1. Jezú Nanyi?

Jezú anju yala ni kutena yala kudyulu. Jihova Nzambi wadyanga kubhanga Jezú ande dya kubhanga o ima yoso. Mukonda dya kiki, o Bibidya imwixana “thungunu mba phandekumbi wala kuthandu dya ima yoso yobhange.” (Kolose 1:15) O Bibidya yamba we kwila, Jezú ‘Mona umoxilele’ wa Nzambi. Kiki kilombolola kwila, Jezú mwene ngó amubhange kwa Jihova sé kikwatekesu kya muthu. (Nzwá 3:16) Jezú wakalakala kumoxi ni Tat’ê Jihova, wamukwatekesa kubhanga o ima yoso. (Tanga Jisabhu 8:30.) Jezú ni Jihova ala ni ukamba wambote. Mwene mukunji wafiyele wa Nzambi, mwéne utula o jinjimbu ni itendelesu ya Jihova. Mukonda dya kiki, o Bibidya imwixana “Dyambu”.—Nzwá 1:14.

Twene mu ta kituxi, kufwa, kutala hadi, mukonda o dikaza dya dyanga, Adá ni Eva, abhukumukina Nzambi.a Maji sayiku hanji kidyelelu. Jihova watumikisa Mon’ê, Jezú Kidistu mu ixi, phala kufwa na tubhulule ku kituxi ni kalunga. O Bibidya ilonga kwila, Jezú wafutu o sata ya kukula bhukaxi kakufwa kwê. O kukula o futu ibhana o muthu phala kubhulula mukwa. Jezú wabhana o mwenyu wê wayuka kala futu. (Tanga Matesu 20:28.) Jezú hinu wasolo kukala ni mwenyu wakalelaku mu ixi. Maji mu vondadi yê mwene wasolo kufwa bhu kididi kyetu, phala tutene kukala dingi ni mwenyu watexi Adá ni Eva. O kufwa kwa Jezú kwa londekesa o yenda yê ni henda ya Jihova kokwetu. O disá didi dyandakukwatekesa kubandekesa o kisakidilu kyê mu sata ya kukala ya Jezú.

1. Kyebhi o kufwa kwa Jezú kutukwatekesa lelu?

Etu tu akwa ituxi, mu kiki twene mubhanga ima yavulu iluwalesa Jihova. Maji mukonda dya sata ya Jezú Kidistu, o ituxi yetu atena ku iloloka. Phala kukatula mbote mu sata yiyi, twabhingi kudyela ni muxima woso, kubhinga muloloki kwa Jihova ni kubhanga yoso phala kituvutuke dingi kuta o ituxi. Se tubhanga kiki twandatena kukala ni ukamba wambote ni Nzambi. (1 Nzwá 2:1) O Bibidya yamba: “Kidistu we wa mi fwila bhu kididi. Mwène ituxi wa i talela hadi mu lumoxi ngó, o muthu wayuka bhu kididi kya akwa ikuma, phala a tu bhixidise kwa Nzambi.”—1 Phetele 3:18.

2. Kyebhi o kufwa kwa Jezú kwandatukwatekesa kuhádya?

Jihova watumikisa Jezú phala kubhana o mwenyu wê wa yuka “phala woso u xikana [Jezú] kafwe, maji a kale ni mwenyu ki wabhwa.” (Nzwá 3:16) Mukonda dya sata ya kukula ya Jezú, Jihova wandazubha o kuyibha kwoso kwene mubhita mukonda dya kubhukumuka kwa Adá. Kiki kilombolola kwila, se tukala ni kixikanu mu sata ya Jezú, twandakala ni mwenyu wakalelaku mu palayízu mu ixi!—Izaya 65:21-23.

DILONGE DINGI

3. O sata ya Jezú ya tubhulula ku kituxi ni kalunga

VIDYU: Mukonda Dyahi Jezú Wafu?—Mbandu 1 (2:01)

• Ihi ya dibotesa Adá kyoso kya bhukumukina Nzambi?

Tanga Loma 5:12, mukusuluka bhanga o kibhwidisu kya kayela:

• Kyebhi o kituxi kya te Adá kya lungulula o mwenyu wê?

