O Jimbangi ja Jihova a Sota Asaki?

Kiene, o Jimbangi ja Jihova a xikina ku tambula milongo. Sumbala tu bhanga ioso phala ku langa o sauidi ietu, maji saí ithangana tu “bhindamena musaki.” (Luka 5:31) Mu kiki saí Jimbangi ja Jihova, a kalakala mu kididi kia ku saka kalá ji dotolo, kála kiexile Kidistá Luka m’ukulu.—Kolose 4:14.

Maji saí maukexilu a ku saka olondekese mu Bibidia kuila ki tu tokala ku a kaiela. Mu kifika, ki tu xikina ku tambula manhinga ku mukutu, mukonda o Bibidia i tu tangela kuila ki tu tokala ku tambula manhinga mu mukutu. (Ikalakalu 15:20) O Bibidia i zuela ué kuila ki tu tokala ku tambula uanga.—Ngalásia 5:19-21.

Maji saí milongo iavulu i bhana o ji dotolo ka i fidisa mu Bibidia. Maji muthu ni muthu muéne u sola se u xikina mba kana o milongo íii. Saí milongo a i xikina ku Jimbangi ja Jihova, maji ko Jimbangi joso ja Jihova a i xikina.—Ngalásia 6:5.