Mu Ukunji Wé, Zwela Yalungu ni Mbandu ya Dyanga ya Sayite JW.ORG

Mu mbandu ya dyanga ya sayite mwala milongi ni jividyu itena ku kukwatekesa kubhixidisa o milongi ku mixima ya athu ki Jimbangi ja Jihova. (Ik 13:48) Izwela yalungu ni maka ala mu jijurnale mba mu mitelembe ya izunzumbya, maka a muxinganeka ni yamuzwela o athu, mba maka a mwa tandanganyesa.

Kyebhi ki utena kukalakala ni mbandu ya dyanga ya sayite jw.org mu ukunji wé?

• Bokona mu sayite izuwa yoso. Tala kyambote o milongi a mu ilondekesa, tala kyebhi ki utena kukalakala nayu phala kukwatekesa muthu wamesena kwijiya dingi. (Phala kumona milongi yengi a ite mu sayite kindala, bweta ku mbandu “Tala Dingi.”) O kubokona jinga mu sayite ni kwijiya o milongi yala-mu yanda kukwatekesa kukala ni jindunge jengi mu ukunji.

• Kalakala ni milongi ni jividyu jala ku mbandu ya dyanga ya sayite, phala kukutwatekesa kumateka kuzwela ni muthu. O milongi yiyi itena kutukwatekesa kwijiya o maka ene mudibhana na-wu o athu mu mbambe yetu.

• Londekesa o mbandu ya dyanga ku athu. Zwela o jipondo jabetakota, londekesa kyebhi kyatena kubokona ni kutokwesa mu sayite.

• Tumikisa link. Sayi athu kaxikina kuzwela n’etu pholo ni pholo, maji ala polondo phala kukunda o sayite yetu. Kana kukala ni hele ya kutumikisa link ya mbandu ya dyanga ya sayite yetu, milongi mba vidyu yala-mu, ku muthu walondekesa kwila wamesena kwijiya dingi.