Dilunge ni Yó a Zolo Jihova

Mukonda dyahi twa tokala kudilunga ni yó a zolo Jihova? Mukonda o athu u tu dilunga na-wu, a tena ku tu funyisa kikale mu kubhanga ima yambote mba ya ibha. (Ji 13:20) Mu kifika, o Sobha Jowaji wa bhange “ima ya yuka bhu pholo ya Jihova,” kyoso kya kexile mu dilunga ni mukunji wa dikota Joyada. (2Mal 24:2) Maji kyoso Joyada kyafu, Jowaji wa xisa Jihova mukonda dya kudilunga ni makamba a ibha.​—2Mal 24:17-19.

Ku hama ya dyanga o poxolo Phawulu wa sokesa o kilunga kya Jikidistá kala “inzo ya dikota.” O athu mu kilunga wa a sokesa kala “itutu,” mba ima ya mukwa mu inzo. Etu tu kala tu “itutu ya ujitu,” kyoso ki tweha kudilunga ni athu a bhukumukina Jihova, kate mwene ku mwiji mba mu kilunga. (2Ti 2:20, 21) Mu kiki, twa tokala kusuluka kubhanga makamba ni yó a zolo Jihova, a tu swinisa ku mu sidivila.

TALA O VIDYU, DITUNE KU DILUNGA NI ATHU A IBHA, MU KUSUKA TAMBWIJILA O IBHWIDISU YA KAYELA:

• Mu mawukexilu ebhi u tu tena kudilunga ni athu a ibha sé ku kijiya?

• Kala ki twa mono mu vidyu, ihi ya kwatekesa o kitatu kya jiphange, kweha kudilunga ni makamba a ibha?

• Itumu yebhi ya Bibidya i tena ku kukwatekesa kusola ni unjimu o makamba mé?