DISÁ 02
O Bibidya Itubhana Kidyelelu
Athu avulu kumundu ene mu dibhana ni ibhidi, yene mwabhangesa kuluwala ni kukala ni héle. Kiki kyene mwabhekela ndolo yavulu. Okwila wadibhanene kyá ni ibhidi yakubhangesa kudivwa kiki? Nange wamutala hadi mukonda dya uhaxi mba wafundu ndandu yakazola. Mukiki, nange udibhwidisa: ‘Okwila sayi kizuwa o ima yandalunguluka?’ O Bibidya ibhana kitambwijilu kyambote kyalungu ni kibhwidisu kiki.
1. Kidyelelu kyebhi kitubhana o Bibidya?
O Bibidya ijimbulula se mukonda dyahi kwala maka avulu kumundu. Maji ibhana we njimbu yambote yakwila, kwakambe ngó o ima yiyi yandabhwa. O ikanenu ya Bibidiya itena kukubhana ‘kidyelelu kyambote phala o hádya.’ (Tanga Jelemiya 29:11, 12.) Okidyelelu kiki kitena kutukwatekesa kukolokota kyoso kitudibhana ni ibhidi ni kusanguluka né mwene kindala, ni kwila twandasanguluka katé kuhádya ni hádya.
2. Kikanenu kyebhi kitubhana o Bibidya phala o hádya?
O Bibidya yamba kwila, kuhádya kikwandakala “dingi kùfwa, nè ngó mukôndo, mba kudila, mba kukata.” (Tanga Dijingunwinu 21:4.) Omaka ene mubhangesa o athu kukamba kidyelelu kala o wadyama, okukamba okuyuka, mauhaxi ni kufwa, kikwandakalaku dingi. O Bibidya ikanena kwila, o athu andakala mu Palayizu mu ixi, andasanguluka katé kuhádya ni hádya.
3. Ihi ikuxikinisa kwila o ikanenu ya Bibidya yandadikumbidila mwene?
Athu avulu amesena kwila kubhita ima yambote, maji ene katena kudyelela kwila o ima yiyi yandabhita mwene. Kikyene kibhita ni Bibidya. Utena kudyelela kwila o ima yakanena o Bibidya yandadikumbidila, mu ‘kutokwesa o Mikanda Ikôla.’ (Ikalakalu 17:11) Kudilonga o Bibidya kwandakukwatekesa kusola se utena kuxikina mu ima izwela o Bibidya yalungu ni hádya mba kana.
DILONGE DINGI
Tala o ima yakanena o Bibidya phala ohádya. Tala kyebhi o kidyelelu kibhana o Bibidya kyamukwatekesa o athu lelu.
4. O Bibidya itukanena kwila, tutena kukala ni mwenyu wakalelaku sé hadi
Tala o ikanenu yakayela yala mu Bibidya. Kikanenu kyebhi kiwawabhela dingi? Mukonda dyahi wawabhela dingi okikanenu kiki?
Tanga o jivelusu jala kumoxi ni ikanenu, mukusuluka bhanga o ibhwidisu yakayela:
Eye uxikina kwila ojivelusu jiji jibhana kidyelelu? Jitena kubhana kidyelelu kujindandu jé mba makamba?
Xinganeka kukala kumundu
SÉ ATHU . . . |
ATHU OSO ANDA . . . |
|---|---|
|
|
|
|
|
|
|
|
|
|
5. O ikanenu ya Bibidya itena kulungulula omwenyu wé
Athu avulu aluwala, akala ni njinda mukonda dya maka ene mumona kumundu. Amoxi abhanga yoso ni yoso phala kulungulula o ima ni ikale kyambote. Tala kyebhi okikanenu kya Bibidya kya kwila o ima yandalunguluka, kyamukwatekesa o athu lelu. Tala OVIDYU, mukusuluka bhanga o ibhwidisu yakayela.
Muvidyu, ima yebhi yayibha yalungu ni kukamba okuyuka kwexile muthandanganyesa Rafika?
Sumbala o ima yayibha yalungu ni kukamba okuyuka kwamono mwene ki ibhu, o Bibidya yamukwatekesa kyebhi?
Okidyelelu kya Bibidya kyalungu ni hádya, kitukwatekesa kutolola okuluwala ni kusanguluka sumbala ni ibhidi. Tanga Jisabhu 17:22 ni Loma 12:12, mukusuluka bhanga o ibhwidisu yakayela:
Eye uxikina kwila, o kidyelelu kya Bibidya kyalungu ni hádya kitena kulungulula o ima kumwenyu wé kindala? Mukonda dyahi?
ATHU AVULU AMBA: “Kitutena kuxikina kwila, o ikanenu ya Bibidya yalungu ni hádya yandadikumbidila mwene.”
Mukonda dyahi kima kyambote kutokwesa okidi kyalungu ni maka enyá?
IHI IWADILONGO
O Bibidya itubhana kidyelelu. Okwijiya kwila yene ikanena mwenyu wambote kuhádya, kutukwatekesa kudibhana kyambote ni maka.
Kubhitulula
Mukonda dyahi o athu abhingi kukala ni kidyelelu?
Ihi izwela o Bibidya yalungu ni hádya?
Kyebhi okukala ni kidyelelu kyalungu ni hádya kukukwatekesa kindala?
TOKWESA DINGI
Tala kyebhi okidyelelu kitena kukukwatekesa kudibhana ni ibhidi.
“Kwebhi ku Utena Kusanga Okidyelelu?” (Despertai!, 22 de abril de 2004, mu Phutu)
Tala kyebhi okidyelelu kyalungu ni hadya, kitena kukwatekesa yó amudibhana ni uhaxi wabhonzo.
“O Kuila o Bibidia i Tena ku ku Kuatekesa ku Dibhana ni Uhaxi ua Dikota?” (Milongi ya jw.org)
Kyoso ki uya ni kwivwa omwimbu yú, dixinganeke eye ni mwiji wé kutunga mu Palayizu ni kusanguluka kwoso kala kya kanena o Bibidya.
Tala kyebhi kyalunguluka omwenyu wamukwa kuzokela o ufôlo wa athu, kyoso kyadilongo o kidyelelu kya Bibidya kyalungu ni hádya.
“Ki Ngi Banza Dingi Kuila Eme Nga Tokala ku Lungulula o Mundu” (O Mulangidi, 1 wa Kavwa wa 2013)