-
Ihi Yamba o Bibidya ya Lungu ni Salu ni Kitadi?Sanguluka Katé Kuhádya ni Hádya!—Mbote Ijila Mukudilonga o Bibidya
-
-
2. Webhi o ukexilu watokala wakutala o kitadi?
O Bibidya yamba “kitadi ki vungina kala kilembeketa.” (Ndongixi 7:12) Maji yene we itudimuna kwila, o kitadi kikitena kutusangulukisa. Mukonda dya kiki, o Bibidya itutendelesa phala kituzole o kitadi maji ituswinisa ‘kusanguluka ni ima i twala nayu.’ (Tanga Jihebelewu 13:5.) Se kiki tukibhanga, kitwandaluwala mukonda dya kukamba kukala ni ima yavulu. Kitwandata we makongo avulu. (Jisabhu 22:7) Kitwandadita we mu kilwezu kya jijoko jakunganyala kitadi ni kumesena kukala nvwama ni lusolo.
-
-
Ihi Yamba o Bibidya ya Lungu ni Salu ni Kitadi?Sanguluka Katé Kuhádya ni Hádya!—Mbote Ijila Mukudilonga o Bibidya
-
-
5. Kusanguluka ni ima itwala nayu kutubhekela mbote
Kala kizuwa kibhita athu avulu asota kunganyala dingi kitadi. Maji o Bibidya ki itutendelesa kubhanga kiki. Tanga 1 Timote 6:6-8, mukusuluka bhanga o kibhwidisu kya kayela:
O Bibidya ituswinisa kubhanga ihi?
Né mwene twala ni ima yofele, tutena kusanguluka. Tala OVIDYU, mukusuluka bhanga o kibhwidisu kya kayela.
Sumbala ni kitadi kyofele, ihi yexile musangulukisa o miji yiyi?
Abha se twala kya ni ima yavulu maji né kiki twamesena dingi? Jezú wate kifika kilondekesa o ibhidi ijila mu kumesena kukala ni ima yavulu. Tanga Luka 12:15-21, mukusuluka bhanga o kibhwidisu kya kayela:
Ihi iwadilongo mu kifika kyate Jezú?—Tala o velusu 15.
Tanga anga sokelesa Jisabhu 10:22 ni 1 Timote 6:10. Mukusuluka bhanga o ibhwidisu ya kayela:
Mudyé, ihi dingi yabetakota? Kukala dikamba dya Jihova inga kukala ni kitadi kyavulu? Mukonda dyahi?
Kyoso muthu kya mesena kukala ni kitadi kyavulu, ibhidi yebhi itena kudibhana nayu?
-