Kutula o Milongi ku Mixima ya Athu

Nzambi tu mubelesela ni muxima wetu woso. (Ji 3:1) Kyenyiki, kyoso kitulonga, twatokala kubhanga yoso phala kutula o milongi ku mixima ya athu. Kyebhi kitutena kubhanga kiki?

Dixibulu dyé, kana kumulonga ngó o kidi kya Bibidya, mulonge we kyebhi kya tena kukumbidila o milongi kumwenyu wê ni kumukwatekesa kumona kyebhi o milongi itena kukolesa o ukamba wê ni Jihova. Mukwatekese kutendela kyebhi o itumu ya Bibidya ilondekesa o henda ya Nzambi ni kuyuka kwê. Ni kuxila kwoso, mubhange ibhwidisu imukwatekesa kuxinganeka kyebhi kyamudivwa yalungu ni ima yamudilonga. Mukwatekese kuxinganeka o mbote ijila mukulungulula o ibanzelu ni idifwa yê yayibha. Kyoso kiwandamona odixibulu dyé kuzola Jihova ni muxima woso, wandasanguluka dingi.

TALA OVIDYU SANGULUKA MU KUBHANGA MAXIBULU—BANDEKESA O UHETE WÉ—KUTULA O MILONGI KU MIXIMA YA ATHU, MUKUSULUKA TAMBWIJILA O IBHWIDISU YAKAYELA:

• 

  Mukonda dyahi Nita webhula Jade: “Wamudilembalala kima kitwazwela kya Sekunda?”

• 

  Kyebhi Nita kyakwatekesa Jade kutendela kwila, Jihova wamuzolo?

• 

  Kyebhi Nita kyakwatekesa Jade kutendela kyebhi mwene kyatena kulondekesa o henda yê kwa Nzambi?