Tanga Nzwá 3:16, mukusuluka bhanga o kibhwidisu kya kayela:

• Mukonda dyahi Jihova watumikisa Mon’ê mu ixi?

1. Adá wexile muthu wayuka, maji mukonda dya kubhukumuka kwê, athu oso ene muta ituxi ni kufwa

2. Jezú wexile muthu wayuka, mukonda dya kubelesela kwê athu oso atena kukala ni mwenyu wayuka wakalelaku

4. O kufwa kwa Jezú kutena kukwatekesa o athu oso

VIDYU: Mukonda Dyahi Jezú Wafu?—Mbandu 2 (2:00)

• Kyebhi o kufwa kwamuthu umoxi kutena kukwatekesa athu oso?

Tanga 1 Timote 2:5, 6, mukusuluka bhanga o kibhwidisu kya kayela:

• Adá wexile muthu wayuka, maji mukonda dya kituxi kya te, athu oso ene mu ta kituxi ni kufwa. Jezú wexile we muthu wayuka. Mu ukexilu webhi o sata yabhana Jezú itena “ku tubhulula etwenyoso”?

5. O kukula ujitu wa Jihova phala eye

Phala o makamba a Jihova o kukula ujitu wala ni valolo ya dikota. Mu kifika, tanga Ngalásya 2:20, mukusuluka bhanga o ibhwidisu ya kayela:

• Kyebhi poxolo Phawulu kya londekesa kwila o kukula ujitu wa Nzambi phala mwene?

Kyoso Adá kya te kituxi, mwene ni mwiji we woso a abalakala o kufwa. Maji Jihova wabhana o mwenyu wa Mon’ê phala utene kukala ni mwenyu wakalelaku.

Xinganeka kyebhi Jihova kya divu mu kumona Mon’ê kutala hadi. Tanga Nzwá 19:1-7, 16-18, mukusuluka bhanga o kibhwidisu kya kayela:

• Kyebhi ki udivwa, mu kumona o kima kya bhange Jihova ni Jezú phala eye?

IHI IWADILONGO

Mukonda dya kufwa kwa Jezú, Jihova utena kuloloka o ituxi yetu. O kufwa kwa Jezú kutubhana we kidyelelu kya kukala ni mwenyu wakalelaku.

Kubhitulula

• Mukonda dyahi Jezú wafu?

• Kyebhi o mwenyu wayuka wa Jezú, utena kubhulula athu oso?

• O kufwa kwa Jezú kutena kukukwatekesa kyebhi?

TOKWESA DINGI

Dilonge se mukonda dyahi o mwenyu wayuka wa Jezú awixana sata ya kukula.

“Kyebhi o Sata ya Jezú ‘Itena Kubhulula Athu Avulu’”? (Milongi ya jw.org)

Ijiya se ihi i utena o kubhanga phala kubhuluka ku kituxi ni kalunga.

“Ihi Ilombolola o Izwelu, Jezú Ubhulula?” (Milongi ya jw.org)

O kwila Jihova uloloka kate mwene o ituxi ya makota?

“Ibhwidisu ya Bibidya yo Tambwijile” (O Mulangidi, 1 wa Kasambwadi wa 2013)

Tala kyebhi o kudilonga ya lungu ni sata ya Jezú, kwakwatekesa diyala kulungulula o ukexilu wê.

“Ki Ngi Mubhika Dingi wa Kubhanga Usweya“(Milongi ya jw.org)

1. Webhi o ukexilu umoxi wakulondekesa o kisakidilu kyetu mu mbote ya tubhangela Jihova ni Jezú?

O Bibidya yamba kwila “woso u xikana [Jezú]” utena kukala ni mwenyu wakalelaku. (Nzwá 3:16) Ihi ilombolola kuxikana? Kikulombolola ngó kukala ni kixikanu kwa Jezú. Kulombolola we kulondekesa kixikanu mu ima itusola ni mu ima itubhanga. (Tiyaku 2:17) Kyoso kitulondekesa o kixikanu bhukaxi ka izwelu ni ibhangelu yetu, tukolesa o ukamba wetu ni Jezú ni Tat’ê Jihova.—Tanga Nzwá 14:21.