Йаһоԝа «Хԝәдейе Шабун у Әшԛа» Мә йә

1-2. а) Иро гәләк мәрьв чь һʹалида ньн? б) Ве готареда әме чь шеԝьр кьн?

ИРО гәләк мәрьв һәр тьшти дькьн ԝәки бәхтәԝар бьн, ле диса жи шабуне настиньн. Гәләк мәрьв бәр хԝә дькʹәвьн у дьфькьрьн ԝәки ԝе тʹӧ щара нькарьбьн бь рʹасти бәхтәԝар бьн. Рʹаст ә әм хьзмәткʹаред Йаһоԝа нә, ле диса жи дьԛәԝьмә әм хԝә мина ԝан мәрьва тʹәхмин кьн. Әм «рʹожед хьлазийеда» дьжин, ләма жи әм заньн ԝәки әме жи хәмгин бьн у дәрдед мә жи ԝе һәбьн (2 Тимотʹейо 3:1).

² Ве готареда әме бьвиньн кӧ чьрʹа әм дькарьн шабуна хԝә ӧнда кьн, у әм ча дькарьн диса бәхтәԝар бьн. Ле пешийе әме пебьһʹәсьн кӧ чь йә Канийа шабуна рʹаст.

КАНИЙА ШАБУНА РʹАСТ

3. Жь тʹәбийәте әм дәрһәԛа Йаһоԝа чь педьһʹәсьн? (Бьньһерʹә ӧса жи шькьл.)

³ Йаһоԝа тʹьме ша йә у әԝ дьхԝазә кӧ әм жи ша у бәхтәԝар бьн. Әв йәк жь тʹәбийәте те кʹьфше, мәсәлә, жь бәдәԝбуна дәшт у чʹийа, жь щурʹә-щурʹә рʹәнгед кӧлирка у щурʹә-щурʹә һʹәйԝана, у ӧса жи жь хԝарьнед хԝәш. Бәле, Хԝәде бь рʹасти мә һʹәз дькә у дьхԝазә кӧ әм жь жийине шабуне бьстиньн!

Baby elephant: Image © Romi Gamit/Shutterstock; penguin chicks: Vladimir Seliverstov/500px via Getty Images; baby goats: Rita Kochmarjova/stock.adobe.com; two dolphins: georgeclerk/E+ via Getty Images

4. а) Рʹаст ә Йаһоԝа һʹәму кӧл-дәрдед мәрьва дьвинә, ле диса жи ча әԝ шабуна хԝә ӧнда накә? б) Йаһоԝа чь дьдә мә? (Зәбур 16:11)

⁴ Йаһоԝа кӧл-дәрдед һʹәму мәрьва дьвинә, у дьле ԝи сәр мәрьва дьшәԝьтә. Ле диса жи Кʹьтеба Пироз дьбежә, кӧ әԝ «Хԝәдайе бәхтәԝар» ә (1 Тимотʹейо 1:11). Гәло Йаһоԝа ча шабуна хԝә ӧнда накә? Йәк жь мәʹнийа әв ә, кӧ әԝи рʹож кʹьфш кьрийә, ԝәки һʹәму кӧл-дәрда бь тʹәмами кӧта кә. Һʹәта әв рʹож бе, Йаһоԝа һазьр ә али мә бькә. Гәло чаԝа? Мәсәлә, әԝ шабуне дькә дьле мә (Бьхунә Зәбур 16:11). Ԝәрә әм бьньһерʹьн ԝәки шабуна кӧ Йаһоԝа дьдә, ча сәр Иса һʹӧкӧм дькьр.

5-6. Иса чьма йәки әшԛ у ша йә?

⁵ Жь һʹәму әʹфринед Йаһоԝа, йе һәри әшԛ у ша, Иса йә. Гәло чьма? Дӧ мәʹнийед сәрәкә һәнә: 1) «Әԝ сурәте Хԝәде йә», ләма жи әԝ бь щурʹе кʹамьл һʹәму хәйсәт-һʹӧнӧред Баве хԝә әʹйан дькә (Колоси 1:15; 1 Тимотʹейо 6:15). 2) Иса жь һʹәмуйа зедәтьр тʹәви Баве хԝә, йе кӧ Канийа шабуне йә, ԝәʹдә дәрбаз кьрийә.

