Xinganeka mu Misoso Yala mu Bibidya

Mu Bibidya tusanga-mu misoso itulonga ima yavulu. Kima kitena kutukwatekesa kukatula dingi mbote ku ima itwamudilonga, o kuxinganeka. Tala ima itena ku kukwatekesa kubhanga kiki.

• Tanga ni dizwi dyaswina. Kutanga o Bibidya ni dizwi dyaswina ditena ku kukwatekesa kuxinganeka mu ima i wamutanga. Se wanda tanga o Bibidya kumoxi ni mwiji wé, mutena kuxinganeka dingi kyambote, se kala muthu utanga o izwelu ya muthu umoxi amutumbula mu musoso.

• Xinganeka mu musoso. Xinganeka kyebhi o athu otumbule mu musoso kyexile mudivwa ni ihi yexile mubanza. Mu kifika, utena kudibhwidisa: ‘Mukonda dyahi o muthu wazwela kiki, mba mukonda dyahi o muthu wabhange o kima kiki? Ihi i ngeji banza se ngeji dibhana ni maka yá? Kyebhi ki ngeji divwa?’

• Bhanga madezenyu. Kubhanga madezenyu kutena ku kukwatekesa kuxinganeka mu misoso ya Bibidya ni kulembalala o ima i watange, né mwene se o madezenyu mé kafwamé kyavulu.