Kyebhi Kitukalakala ni Jividyu Jetu Jizwela Yalungu ni Kudilonga o Bibidya

Etu twala ni jividyu jiwana jitutena kukalakala naju mu ukunji, jizwela yalungu ni kudilonga o Bibidya. Dyebhi o disukilu dya vidyu ni vidyu?

• 

  Mukonda Diahi Tua Tokala ku di Longa o Bibidia?—O vidyu yatenena yiyi adibhange phala kukwatekesa o athu kukala ni hanji yakumesena kwijiya dingi yalungu ni Bibidya, kabasa o kima kixikina o muthu. Yene ibhangesa o athu kusota o itambwijilu ya ibhwidisu yabetakota kumwenyu. O kyamukwa yene ilondekesa kifika kya kidi ya itambwijilu ibhana o Bibidya. O vidyu yiyi ilondekesa kyebhi kitutena kubhinga phala kudilonga o Bibidya.

• 

  Mukonda Diahi Tua Tokala ku di Longa o Bibidia? (o vidyu yatolo) kifwa yadifwe ngó ni vidyu yadyanga, akambe ngo kufiwa mu kukoma. O vidyu yiyi itena kukwatekesa dingi kyambote mu mbambe mwala o athu kala ni kithangana kyavulu phala kudizwelesa.

• 

  Kiebhi Kia Longa o Bibidia? o vidyu yiyi adibhange phala kubhangesa o athu kukula ni hanji ya kwijiya dingi yalungu ni programa yetu ya kudilonga o Bibidya se kufuta kima. Yene we itambwijila ibhwidisu ya kizuwa ni kizuwa, kate kyebhi kitutena kubhinga phala kudilonga o Bibidya.

• 

  Katula Mbote mu Kudilonga o Bibidya o vidyu yiyi a ibhange ku ilondekesa ku muthu wamateka kya kudilonga o Bibidya. O vidyu yiyi imoneka mu difwe dya kayadi mu divulu Sanguluka Katé Kuhádya ni Hádya! maji tutena kudilondekesa kyoso kitwamulonga mu kadivulu Sanguluka Katé Kuhádya ni Hádya! Yene izwela yalungu ni milongi yala mu divulu ni ihi o dixibilu ditena kukingila kumona mu madisá ala kupholo.

Sumbala kala vidyu yala ni disukilu dye, maji tutena kulondekesa vidyu yoso yoso ku athu, kabasa o kibhindamu kya muthu. O aboki akwinisa kwijiya kyambote o jividyu jiji ni kukalakala naju mu ukunji.