⁶ Иса жь ԛәдандьна ԛьрара Хԝәде шабуне дьстинә (Мәтʹәлок 8:30, 31; Йуһʹәнна 8:29). Әԝ йәки амьн ә, ләма жи Йаһоԝа жь ԝи рʹази йә у ԝирʹа фьрнаԛ дьбә (Мәтта 3:17).

7. Әм ча дькарьн бәхтәԝарийа рʹаст бьвиньн?

⁷ Сәва кӧ әм бәхтәԝарийа рʹаст бьвиньн, гәрәке әм дьһа незики Йаһоԝа бьн, йе кӧ Канийа шабуне йә. Чьԛас зедә әм дәрһәԛа Йаһоԝа һин дьбьн у чʹәʹв дьдьнә ԝи, һаԛас шабуна мә дьһа зедә дьбә. Ӧса жи әм ша дьбьн, гава әм ԛьрара Хԝәде тиньн сери у заньн ԝәки әԝ жь мә рʹази йәa (Зәбур 33:12). Ле һәрге әм щар-щара шабуна хԝә ӧнда дькьн, гәло әв йәк те һʹәсабе кӧ Хԝәде жь мә рʹази нинә? На. Әм мәрьвнә ԛьсурдар ьн, ләма жи щарна әм еше дькʹьшиньн, хәмгин дьбьн йан дькʹәвьнә депресийайе, у Йаһоԝа һʹале мә рʹьнд фәʹм дькә (Зәбур 103:14). Ԝәрә әм бьньһерʹьн кӧ чь дькарә шабуне жь мә бьстинә у әм ча дькарьн шабуна хԝә диса вәгәрʹиньн.

БЬРА ТʹӦ ТЬШТ ШАБУНЕ ЖЬ ТӘ НӘСТИНӘ

8. Дәрдед жийине ча дькарьн сәр мә һʹӧкӧм кьн?

⁸ Дәрдед жийине. Гәло тӧ жь бо зӧлми у зордарийе, тʹәшԛәлед тʹәбийәте, кʹәсибийе, нәхԝәши йан калбун-пирбуне дьчәрчьри? Илаһи дәрәщед кӧ дәсте мәда ниньн, дькарьн шабуне жь мә бьстиньн. Кʹьтеба Пироз ӧса дьбежә: «Дьле кӧл рʹӧһʹ дьпʹәрчʹьԛинә» (Мәтʹәлок 15:13, ИМ). Рʹуспики бь наве Бабис, йе кӧ нава чар салада һьм бьре хԝә һьм жи де-баве хԝә ӧнда кьр, ӧса дьбежә: «Мьн хԝә тʹәне у бечʹарә тʹәхмин дькьр. Щарна әз хәмгин дьбьм, чьмки гәләк шьхӧле мьн һәбун у мьн нькарьбу пешийа мьрьна де-баве хԝә у бьре хԝә дьһа зедә ԝәʹдә тʹәви ԝан дәрбаз кьра». Бәле, дәрдед жийине бь рʹасти жи дькарьн мә һʹал бехьн у дьлтәнг кьн.

9. Чь дькарә али мә бькә шабуна хԝә вәгәрʹиньн? (Йерәмйа 29:4-7, 10)

⁹ Чь дькарә али мә бькә шабуна хԝә вәгәрʹиньн? Бона ве йәке әм гәрәке дәрһәԛа тьштед кӧ дәсте мәда ниньн, бь зедәйи бәр хԝә нәкʹәвьн у бона тьштед кӧ бал мә һәнә, шекьрдар бьн. Мәрьвед ве дьнйайе дьфькьрьн, ԝәки сәва кӧ бәхтәԝар бьн, лазьм ә кӧ әʹмьр һʹәму алийава беԛьсур бә. Ле әв йәк нәрʹаст ә. Мәсәлә, гава Щьһу дилтийа Бабилонеда бун, Йаһоԝа ԝанрʹа гот, кӧ һʹале хԝә ԛәбул кьн у чь жь дәсте ԝан те бькьн, ԝәки һини дәрәща хԝәйә тʹәзә бьн (Бьхунә Йерәмйа 29:4-7, 10). Жь сәрһатийа ԝан әм дькарьн чь һин бьн? Дәрәща хԝә ԛәбул кә у бона тьштед баш, йед кӧ бал тә һәнә, шекьрдар бә. Бир нәкә, кӧ Йаһоԝа ԝе али тә бькә (Зәбур 63:7; 146:5). Хушка мә Ефи, йа кӧ жь бо ԛәзике сәԛәт бу, ӧса дьбежә: «Йаһоԝа, щьват у малбәта мьн, гәләк али мьн кьрьнә у бәрдьли данә мьн. Ләма жи мьн нәдьхԝәст бешекьр бьм у дәсте хԝә дахьм. Әз дьхԝазьм нишани Йаһоԝа у хушк-бьра кьм, кӧ әз бона аликʹарийа ԝан шекьрдар ьм».

