O Kuila Eie Uala ni Anju ié Iene mu ku Langidila?

O Bibidia ki i longo kuila kala muthu uala ni anju iê iene mu mu langidila. Kidi, sai kizuua Jezú uambe: “Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu.” (Matesu 18:10) Mu kidi Jezú ua kexile mu zuela kuila, o jianju ja mesena o mbote ia athu, ka kexile mu zuela kuila kala muthu uala ni anju iê iene mu mu langidila. Mukonda dia kiki o Jikidistá ja kidi ki jene mu di ta mu iluezu, mu ku banza kuila o jianju ja Nzambi ja-nda kua langa.

O kuila kiki kilombolola kuila o jianju ki jene mu kuatekesa o athu? Kana. (Jisálamu 91:11) Athu avulu a xikina ni kidi kioso kuila, Nzambi ua a kuatekesa kiá bhu kaxi ka jianju. Kala Kenneth, tua mu tumbula kiá mu mulangidi iú, ua muene kuila a mu kuatekesele ku jianju. Ki tuejiia kiambote o maka iá, maji nange o ia zuela muene kidi. O Jimbangi ja Jihova ene mu mona o kikuatekesu kia jianju, mu kikalakalu kia kuboka. Kuma etu ki tu tena kumona o jianju, ki tu tena ue kuzuela se kiebhi Nzambi kiene mu ji tumikisa phala kukuatekesa o athu. Mu kidi kima kiambote ku sakidila Nzambi mu ioso iene mu bhanga phala ku tu kuatekesa.—Kolose 3:15; Tiiaku 1:17, 18.