-
Muéne ua di Longo Kulondekesa HendaKaiela o Kixikanu Kiâ
-
-
8 O sobha ua diela ué o ituxi iê kioso kiévu o njimbu ia Jona. Muéne ua balumuka ku kiandu kiê kia ungana, ua zula o izuatu iê ia sobha ni ku zuata saku kála o mundu, iu ua “xikama mu utokua.” Ni makota mê, muéne ua bhana ngolokela ia kuila mundu uoso ni ibhaku ka tokalele kudia kima kioso-kioso. Muéne ua tumina athu oso ku di kuta ji saku ni ibhaku ué kiene.b Ni ku lenduka kuoso, o sobha ua xikina kuila, o mundu uê ua tele ituxi iavulu bhu pholo ia Jihova. Muéne ua kexile ni kidielelu kia kuila, Jihova ueji ku a loloka se a diele o ituxi iâ. O sobha uambe: “Nanhi ua k’ijiia se Nzambi . . u sondolola ku tema kua njinda iê, phala ki tu jime mbutu.”—Jona 3:6-9.
-
-
Muéne ua di Longo Kulondekesa HendaKaiela o Kixikanu Kiâ
-
-
b Nange ki bhonza ku tendela o ima ia bhangele akua Ninive, maji kiki kia kexile kiá mu bhita m’ukulu. O mukua musoso, mukua Ngeleku, Herodotu, ua zuela kuila, o akua Pélesa, mu ku dila o kufuá kua kabhitangu ka masoladi a mu zolele kiavulu kuala o mundu, o athu ni ibhaku ka tokalele kudia.
-