10. Әм ча дькарьн ԝәʹде чәтьнайа шабуна хԝә ӧнда нәкьн?

¹⁰ Гава чәтьнайед мә һәнә, йан гава тьштед хьраб тенә сәре мә йан малбәта мә, әм диса жи дькарьн шабуна хԝә ӧнда нәкьнb (Зәбур 126:5). Гәло чьма? Чьмки шабуна мә дәрәщед мәва гьредайи нинә. Пешәнгәкә бь наве Марийа ӧса дьбежә: «Гава әм рʹасти чәтьнайа тен, әв йәк кӧ әм шабуна хԝә ӧнда накьн, найе һʹәсабе кӧ әм һәстед хԝә нав хԝәда дькӧжьн. Ле әв йәк те һʹәсабе, кӧ мә созед Йаһоԝа бир нәкьрийә. Баве мә ԝе али мә бькә шабуна хԝә хԝәй кьн». Бир нәкә, чәтьнайед мә чьԛас гьран бьн жи, әԝе тʹәне ԝәʹдәки кьн бькʹьшиньн. Әԝана мина пʹегәһед сәр ԛума бәр дәве бәʹре нә, кӧ ԝәʹдәки дьреж наминьн, чьмки пʹелед бәʹре ԝан пʹегәһа дьшо дьбә.

11. Сәрһатийа Паԝлосе шанди ча тә ԛәԝи дькә?

¹¹ Һәрге әм жь бо проблемед хԝә дьфькьрьн кӧ Йаһоԝа ида мә ԛәбул накә, сәрһатийед хьзмәткʹаред Йаһоԝа, йед кӧ рʹасти тәнгасийед гьран һатьбун, бинә бира хԝә. Мәсәлә, бьфькьрә дәрһәԛа сәрһатийа Паԝлосе шанди. Иса хԝәха Паԝлос бьжарт ԝәки әԝ рʹастийе «мьләтед дьнрʹа бьдә наскьрьне, ӧса жи пʹадшарʹа у щьмәʹта Исраелерʹа» (Кʹаред Шандийа 9:15). Щабдарикә чьԛас мәзьн бу! Диса жи, әʹмьре Паԝлос бе хәм у дәрда нибу (2 Корьнтʹи 11:23-27). Гәло тәнгасийед мәзьн, йед кӧ Паԝлос рʹасти ԝан дьһатьн, нишан дькьрьн ԝәки Йаһоԝа ида жь ԝи рʹази нинә? Һәмьки на! Бь рʹасти әв йәк кӧ чаԝа Паԝлос ԝан дәрәщада сәбьр дькьр, дьда кʹьфше кӧ Йаһоԝа ԝи кʹәрәм дькьр (Рʹомайи 5:3-5). Ньһа дәрһәԛа һʹале хԝә бьфькьрә. Тӧ бь амьни бәр тәнгасийа тәйах дьки. Ләма тӧ жи дькари баԝәр би, ԝәки Йаһоԝа жь тә рʹази йә.

12. Чь дькарә бьԛәԝьмә, гава әм нькарьн бьгьһижьнә нетед хԝәйә рʹӧһʹани?

