubhixila ku mazunda a athu ni lusolo, bhukaxi ka jijurnale, mitelembe yaminangu, mitelembe ya izuzumbya, ni internete. Kuma tubheza o “Nzambi ya kidi,” kitwamesena kumwanga misoso yamakutu, né mwene sé kukijiya. (Jis 31:5; Ma 23:1) O misoso yamakutu, kyoso kya imwanga ku athu avulu, itena kubhekela maka. Se wamusota kwijiya se o maka uwatange a kidi mwene, dibhwidise:

• ‘O kwila ngadyelela ku muthu wazwela o maka yá?’ Nange o muthu watula o njimbu, kejiya yoso yabhiti. Kyoso athu kyatanga musoso, ene kakambe kubandekesa mba kukatulaku kama. Kyenyiki, dilange se kiwejiya nanyi wamateka kutanga o maka mba minangu. Kuma o jiphange ala ni mawujitu mu kilunga a adyelela kyavulu, ene atokala kudilanga phala kamwange maka akambe kwijiya se akidi mba kana.

• ‘O kwila o maka yâ amuxidisa dijina dya muthu?’ Se o maka amuxidisa dijina dya muthu mba kibuka kya athu, kana kwatangela ku akwenu.—Ji 18:8; Fi 4:8

• ‘O kwila utena kudyelela mu maka yâ?’ Dilange ni misoso yedikala amwivudisa ku athu.

TALA O VIDYU KIEBHI KI NGI TENA KUEHA O JIMBUÉMBUE? MUKUSULUKA TAMBWIJILA O IBHWIDISU YAKAYELA:

• 

  Kala kilondekesa Jisabhu 12:18, o ima ituzwela itena kubhekela makahi?

• 

  Kyebhi o divulu dya Filipe 2:4 ditukwatekesa kusola kyambote o ima ituzwela yalungu ni akwetu?

• 

  Ihi itwatokala kubhanga se akwetu amateka kuzwela ima yayibha yalungu ni muthu wengi?

• 

  Ande dya kumateka kuzwela yalungu ni akwetu, ibhwidisu yebhi itwatokala kudibhanga?