Mulangidi KIDIDI KYA KUBHAKA MADIVULU MU INTERNETE

Kyebhi ki Utena Kulondekesa o Kisakidilu Kyé mu Mbote ya Kubhangela Jihova ni Jezú

Sanguluka Katé Kuhádya ni Hádya!—Mbote Ijila Mukudilonga o Bibidya
- 3. Kyebhi kitutena kulondekesa o kisakidilu kyetu
  
  Xinganeka kwila wamuboba mu menya, kwiza muthu ukubhulula. O kwila weji jimba o mbote ya kubhangela? Inga weji bhanga yoso i utena phala kumusakidila mu yoso ya bhange phala kubhulula o mwenyu wé?
  
  Tutena kukala ni mwenyu wakalelaku mukonda dya henda ya tukwatela Jihova. Tanga 1 Nzwá 4:8-10, mukusuluka bhanga o ibhwidisu ya kayela:
  
  Mukonda dyahi o sata ya Jezú ujitu wadikota?
  
  Kyebhi ki udivwa mu kwijiya o mbote ya kubhangela Jihova ni Jezú?
  
  Kyebhi kitutena kulondekesa o kisakidilu kyetu mu mbote ya tubhangela Jihova ni Jezú? Tanga 2 Kolindu 5:15 ni 1 Nzwá 4:11; 5:3. Kyoso kimwanda zubha kutanga o jivelusu, bhanga o kibhwidisu kya kayela:
  
  Kala kiwatange, kyebhi kitutena kulondekesa o kisakidilu kyetu?

Mukonda Dyahi Twabhingi Kudibhakula ni Kudibatizala?

Sanguluka Katé Kuhádya ni Hádya!—Mbote Ijila Mukudilonga o Bibidya
- 1. Ihi ibhangesa o muthu kudibhakula kwa Jihova?
  
  Etu tudibhakula kwa Jihova, mukonda twamuzolo. (1 Nzwá 4:10, 19) O Bibidya yamba: ‘Zola Jihova Nzambi yé, ni muxima wé woso, ni mwenyu wé woso, ni kilunji kyé kyoso ni nguzu yé yoso.’ (Máluku 12:30) Tulondekesa kwila twazolo Nzambi bhukaxi ka izwelu ni ibhangelu yetu. Mu kifika, se diyala ni muhatu adizolo mukidi, ene asola kukazala. Kyene kimoxi we ni henda yetu kwa Jihova, yene itubhangesa kudibhakula kwa mwene ni kudibatizala.