¹² Нетед кӧ әм нькарьн бьгьһижьнә ԝан (Мәтʹәлок 13:12). Әм Йаһоԝа һʹәз дькьн у жь ԝи рʹази нә, ләма жи әм нетед рʹӧһʹани датиньн пешийа хԝә, ԝәки дьһа зедә хьзмәтийеда кʹар бькьн. Ле дьбәкә жь бо һьнә дәрәщед әʹмьре хԝә әм нькарьбьн бьгьһижьнә ԝан нетед хԝәйә рʹӧһʹани. Сәва ве йәке әм дькарьн хәмгин бьн (Мәтʹәлок 17:22). Пешәнгәкә бь наве Һоли ӧса дьбежә: «Мьн дьхԝәст Мәкʹтәба бона Мьзгинванед Пʹадшатийеда һин бума, ԝәлатәки дьнда хьзмәт кьра, йан жи сәр проекта авакьрьне Рʹамапойеда кʹар кьра. Дәрәщед әʹмьре мьн һатьнә гӧһастьне у мьн ида нькарьбу ԝан нета дайньм пешийа хԝә. Әз гәләк дьлтәнг бум. Бь рʹасти жи, гава әм дьхԝазьн гәләк тьшта бькьн, ле нькарьн, әм хәмгин дьбьн». Гәләк кәс хԝә ӧса тʹәхмин дькьн, гава нькарьн ӧса Йаһоԝарʹа хьзмәт кьн, чаԝа кӧ дьле ԝан дьхԝазә.

13. Һәрге әм жь бо дәрәщед әʹмьре хԝә нькарьн һәр тьшти ль гора дьле хԝә бькьн, әм дькарьн кʹижан нета дайньн пешийа хԝә?

¹³ Чь дькарә али мә бькә шабуна хԝә диса вәгәрʹиньн? Бир нәкә, ԝәки Йаһоԝа гәләк тьшта жь мә дәʹԝа накә. Ӧса жи, ньһерʹандьна ԝийә һьндава мәда ве йәкева гьредайи нинә, кӧ әм хьзмәтийеда чьԛас дькарьн бькьн. Йаһоԝа дьхԝазә кӧ әм мьлук у амьн бьн (Миха 6:8; 1 Корьнтʹи 4:2). Бона ԝи тьште һәрә фәрз әв ә, кӧ әм мәрьвнә чь щурʹәйи нә. Ләма жи, һәрге Йаһоԝа бь реали сәр мә дьньһерʹә, гәрәке әм жи һьндава хԝәда ӧса бьн.c Һәрге дәрәщед мә изьне надьн кӧ әм ль гора дьле хԝә Йаһоԝарʹа хьзмәт кьн, ԝе баш бә кӧ әм нетед реали дайньн пешийа хԝә, кӧ бькарьбьн бьгьһижьнә ԝан. Мәсәлә, дьбәкә әм дькарьн хԝәрʹа нет дайньн, ԝәки щьватеда али щаһьләки йан кәсәки әʹмьрда мәзьн бькьн. Дьбәкә әм дькарьн кәсәкирʹа тʹеле хьн, смс-е бьшиньн сәва кӧ ԝана ԛәԝи кьн, йан жи рʹу бь рʹу ԝана ԛәԝи кьн. Һәрге әм хирәт бькьн кӧ бьгьһижьнә нетед ви щурʹәйи, Йаһоԝа ԝе шабуна мә зедә кә. Ӧса жи, бир нәкә кӧ дьнйа тʹәзә незик ә. Ԝи ԝәʹдәйи әме бькарьбьн һе зедә Йаһоԝарʹа хьзмәт кьн. Һоли ӧса дьбежә: «Әз хԝәрʹа дьбежьм, ԝәки жийина һʹәта-һʹәтайе пешийа мьн ә. Дьнйа тʹәзәда әзе ида бькарьбьм һәр тьшти чь кӧ бьхԝазьм, бона Йаһоԝа бькьм».

14. Диса чь дькарә шабуне жь мә бьстинә?

¹⁴ Кʹәтьна пәй һәбун у ԝәʹдәдәрбазкьрьне. Сәр малпәред сосйали һьнә мәрьв ӧса дьдьнә кʹьфше, те бежи бәхтәԝари ве йәкева гьредайи йә, кӧ тʹьме баш ԝәʹде хԝә дәрбаз кьн. Ләма жи гәләк мәрьв тʹьме дьхԝазьн хԝәрʹа тьштед тʹәзә бькʹьрʹьн, ԝан тьштава мьжул бьн чь кӧ ԝан хԝәш те у ԝәлат-ԝәлат бьгәрʹьн. Һәмьки нәхьраб ә кӧ мәрьв бь тьштед ӧсава мьжул бә. Йаһоԝа әм ӧса әʹфьрандьнә, ԝәки жь тьштед баш шабуне бьстиньн. Ле гәләк кәса ԝәхт шунда тедәрхьст ьн кӧ тьштед ӧса шабуна рʹаст найньн. Пешәнгәкә бь наве Ева ӧса дьбежә: «Гава мәрьв һәри зедә дина хԝә дьдә кʹефа хԝә, әԝ тʹӧ щара тʹер набә». Ләма жи мәрьвед кӧ тʹәне пәй кʹефа хԝә йан пәй мал у мьлкʹ дькʹәвьн, ахьрийеда хәмгин дьбьн.

