Tundé mu mbeji ia Katutu, o Ukexilu Uetu ua Ukidistá, Milongi Phala o Iônge, ua-nda kala ni mbandu ia ubhe ia jindunge ja kuboka, ni diambu “Longa o Kidi.” O mbandu íii, phala kulonga o kidi kia Bibidia, mu kubhanga ibhuidisu ni katanga o Mikanda Ikôla.

Se tu mona kuila o mukuâ dibhata ua mesena kudilonga, tu tena ku mu xisa kibhuidisu phala ku mu kunda dingi, ku mu bhana kadivulu mba kulondekesa vidiu mu jw.org. Tua tokala ku a kunda sé kulaleka, phala kusuluka ni milongi i tua mateka. O milongi ia jindunge jiji ja ubhe, ia-nda tunda mu divulu Ihi i Tu Longa o Bibidia? Tua-nda sanga-mu ibhuidisu ni jivelusu ja Bibidia, ja-nda tu kuatekesa ku kunda o athu ni kua longa ngó ni Bibidia.

Kuala ngó njila imoxi i tu ambata ku muenhu. (Mat 7:13, 14) Mukonda tuene mu zuela ni athu a maukexilu avulu, jisengu javulu, tu zuela ni athu mu ukexilu ua a tokala. (1Ti 2:4) Kioso ki tu zuela ni kisangu-sangu ni kubandekesa o uhete uetu mu “kulonga kiambote o maka ma kidi,” O kisangu-sangu kietu kia-nda di bandekesa, tua-nda di tunda ué kiambote mu kulonga akuetu.—2Ti 2:15.

Athu ku mundu oso a mesena kua konda o malamba. (Nd 4:⁠1) Mu mbeji ioso ia Katutu, tua-nda bhanga kambanha ka kubhana O Mulangidi, ua-nda zuela ia lungu ni kukonda o malamba. Bhana o mulangidi iú mu kambanha. Etu tua mesena kuzuela ni athu pholo ni pholo phala ku a kuatekesa, mu kiki, ki tu tokala kuxisa o Mulangidi se mu inzo ki muala athu.

IHI I TUA-NDA ZUELA

“Etu enioso tua bhindamena ku tu konda o malamba ithangana ioso. Nanhi u Tena ku tu konda o Malamba? [Tanga 2 Kolindo 1:​3, 4.]O Mulangidi iú u jimbulula kiebhi Nzambi kia tu konda o malamba metu.”

Se o muthu u londekesa kuila ua mesena kudilonga anga u xikina o mulangidi, . . .

Mu kusuluka mu longe o Bibidia.

Xisa kibhuidisu phala ku tambuijila kioso ki ua-nda vutuka, kala kiki: Mukonda diahi Nzambi uehela o hadi?