Kikanenu 4. O Ku Kamba O Henda

“Athu ka-nda . . . kala ni henda ia miji iâ.” —2 TIMOTE 3:1-3, God’s Word.

● Chris, u kalakala ku kibuka kia ku kuatekesa athu ene mu dibeta mu mabhata ku Norte de Gales. Chris uambe, “eme nga lembalala o kizuua kia bhixila o muhatu a mu tutujula ni kibetu, ki nga tenene ku muijiia kiambote, kála o kizuua ki nga diangele o ku di sanga-né.” “Saí ahatu a mukuá a kala ni ndolo iavulu ku muxima, a kala ni jisonhi ja ku tala ku athu engi.”

IHI ILONDEKESA O IZULUKUTU ÍII? Ku Africa, muhatu 1 mu ahatu a 3, a mu zangata kiá mu undenge. Saí ixi ia londekesa kuila, telêsu imoxi ia mala, amba kuila, ki kima kia iibha o diiala ku beta o muhatu. Maji ki ahatu ngó ene mu a beta ku mabhata. Mu kifika, mu ixi ia Canada, 3 mu 10 dia mala a a betele kiá ku ahatu uâ.

IHI IZUELA O ATHU? O athu ene kiá mu di beta ku mabhata tundé ukulu. Lelu athu ene mu batula kiá o maka enhá mu ukulu ndenge.

O KUILA O ATHU A MU ZUELA O KIDI? O Maka enhá ene mu a zuela dingi mu izuua ietu. O kuila o kuijiia o maka, kuene mu bhangesa athu kueha o ku di beta? Kana, o ukexilu iú, uene mu di bandekesa dingi. O ku kamba o henda kuene mu dimendala dingi lelu.

IHI I U BANZA? O kuila o divulu dia 2 Timote 3:1-3, dia mu di kumbidila muene? O kuila athu avulu, kene mu londekesa henda ku miji iâ?

[Kilombuelelu ku bandu 7]

“O ku di beta ku mabhata, maka ene mu a zuela kiavulu ku mundu uoso. Ku pholo, muhatu umoxi a-nda mu beta ku dibhata, mu 35 dia ji veji kua kaza diê, ande dia ku ixana xiku dia ngoji.”​—A SPOKESWOMAN FOR WALES DOMESTIC ABUSE HELPLINE.