15. Әм жь Сьлеман Пʹадша чь дькарьн һин бьн?

¹⁵ Сәрһатийа Сьлеман Пʹадша дина мә дькʹьшинә сәр ве йәке, кӧ гава мәрьв пәй кʹефе у һәбуне дькʹәвьн, әв йәк чь ахьрийе тинә. Сьлеман дьфькьри кӧ бь сайа хԝарьна хԝәш, музика хԝәш у мал-мьлкʹ, әԝе шабуне бьстинә. Ле ӧса нибу. Әԝи гот: «Чʹәʹв бь дитьне тʹер набә, гӧһ бь бьһистьне тʹьжә набә» (Ԝаиз 1:8; 2:1-11, ИМ). Ньһерʹандьна дьнйайе сәр канийа шабуне мина пʹәред ԛәлп ә, демәк тьштәки кӧ серида ԛимәт те кʹьфше, ле паше дьбә сәбәбе дьлтәнгийе.

16. Чь дькарә али мә бькә шабуна хԝә диса вәгәрʹиньн? (Бьньһерʹә ӧса жи шькьл.)

¹⁶ Чь дькарә али мә бькә шабуна хԝә диса вәгәрʹиньн? Иса готьбу кӧ «бәхтәԝари һе зедә дайинеда йә, нә кӧ стандьнеда» (Кʹаред Шандийа 20:35). Рʹуспики бь наве Алекос ӧса дьбежә: «Чьԛас жь дәсте мьн те, әз хирәт дькьм ԝәки ԛәнщийе бона кәсед дьн бькьм. Гава әз али мәрьва дькьм, әз бь зедәйи дәрһәԛа хԝәстьнед хԝә нафькьрьм, у әв йәк шабуне мьнрʹа тинә». Гәло тӧ чь дькари бона кәсед дьн бьки? Һәрге тӧ дьвини кӧ кәсәк тәнгасийеда нә, дьле ԝи ԛәԝи кә. Дьбәкә тӧ нькарьби чәтьнайа ԝи бь тʹәмами бьди һьлдане, ле диса жи һәрге тӧ дьлрʹәʹмийе бьди кʹьфше, рʹьнд гӧһ бьди ԝи у бини бира ԝи, ԝәки әԝ баре хԝә бьдә сәр Йаһоԝа, тӧ дькари дьле ԝи рʹьһʹәт ки (Зәбур 55:22; 68:19). Ӧса жи тӧ дькари бини бира ԝи, кӧ Йаһоԝа әԝ тʹәне нәһиштийә (Зәбур 37:28; Ишайа 59:1). Тӧ дькари һәла һе хԝарьне жерʹа һазьр ки, тʹәви ԝи дәркʹәви дәрва бьгәрʹи, йан жи тʹәвайи дәркʹәвьнә хьзмәтийе. Мәщале бьдә Йаһоԝа кӧ әԝ бь сайа тә дьлбинийе бьдә мәрьва. Һәрге әм һәри зедә дина хԝә бьдьнә кәсед дьн, нә кӧ хԝә, әме шабуна рʹаст ԛазанщ кьн (Мәтʹәлок 11:25).

17. Шабуна мә ча Йаһоԝава гьредайи йә? (Зәбур 43:4)

¹⁷ Сәва кӧ әм шабуна рʹаст ԛазанщ кьн, әм гәрәке тʹьме бәрдәԝам кьн дьһа незики Баве хԝәйи әʹзмана бьн. Кʹьтеба Пироз дьбежә, кӧ Йаһоԝа канийа «шабун у әшԛа» мә йә (Бьхунә Зәбур 43:4). Ләма чь жи әʹмьре мәда бьԛәԝьмә, нәлазьм ә кӧ әм бәр хԝә кʹәвьн. Ԝәрә әм тʹьме хԝә ль Йаһоԝа бьгьрьн, йе кӧ Канийа шабуна мә йә! (Зәбур 144:15)