Boka o Njimbu Yambote ya Kwila o Mundu Wabeta o Kuyuka Wazukama!

Mu mbeji ya Kamoxi, twandabhanga nguzu ya kuboka o njimbu yambote ya kwila o mundu wabeta o kuyuka wazukama. (Jis 37:10, 11; Dij 21:3-5) Sokejeka kyambote o programa yé phala kuboka kyavulu mu kambanya kaka. Se udisoneka phala kusidivila kala muboki wa ithangana ni ithangana mu mbeji ya Kamoxi, eye utena kubhana 30 mba 50 a ji ola.

Pelepalala jivelusu jizwela yalungu ni mundu wa ubhe phala kubokela athu avulu se kibhana. Kyoso ki usola velusu ya Bibidya, xinganeka mu maka andatula kumuxima wa athu mu mbambe yé. Se muveji yadyanga o muthu walondekesa kwila wamesena kudilonga, mubhane O Mulangidi No. 2 2021. Mu kusuluka, bandekesa o vondadi yê ya kudilonga sé kulaleka, anga umateka kumulonga o Bibidya mu kadivulu Sanguluka Katé Kuhádya ni Hádya! Kisangusangu kyadikota kungastala o kithangana kyetu mu kuboka o “njimbu ya kubhanduluka”!—Iza. 52:7.

TALA OVIDYU YA MWIMBU O MUNDU WAKEZAKU, MU KUSULUKA TAMBWIJILA O IBHWIDISU YA KAYELA:

• Ima yebhi yexile muxinganeka o kakilumba phala o hádya?

• Ihi iwakingila mu ixi yobhe?

• Kyebhi o kuxinganeka mu kidyelelu kyé kwanda ku kukwatekesa kudipelepalala phala o kambanya mu mbeji ya Kamoxi?—Lu 6:45