DISÁ 49
Kyebhi ki Utena Kukala ni Mwiji Wasanguluka?—Mbandu ya 1
O yó akazala kindala amesena kwila o kusanguluka kwexile naku mu kizuwa kya ukaza unangenena kate kuhádya ni hádya. Kiki kitena kubhita. O Jikidistá akazala kyá mumivu yavulu ene mubhanga nguzu phala kukumbidila o itendelesu ya Bibidya, ejiya kwila kiki kitena kubhita.
1. Kitendelesu kyebhi kibhana o Bibidya ku anumi?
Jihova wasolo o diyala phala kukala o mutwameni wa mwiji. (Tanga Efezu 5:23.) Mwene ukingila kwila, o ukexilu wadiyala kubatula o maka ukwatekesa o mwiji. O Bibidya itendelesa o anumi: ‘Sulukenu mu kuzola ahatu enu.’ (Efezu 5:25) Kiki kilombolola ihi? O diyala dya henda utalatala kyambote o muhatu wê kikale kubhata mba bhupholo ya athu avulu. Mwene umulanga, ubhanga yoso yatena phala kudikila o ibhindamu yê mu xitu. (1 Timote 5:8) O kyabeta dingi kota, mwene usota kudikila o ibhindamu yê mu nzumbi. (Matesu 4:4) Mu kifika, mwene utena kusamba ni kutanga o Bibidya kumoxi ni muhatu wê. O diyala utalatala o muhatu wê ni henda, ukolesa o ukamba wê ni Jihova.—Tanga 1 Phetele 3:7.
2. Kitendelesu kyebhi kibhana o Bibidya ku ahatu?
O Mak’â Nzambi amba kwila o muhatu watokala ‘kuxila munumi’ê ni muxima woso.’ (Efezu 5:33) Kyebhi mwene kyatena kubhanga kiki? Mwene utena kuxinganeka mu idifwa yambote ya mwadi wê ni nguzu yene mubhanga phala ku mulanga ni kulanga o twana. Mwene we utena kulondekesa kuxila mu kuxikina o kima kyasola o diyala ni kuzwela ni henda ne mwene se o diyala ki Kidistá.
3. Kyebhi o dikaza kyatena kukolesa o ukaza wâ?
Ya lungu ni makaza o Bibidya yamba: “Kiyadi kyâ anga a kala xitu imoxi.” (Matesu 19:5) Kiki kilombolola kwila, ene abhingi kubhanga yoso yatena phala o henda yâ mudya ki izoze. Ene abhanga kiki mukubhita kithangana kumoxi, kudizwelesa ni henda ni kidi kyoso kyebhi kala muthu kya mudivwa. Ene kehela kima mba muthu kubeta kota mu ukaza wâ, kikale ngó Jihova. Ene asota kudilanga phala kamateke kuwabhela muthu wengi kikaza dyê.
DILONGE DINGI
Dilonge o itumu ya Bibidya itena kukolesa o ukaza wé.
4. Anumi—zolenu ni kulanga o ahatu enu
O Bibidya yamba kwila ‘o munumi watokala kuzola o muhatu wê kala kyazolo o mukutu wê.’ (Efezu 5:28, 29) Kiki kilombolola ihi? Tala OVIDYU, mukusuluka bhanga o kibhwi disu kya kayela.
Mu maukexilu ebhi o munumi ulondekesa kwila ulanga ni kuzola o muhatu wê?
Tanga Kolose 3:12, mukusuluka bhanga o kibhwidisu kya kayela:
Kyebhi o munumi kyatena kulondekesa o idifwa yiyi?
5. Ahatu—zolenu, xilenu o anumi enu
O Bibidya iswinisa o ahatu kuxila o anumi, kikale se mwene Kidistá mba kana. Tanga 1 Phetele 3:1, 2, mukusuluka bhanga o kibhwidisu kya kayela:
Se mwadi wê kamusidivila lwa Jihova, se phata eye wamesena kwila mwene umusidivila. Mudyé, ihi yeji mukwatekesa: kumubokela izuwa yoso inga kukala umuhatu wambote, mukwa henda ni kumuxila? Mukonda dyahi?
O diyala ni muhatu kiyadi kyâ, atena kusola kyambote o ima. Maji sayi ithangana, o muhatu kaxikina o kima kyasolo o diyala. Mwene nange uzwela ihi yamuxinganeka, maji ukibhanga ni henda ni kuxila mu kwijila kwila Jihova wabhana o ujitu ku diyala wakusola o ima kumwiji. Mwene wabhingi kubhanga yoso yatena phala kukwatekesa o kima kyasolo o diyala. Mukubhanga kiki, mwene wandakwatekesa o mwiji wê kusanguluka. Tanga 1 Phetele 3:3-5, mukusuluka bhanga o kibhwidisu kya kayela:
Kyebhi Jihova kyadivwa kyoso o muhatu kyaxila munumi wê?
6. Enu mutena kuditunda kyambote mukudibhana ni maka mu ukaza
Seku ukaza wayuka. Mukonda dyakiki, o makaza abhingi kukalakala kumoxi phala kutolola o ibhidi imoneka mu ukaza. Tala OVIDYU, mukusuluka bhanga o ibhwidisu ya kayela.
Mu vidyu, ihi ilondekesa kwila o dikaza dyexile mudisandula kwa Jihova?
Ihi yabhange ene phala kukolesa o ukaza wâ?
Tanga 1 Kolindu 10:24 ni Kolose 3:13. Kyoso kimwandatanga kala velusu, bhanga o kibhwidisu kya kayela:
Kyebhi o kukumbidila o itendelesu yiyi itena kukolesa o ukaza?
O Bibidya yamba kwila, twatokala kudixila mudyetu. O kuxila kwalungu ni kutalatala o muthu ni henda. Tanga Loma 12:10, mukusuluka bhanga o kibhwidisu kya kayela:
O kwila o munumi mba o muhatu wandalondekesa ngó kuxila se o mukwa mwene utwama kukibhanga? Mukonda dyahi uzwela kiki?
ATHU AVULU AMBA: “O ima yalunguluka mu ukaza wami. Etu kitwadizukama dingi.”
Kyebhi kiweji jimbulula kwila o Bibidya itena kukwatekesa mumaka ya?
IHI IWADILONGO
O munumi ni muhatu atena kusanguluka se kiyadi kyâ adizola, adixila, akumbidila o itumu ya Bibidya ku myenyu yâ.
Kubhitulula
Kyebhi o munumi kyatena kukwatekesa o mwiji kusanguluka?
Kyebhi o muhatu kyatena kukwatekesa o mwiji kusanguluka?
Se eye wakazala, itumu yebhi ya Bibidya yeji kwatekesa kukolesa o ukaza wé?
TOKWESA DINGI
Tanga o jindunge janda kukwatekesa kukala ni mwiji wasanguluka.
Tala o vidyu yamwimbu ulondekesa o mabesá ejila mu kukumbidila o itumu ya Nzambi mu ukaza.
Tala ihi ilombolola kuxila o munumi kala mutwameni wa mwiji.
“Ahatu, Mukonda Dyahi Mwatokala Kuxikina?” (O Mulangidi, 15 wa Kasambwadi wa 2010 mu Phutu)
Tala kyebhi o itendelesu ya Bibidya ya lungu ni ukaza itena kukwatekesa o makaza amudibhana ni maka.