• Пьштгьрийа Жьнед Баԝәрмәнд Бькә
    Бьрща Ԛәрәԝьлийе (Бона Һинбуне) — 2020 | Илон
    • Иса Мәсиһ рʹуньштийә у һин дькә. Мәртʹа у Мәрйәм бәр льнгед ԝи рʹуньштьнә у гӧһ дьдьн ԝи. Шькьл: 1. Жьн у мерәк тʹәсәлийа хушкәкә әʹмьрда мәзьн дькьн. Мер тʹәви хушке хәбәр дьдә, ле жьна ԝи тьшт-мьшта щиԝар дькә. 2. Жьн у мерәк ԛӧльхкьрьна тʹәви малбәте тʹәви хушкәке у ԛиза ԝе дәрбаз дькьн. 3. Бьрак тʹәкәрәка әʹрәба дӧ хушка дьгӧһезә.

      Мина Иса Мәсиһ, ԝе баш бә кӧ әм бона хушкед амьн хәм бькьн (Бьньһерʹә абзаса 6 һʹәта 9)e

      6. Ԝәк Луԛа 10:38-42 нишан дькә, Иса чаԝа али Мәртʹа у Мәрйәме кьр?

      6 Иса Мәсиһ тʹәви хушкед амьн ԝәхт дәрбаз дькьр, у әԝ ԝанрʹа бу достәки баш. Мәсәлә, достийа ԝи йа бь Мәрйәм у Мәртайерʹа бинә бира хԝә (Луԛа 10:38-42 бьхунә). Ӧса те фәʹм кьрьн кӧ әв һәрдӧ хушк жи азәп бун. Иса Мәсиһ бь готьн у кьрьнед хԝә али ԝан дькьр кӧ әԝ хԝә рʹьһʹәт тʹәхмин бькьн. Мәсәлә, Мәрйәме шәрм нәдькьр кӧ бәр льнгед ԝи рʹуне.c Гава Мәртʹа әʹщьз бу, чьмки Мәрйәме али ԝе нәдькьр, әԝе хԝә паш нәкʹьшанд кӧ ве йәке Исарʹа бежә. Ԝе рʹоже, Иса һәрдӧ хушкарʹа һьнә дәрсед фәрз да. Иса Мәсиһ гәләк щар дьчу мала Мәртʹа, Мәрйәм у бьре ԝан Лазар, чьмки әԝи ԝана һʹьз дькьр (Йуһʹн. 12:1-3). Ләма әм шаш наминьн кӧ гава Лазар нәхԝәш кʹәт, Мәрйәм у Мәртʹайе жь Иса аликʹари хԝәст (Йуһʹн. 11:3, 5).