Kambanya Yakatunda Phala Kumateka Kulonga o Bibidya mu Mbeji ya Katutu

Mu mbeji ya Katutu, twandabhanga yoso phala kumateka kulonga o Bibidya ni mukwa dibhata, mu kukalakala ni kadivulu Sanguluka Katé Kuhádya ni Hádya! O aboki atena kusola kukalakala kala aboki a ithangana ni ithangana mu kubhana 30 a jiola. Kyebhi kitwandabhanga o kambanya kaka?

• Mu Umbangi wa Dyanga: Kalakala ni milongi yala kudima ya kadivulu ketu phala kukwatekesa o athu kubandekesa o hanji yâ, ni kumulondekesa kyebhi kikala o kudilonga o Bibidya. Lembalala kwila o yó alondekesa kwila amesena kwijiya dingi, kubhinga kwa kunda dingi. Né mwene se waditunine kudilonga o Bibidya mu ukulu ene nange atena kumesena kudilonga m’ukexilu wa ubhe ni mu kadivulu ka ubhe. O kadivulu kitwatokala kukaxisa mu dibhata mba kukatumikisa ni mikanda ku athu kalondekesa kwila amesena kwijiya dingi. O Tufunga Twa Sidivisu nange atena kusokejeka yônge phala o mbeji yiyi.

• Mu ithangana yengi: Se o kilunga kyé kikakalala ni kadikalu kamadivulu, bhangesa o kadivulu Sanguluka Katé Kuhádya ni Hádya! kumoneka. Jimbulula kwa yó amesena kwijiya dingi kwila, kyoso kyatambula o kadivulu kaka ene we atena kudilonga o Bibidya. Mulondekese mu tu ithangana kyebhi kikala o kudilonga o Bibidya mba dibhakanane phala kizuwa kyengi. O kafunga kasidivisu nange utena kusola aboki ala ni uhete phala kuya mu mbambe mwala kitanda mba maloja ni kudilonga nawu o Bibidya. Eye utena kumateka kudilonga o Bibidya ni koleka yé yasalu mba o athu u wa ejiya kyoso kiwa abhana umbangi.

Jezú watwambela, mwa “kà longe maxibulu,” ni “kwa longa.” (Mat 28:19, 20) O kambanya kaka katena kutukwatekesa kukumbidila o mbambe ya kukalakala ni kadivulu, Sanguluka Katé Kuhádya ni Hádya!